|
اليوم تذكروني الخطاب لأني مبتعثه
السلام عليكم و رحمة الله و بركاته
اليوم تذكروني فقط اليوم لاني مبتعثه مركونه بالزوايا مهمله لسنوات ولكن اليوم اصبح لي قيمه البعثه و ما ادرك ما البعثه اختكم في الله بنت عاطفيه حتى الثماله و كانت تحلم لسنوات مثل كل بنت بالحب الحلال و الزواج و ان تجد زوج يعيشها احلى قصة حب و انتظرت هذا الحلم لسنوات و صبرت ولله الحمد و يشهد الله عليها انها لم تلجأ للحرام و الطرق الملتويه ولكن بقدر الله لم يتحقق هذا الحلم لانها لا يوجد لديها مميزات شكليه تميزها عن البنات يعني عاديه الجمال ولكن خلوقه و متعلمه و مجتهده و سمعتها مثل العطر و بحياتها ما سوت مشاكل بين اقربائها او فتنه وتكره الغيبه و النميمه و منشغله بتطوير نفسها ولكن كل هذا لم يشفع لها لانها غير جميله و فاتنه قضاء و قدر و الحمدلله على كل حال بعد تخرج من الجامعه كان لديها الامل ان الله يعوضها عن الزوج بوظيفه تحقق ذاتها و تشغلها عن الفراغ العاطفي لانها بنت عاطفيه و حنونه و رومنسيه بدرجه كبيره و عميقه المهم اختنا في الله طرقت الابواب مدارس اهليه معاهد وظائف الخدمه المدنيه ولكن لا حياة لمن تنادي رأت نفسها جليسة البيت وحيده ولا شئ من احلامها تحقق و البنات من حولها ينخطبون و يتزوجون و كل بنت تحكي قصتها مع خطيبها و زوجها و زوجي سوى و زوجي فعل و زوجي سفرني و زوجي مشاني <<<تعرفون حركات البنات ..اختنا بالله كانت صابره و في حياتها ما احسدتهم بالعكس تتمنى الخير لهم و همها كان بقلبها و دمعتها ما يمسحها الا مخدتها و تقول الكريم الوهاب الي رزقهم و عنده خزائن الرزق ما راح يحرمني و راح يعوضني بحب و زوج ينسيني كل لحظة ألم على فكره البنت عندها عزة نفس و لما يقولها احد البسي كذا او روحي تمصلحي و رزي وجهك قدام ام فلان عندها عيال فرصه كانت تنزعج جدا من هالكلام و تقول انا نفسي عزيزه و تأبى الذل و اذا ابي رزق اطلبه من رب العالمين هو يسخره لي و انا حافظه ماء وجهي و معززه مكرمه مرت الايام و الشهور و اختنا بالله على هالحاله بعد فتره البنت التحقت و سجلت ببرنامج الابتعاث الله يطول عمر ابو متعب . المهم انقبلت بالبرنامج و فرحت قالت ممكن باب خير ادرس و اشغل وقتي و اكسب خبره جديده و هي بنت شاطره و هي الي قامت بأغلب امور الابتعاث و هي من يسعى لجمع المعلومات و انهاء الاجراءات و تستعين بأخوانها في الاشياء الضروريه الي ما تقدر تسويها و بعد حب خشوم يروحون طبعا هي مرشحه اخوها مرافق للابتعاث معها وسيذهب معها لكنه متردد بسبب عمله و اخذ اجازه 6 شهور بيروح معها و ممكن يرجعون قبل انهاء البعثه يعني دراسة لغه و بعدين يشوفون كيف الظروف ممكن يأتي اخوها الثاني وهي قلبها يتقطع على اكمال الماجستير ولكن اكيد لا يمكن ان تجلس ببلد الغربه وحدها لما اختنا بالله صارت مبتعثه و انتشر الخبر بين الاهل و الاقارب صارت بين يوم و ليله كائن مرئي و صارت انثى تنفع للخطبه و جاء سعيد الحظ يخطب ..