|
هل هذا هوا الزواج ..؟!؟!
السلام عليكم ورحمة الله وبركاته
انا زوجه جديده على الحياه الزوجية متزوجه من شهر ونص تقريباااا عمري 24 وعمره 25 لكن مااحس اني عروووس احس ان لي 25 سنه متزووووجه دايم اسآل نفسي هل هذا هوا الزواج ولا انا حالة استثنائيه هل كل الناس كذا عايشه ولا بس انا وحدي اعاني انا حسااااسه دمعتي قريبه ماتحمل اي موقف يزعلني فيه زوجي على طول ابكي بدون مايحس و رومااانسيه وعاطفيه محتاجه حب وحنان لكن زوجي الله يسخرررره لي اول شهر كنت احس بحبه وحنانه ونسهر ونسولف ونطلع نتمشى ع البحر وماكان يفارقني وكنت مبسووووطه لكن بمجرد مارجع للدوام انقلب 180 درجه :( صار يطلع للدوام الساعه 8 ويرجع ساعه عشان الغدا طبعا تكون قبل العصر واحيان تكون ساعتين اذا خلص شغله بدري بمجرد ماياذن العصر يخرج عشان يدرس عند مدرس ومن المغرب للعشا دوام ومن العشا لين الساعه 11 او 12 مع اصحابة اغلب وقته مع اصحابه حتى وهو بالبيت مانسلم من اتصالاتهم :( وعشان مااظلمه ساعات قليله يجي الساعه 10 <<مدري يمكن اصحابة وقتها يصرفونه والطامه الكبراااا اذا رجع البيت 10 او 11 بدل مايجلس معايا يعوووضني عن طول اليوم اللي يقضيه برااا يجلس ع اللاب لين ماتتكسر عظامه يروح ينخمد طيب انا وين موقعي من الاعراااااب :( احس اني لوووحه او تحفه الاااا جدررر كل ماقول له اني امل لوحدي واني ابغا اجلس معاه يقول لي انا اقضي وقتي بالشغل او الدراسه طيب من بعد العشا لين 12 فاضي قلت له مابكون طماعه خصص لي يوم واحد بالاسبوع بسس <<وربي انرحم:( وانا اقسسسم بالله العظيم وربي على مااقول شهيد اني مهتمه بنفسي وبلبسي على طووول لكل وقت مخصصه له لبس النهار لبس والعصر لبس والليل لبس وميك اب مره ناعم ومره وسط ومره ثقيل والعطور والبخور مع اني اتكشخ للجدران بس اقول ماعليه يمكن يطب فجآه واحبه واموت عليه وادلعه وااكله بيديني ولا مرض اعامله كنه طفل وماخليه يسوي شي كل شي يجيه لين عنده حتى علاجه ماخليه ياخذه بيده ولاتكلم اسمعه بكل حواسي وفي العلاقه مو مقصره معه بشهادته جالسه احاول ارضيه في كل شي بس ماشوف انه يحاول يرضيني وش يبون الرجال اكثر من كذا ؟!! وغير كذا صرت بس ساكته :( لانه مايسولف معي يابالجوال ياع النت وانا صفر ع الشمال هوا قريبي وخطبني عن قناعه هو اختارني انا بديت امــــــل الا ملييييييييييييت احس اني عفوا على هالكلمه صرت احس انس زي الخدامه لوحدي في البيت بس البس وانظف واطبخ واغسل واكوي واطبطب وادلع لكن انا مالي شي صرت احس اني مو قادره اعطي زي قبل لاني مااخذ شي الواحد يحب زي مايعطي ياخذ عشان يعطي اكثرررررر انا محتاجه انه يحسسني اني نصفه الثاني يشاركني في كل شي اموره سوالفه مشاكله محتاجه اني احس اني اقرب الناس له محتاجه شغلات كثير بس للاسف احس ان زوجي من النوع اللي مايتفاهم يعني لو شكيت له