هذا سعيد يعرفها من سنوات بس يا حرام مسكين توه ينتبه لها لانه يبي يطلع ابتعاث <<< معذور المسكين لا تلومونه !!!! طبعا البنت انفجرت غضبا و حست بجرح عميق بقلبها توهم يتذكروني؟ اليوم صرت غاليه؟؟ اليوم يفكرون فيني كزوجه؟؟ انا كأنسانه مالي قيمة الا بالبعثه؟؟ عجبي على الدنيا الكل يلومها و الضغوطات من كل مكان يقولون تزوجي و كملي ماجستير وهو محرم معك طول فترة البعثه من مصلحتك هالزواج و فعلا ممكن يكون من مصلحتي و البعثه اسهل لما يكون المرافق زوج ولكن النفس العزيزه تأبى تأبى تأبي محتاجه للزواج نعم محتاجه للعفاف نعم و بشده ولكن زواج حب موده اختيار باقتناع يختارني لذاتي أنا أنا فلانه و ليس لأي اعتبار اخر الزواج = الحب ...الحب = الزواج زواج المصالح ما ابشعه ...لا و الف لا اموت من الجوع انحرم من البعثه و انحرم من كل شئ اهون علي من ان ابيع مشاعري و عواطفي للمصالح عواطفي و مشاعري احافظ عليها اغلى من عيوني لكي اعطيها للشخص المناسب و في الوقت المناسب البعثه و المال يروحون بجهنم ولكن العواطف لا تباع و لا تشترى لا تباع ولا تشترى لا تباع ولا تشترى ارجوا منكم التعليق و اسداء النصيحه و رائيكم بموقفها لان البنت مضغوطه من كل الجهات من اجراءت البعثه و السفاره ومن عريس الغفله الي طلع فجأه |
يا قلبي
مو شرط اختارك عشان (البعثة) ، بس النصيب يكون (جاك) زميلتي أول ما توظفت ، انخطبت .. و يوم تزوجت كان أخوها اللي أصغر منها دايم يعايرها و يتريق عليها ( إنت زوجك تزوجك عشان الوظيفة ) و من كثر مايردد الشئ هذا و نفسيتها تأثرت، زوجها خلاها تترك وظيفتها بعد سنة من زواجهم بس عشان يثبت للكل إنه متزوجها عشانها مو عشان وظيفتها ، و بعد كم سنة دحين تقول (ليتني ما تركت وظيفتي) .. : ( لا تفكري كذا ، و يمكن من كثر ما أقاربك صاروا يتكلموا عنك عشان بتسافري للبعثة فالشئ هذا ، خلى قريبك .. ينتبه لك ؟ |
ماشاءالله صاروا بنات البعثه مستهدفين الدنيا كلها صارت مصالح واستغلال من راي انها ترفضوا وتروح مع اخوها وان شاءالله خلال فترة البعثة يشوفها الا يبغاها لذاتها مو لبعثتها مو بعيد لو
وافقت واتزوجت وسافرت اول ماترجع يطلقها وفي الاخر الخيرة فيما اختره الله من فترة كنت اتكلم انا وصاحبتى عن البعثات واحده قالت مابدى زوج مستغل يارايت يفتحوا مكتب استقدام محارم للطالبات طبعا مزح الله يكتبلها كل خير يارب |
اختي .,ضروري انك تستخيري بالامر., بالنسبه ليا بما انك عاطفيه وتتمني الزوج المحب والرومانسي اللي يكون عن اقتناع وحطِ تحت اقتناع خمس خطوط ! لاتستعجلي وتوافقي لانك بعدين لو صار راح تندم ان افتقدت هاد الشي لكن., استخيري ثم استخيري ثم استخيري وربي تاكدي بمية بالميه بيخترلك الخير اي كان وزي ماقلتي عيوني الله اللي بيقسم الارزاق ويعطي ويرزق والله يعطيكِ ويرضيكِ ويعطيني ويرزقنا من اوسع ابوابه موووووفقه بالبعثه ., |