يقلب الموضوع علي حتى لو هو غلطان ومره شكيت له وسويت اني حزينه فكرني ابي (....) انا ابيه هوا ابي شخصه ابي احس بقربه قبل (...) هو يقول انه يحبني ويحلف بس انا مااصدقه لو يحبني كان يحب يجلس معي ويسولف معي ويطلع معي مو يفضل اصحابه علي صرت اكرررررههم وودي ادعي عليهم :( على فكره هذا طبعه من قبل الزواج من ايام الخطوبه واخواته يقولون لي تراه مايجلس في البيت ومايرجع الا وقت النوم بس قلت يمكن بعد الزواج يصير مسؤؤؤل ويتغير وغير كذا احس لو اجلس عند اهلي يومين ثلاث ماتفرق معاه وعادي ينام وانا مو بالبيت اما انا ماقدر انام وهو برااا وهوا طيب معي وحبوب وخدوم ومو مقصر باغراض البيت ومايزعلني كثير بس مهمشني كثيييييييييييير وش اسووووي متضايقه مرررررره كل يوم ابكي اقول هذا لنا شهر ونص بعد سنتين ثلاث وش بيصير محتاجه ابكي بحضن امي واشكي لها بس مابي اضايقها امثل السعاده قدامهاا وانا من جوا ابكي احس اني وحـــيــده هل هذا هو الزواج ؟! |
حياك الله اختي قصائد
مبرووك زواجك وربي يهدي سركم .. ويألف بينكم :: اختي رغم تذمرك من زوجك إلا انك ذكرتي إيجابيات كثيرهـ لزوجك فإجعلي هذه الإيجابيات أمام عينيك حتى تعينك على تحمل سلبياتهـ أختي في أول سنة زواج تكون هناك تغيرات في حياة الشخص قد لا يتأقلم عليها الشخص بسرعهـ فأنتي ذكرتي ان اخوات زوجك اخبروك بأنه يسهر ولا يجلس في البيت فهذا طبع تعود عليه وتعود على الجلوس مع أصحابه والسهر معهم فمطالبتهـ بترك ذلك ..صعب في البداية وسيرفضهـ إما حباً في السهر مع أصحابهـ أو خوفاً بأن يقولوا له تغيرت علينا بعد الزواج :: وايضا شهر ونصف لا تكفي لن يعتاد على ذلك نصيحتي لك .. أولاً / الصبر والتفآؤل بان يتغير ثانياً / لا تهمشي هذا وتتركي الأيام تغيرهـ فلن تغيره لكن إبدأئي بتغييير مالايعجبك في زوجك قد يحتاااج الكثير من الوقت .. ولكن ستكون النتيجه كما تحبي ثالثاً / أثري عنصر المفاجأهـ والجذب حتى يحبذ زوجك أن يجلس في البيت فالروتين ان تكوني متشيكه ومستعده لإستقباله وحده لا يكفي .. فزوجك يريد شئ يجذبهـ للبيت فمثلا كهذه الفكره التي في الرابط قد تفيدك http://www.66n.com/forums/showthread.php?t=96510 . . أو هنا http://www.66n.com/forums/showthread.php?t=199931 وغيرها الكثييير من ألأفكار اتركي له بطاقات في جيبه في سيارتهـ شاشاة التوقف في جهازهـ او الخلفيه تعبر عن حبك .. ومشاعرك نوعي بالأفكار .. حاولي يوم ان تعزميه على وجبة عشاء في مطعم وأخبريه بطريقه مميزهـ قبلها بيوم أو يومين :: تذكري ان سن زوجك صغييير فبوجهة نظري الشباب في هذا السن تميل كثيرا إلى السهر مع الشباب لا إلى تحمل المسؤليات لذا تحمليهـ قليلاً :: أؤكد لو أبدعتي بأفكارك وتحملتي قليلاً ستجدي النتيجه المثمرهـ |