:d
ياعمري والله لو مكانك بخربها علية بقولهم انا مو ببالي زواج الان اكمل دراستي وبعدها كلموني بالموضوع منها بتعرفي لو يبغاك لذاااااااااااااااااااااااااااااااااااتك اقسم بالله انة بينتظرررررررررررررررررررك لو 6 شهور بعدها تقدم هذا الوقت استخيري او بطريقة ثانية وصلي لهم بما اني بتزوج فقررت الغي البعثة :25: وان الاستقرار والزواج اهم من كل شي وشوفي انتي الاجواء :d خليك ذكية والفرصة بيدك .. لكن بجد على كلام بنت مكة صارت المبتعثة ولو فيها عيوب الدنيااااااا حللللللللللللوة وملكة جمال ومطلوبة اعرف شخص من المعارف تزوج مبتعثة ولا حتى سوى فرح لاهلة ماصدق انها مبتعثة والي شساف العروس :24:يقووووووووووووووول فرقالسما عن الارض بينهم ليش كل هذا ؟؟؟؟؟؟؟؟؟؟؟؟؟؟ عشان بعثة لو بيوم انحطيت بموقفك بسوي الي قلتة لك وبرفضهم عطووووووووووووووووووول وانتظر لما ارجع بشهادة مرموقة ويكون النصيب عشاني ولذاتي مو لبعثة لو بملايين الارض اهم شي انا وسعادتي وبس |
نصيحتي لك او تقدملك احد اخلاقه و دينه ممتازين ارضي بنصيبك و توكلي علي الله ربما يكون الله اراد ان يرزقك بالزوج الصالح في هذه الظروف فكري جيدا و استخيري اختي .
|
استخيرررررررررري
لعله رزق من الله بعثه وزوج اهم شي هوا ما يكون عاطل وماصدق ع الله تكوني مبتعثه موفقه اختي |
اختي الكريمة
لا تربطي ما بين البعثة و النصيب اسئلي عن الشخص و دققي بالسؤال عن طريق اخوانك ويسئولون اصحابه واذا ثبت انه مناسب لك فالحمد لله والله يتمم على خير انتي ممكن تربطين الموضوع لو كان فيه اكثر من شخص تقدم لك في نفس الوقت وهذا احتمال برضه ضعيف توكلي على الله وانسي امر البعثة وقيمي الشخص لذاته اذا هو مناسب من عدمه الله يكتب لك الصالح من امره |
اختي الكريمة ,,
انشري اشاعة بين اهلك و اقاربك انكي لن تذهبي للبعثة لان والدك رفض (مثلاً) و شوفي ردة فعل الخطاب ,, اللي يستمر على موقفه بالتقدم معناه انه مو طامع في البعثة , و اللي ينسحب بيكون الله رد عنك شر ,,, بس بغيت اقول لك شي , مو شرط انه سبب الخطبة مصلحة بقدر ما قد يكون خبر ابتعاثك اشهرك امام الناس و جعلك موضع الانظار ,, عموماً جربي تسوي الكلام اللي قلت له لك فوق و راح تتضح لك الصورة ,,, |
أختي الله يسرلك امورك ويزيدك علم ونور أنا أرى ان لاتربطي بين وقت الخطبه والبعثه يمكن انه كان يفكرفيك من قبل وكان الوقت اللي تقدملك فيه صادف امور بعثتك لاتخلطي بين الأمور وفكري بتأني واستخيري مره ومرتين وثلاث ومليوووووون الا أن تجدي الراحه من ناحية قرار معين إما الرفض او الموافق ولاتتخذين قرارتندمين عليه بعدين "واهم شيء اسألي عن اخلاقه اهم شيء وصلاته ولاتتسرعين بلحكم عليه ؛؛؛؛؛؛؛؛؛؛؛؛ الله يختارلك اللي فيه الخيره |
| الساعة الآن 01:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©