تذكرت . شيئاً في اول شهر من زواج أختي اخذها عند اهله .. وقال سأذهب قليل عند أصحابي وأعود ذهب وتركها عند اهله ولم يعود إلا بعد الفجر وعندما عاتبته لأنها إنحرجت من مكوثها الطويل عند أهله قال لها نسيت أني متزوج خخخ : : والآن ولله الحمد أصبح أغلب وقتهـ في بيتهـ وترك عادة السهر الطويل مع أصحابهـ |
مبروووووووك يا عروسه
الاخت الوان النقاء وفت وكفت ترا لازم الصبر وخصوصا في بداية الزواج بليييز لاتخلي الشيطان يلعب بمخك اشغلي حالك ببتك نمي عندك هوايات كنتي مهملتها لاتخلي زوجك هوا همك الوحيد وبالتوفيق ياعروسه:) |
سلام يا عروستنا بسرعة مليت و لحقتي تشتكي من حياتك هههههههه يا حلواا ختي صديقني كل الناس تصير معها نفس الشي في السنة الاولى زواج
و حالة عادية لانك جديدة بكرة حتتعودي على اسلوبوا في الحياة بس لا تبكي لان البكا ما راح يعملك شي حاولي ان تتماشي مع وضعه و بكرة لما تنجبي اولاد و تنشغل معهم مش حلاحظ هدا شي حتنساه انو برة المهم اصبري و شد حيلك انا اقول لك خفيفي عن نفسكو بما انه قريبك يعني الجئي الى اقاربه يمكن يوصل له الرساله و انت كمان قول له هدا الشي في لحظة يكون فيها فرحان و كمان لما يكون برة اتصل بيه او ابعثلو مساج يكون رقيق و حلو و يا رب يخفف عليك يا عروسة و اريد ان اقول لك ان اغلب المشاكل بتكون في سنة اولى زواج احمدي ربك على كدة في عرايس بتشوف اكتر من ها شي في يوم صبحتها و شهر عسل و انت و الحمد لله قلت بنفسك انك ما نقصك شي احمي ربك و يا رب يهديه هو كمان |
اولا مبروك
ثانيا مشكلتك مافيه ابسط منها وراح تضحكين على نفسك بعد كم سنة تدرين قصايد انا كنت مثلك نفس الشي لما تزوجت كنت ما اشبع من زوجي واشوف الوقت اللي يقضيه معي قليل وهو مشالله رجع لحياته وعمله واصحابه بسرعه وكنت اتهاوش معه كثيرررررررررررررررررر بس تدرين مدري ليش الحرمه ماتمل بسرعة؟؟؟؟؟؟؟؟؟ يمكن ان هذي طبيعة المرأة ولو رجع لي الوقت ماكان قضيته في هواش معه وراح اقولك اش تسوي حاولي تنشغلي بهوايات قديمة لكي كوني صداقات زوري اهلك صحباتك , خليه يشتاقلك خليه هو يدورك وصدقني لما يجي طفلك الاول راح تقل الخلافات وراح يقل شوقك له وهو بعد راح يحب البيت اكثر بوجود اطفال لان بيجلس مو بس معك حتى مع اطفاله ويقلل خرجاته |
المراءة تتعلق بزوج في الأشهرالاولى لكن كثيرررررررررر من الرجال لايفهم هذا
اعانك الله |
اجلسي معه وقولي له الموضوع اللي بخاطرك... وبدون استجداء او بكاء اخاف يكون من النوع اللي يتغلى
قولي انا بقولك شي بخاطري وودي افضفض لك..بيقول لك هاتي ماعندك..قولي له اوعدني انك تاخذ كلامي على محمل الجد وتفكر فيه قبل ماترد علي... راح يقول اوعدك... ثم قولي له انا ماودي انك تقطع اصحابك بس حاول تخففها لانك انت الان متزوج وانا في ذمتك ولي حق عليك مثل مالك حق علي، وانا معظم وقتي جالسة بالبيت لحالي ومليت من الوحدة، وحاول توفق بيني وبين اصحابك حتى وان علقوا عليك بأنك تغيرت عليهم عادي قلهم انا انسان متزوج وزوجتي لها حق علي هذا الرد راح يسكتهم اكيد.. وقولي له ان ووجودك في البيت يهمني ابغى اجلس معك واحس بعطفك وحنانك حتى لو ماتكلمنا وظلينا ساكتين انا راح احس باهتمامك لي كزوجة ولا ابغى يجي اليوم اللي ماافتقد وجودك في البيت بعدين سوي كذا :rolleyes: بس بدون دموع الله يوفقكم |
يا رعاك الله
أقدر شعورك وحاجتك لوجود الرجل بجانبك ليشبع لك حاجاتك النفسية والعاطفية. ثم أقول لك: أن زوجك به الكثير من الإيجابيات مثل الطموح وإكمال التعليم وقيامه بحقوقه وواجباته كلها. ::: زوجك يعيش المرحلة الانتقالية بين العزوبية والزواج، وهو مازال في المنطقة الوسطى بينهما، وفي اعتقاده الشخصي أنه قد قام باحتياجات منزله على أكمل وجه وأنك في البيت مستقرة آمنة مطمئنة فلا داعي لوجوده الكثير وعليه الانتباه لنقاط أخرى في حياته كمستقبله أو طموحه. وفي الجانب الآخر زوجك يعمل هذا لأجلك ولأجل ذريتكم بعد توفيق الله، ولايريد كذلك التفريط بصداقاته فإن الرجال في عرفهم يحتفظون بالصداقات أكثر من النساء. ::: أيضاً للفائدة لك ولباقي النساء أقول إن الرجال بطبعهم وطبيعتهم إذا أشبعوا شيئاً ما في حياتهم بشكل عام أو اعتقدوا أنهم قاموا بشيء ما في الحياة الزوجية على أكمل وجه فإنهم ينتقلون إلى أهداف أخرى مباشرة كي يكملوها. وهذه طبيعتنا. ::: اهدئي واطمئني وتفاءلي فليس لديك مشكلة ابداً. دعينا الآن من هذا وسف نحاول عرض بعض الاقتراحات: 1) أشغلي وقتك بهواياتك القديمة، وقراءة الكتب خلال فترة تواجده خارج المنزل. 2)في حالة انشغاله باللاب توب. قولي له: حبيبي. سأعمل لك كوباً مع العصير أو الشاي. أيضاً إن لم يمانع قومي بعمل مساج له. 3)عندما يكون مع أصدقائه أرسلي له رسائل حب وشوق أو مثلاً: أنا عملت لك مفاجأة في المنزل..متى سوف تأتي؟ أو مثلاً: لن أنام حتى تأتي البيت وأطمئن عليك. أو مثلاً: أنا والبيت اشتقنا لك 4)أرسلي له رسائل التقدير والثناء والاحترام. 5)قبلي رأسه مرة في الأسبوع وأشكريه على مجهوداته. 6)ارفعي يديك بالدعاء أمامه. 7)بعد أن تفعلي الخطوات السابقة وفي حالة عدم ملاحظة أي تغير فلا مانع أن تجلسي معه جلسة مصارحة ودية أو أرسلي له رسالة نصها: هل أنا قصرت معك في شيء؟ 8)ارفعي يديك بالدعاء إلى ربك أن يؤلف بين قلبيكما. ::: باختصار اجذبيه بلطف وكياسة إلى البيت. وثقي أن الرجل سوف يعود إلى عشه وأن هذه مرحلة طبيعية. |
شهر ونص يا اختي لسه بدري أنه ممكن يجي ملل وهي أول سنة اعتقد أنها من اجمل اللحظات وكمجرب لهذه المرحلة الانتقالية ولو حصل بدون حمل لمدة سنة أفضل لكم ولكن الواحد مايعلم الغيب ولايعترض على قضاء الله برضو الأطفال أكبر نعمة من الله
والله يوفقك |
| الساعة الآن 12:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©