|
عروسه وعندي مشكلة!!!
السلام عليكم وحمة الله جميعا
هذا أول موضوع لي بالقسم هذا...........من زمان عن المنتدى والمواضيع طيب ندخل بالموضوع أبشركم تزوجت ولله الحمد كان ودي أبشركم بس فترة خطوبتي كانت قصيره وكنت فيها نفسيه وخايفه من مستقبلي:25: والوسواس لاعب فيني:( الحمدلله زوجي في صفات كثيره كويسه وأعجبتني لكن بداية الزواج انصدمت وتأثرت قالي بيوم كنا جالسي نتكلم مع بعض قالي انتي ياجمال الروح عمرك كبير على العلم ان عمري بمنتصف العشرينات وقتها تحطم حسيت نفسي عانس وهو متفضل علي يوم اخذني وجاني صياح وكابه طبعا من دون علمه وراحت السالفه وبعد فتره عادها علي مره ثانيه بس بطريقه ثااانيه قسم بالله تحطمت حسيت اني كبيره و و و والله لو كنت عارفه ان هذي نظرته عني مااخذته بس قدري طيب وش رايكم وش اتصرف على العلم اني ذاك اليوم انفجرت عليه وزعلت وهو ييقول مايستاهل كل هذا:(:( صدقوني قسم بالله ماقلت لاحد من صديقاتي ولا اهلي كاتمه واتالم من داخلي انصحوني وارشدوني الله يسهل اموركم ويوفقكم |
ماني مصدقه عيوني جماااااال الروح :eek:
بسم الله ماشاء الله تبارك الله وأنا اقول وين البنت مختفيه ألف مليون مبروك ياعمري والله فرحت لك من كل قلبي :) وخفت لما شفت الموضوع وقلت معقول تزوجت وماقالت لنا وكمان بدت المشاكل:( بس ارتحت يوم قريت الموضوع ياابنت شيلي الحساسيه والوسواس حتتعبي كثير لو ظليتي تدققي :23: وخلي عندك ثقه بنفسك مو أي كلمه تزعلك وتفقدك ثقتك بنفسك هما الرجال كذا يحبوا التحطيم ماأعرف ليش:( ولو عادها لك قوليله شكلك غيران مني لأني أصغر منك بضحكه لأنك بزعلك تخليه يترسخ الشي هذا بذهنه ويحسسه أنك من جد شايفه نفسك كبيره !! ألا هو كم عمره المحروس؟؟؟ |
السلام عليكم ...
اولا مبروك الزواج الله يوفقك ويسعدك ويسخر لكم لبعض ثانيا : ليه يوم قالها خصوصي الثانية على اعتبار ان الزلة الأولى مشيتيها له ... ليه ما قلتي : ليش ؟ ما كنت عارف عمري قبل تاخذني ؟؟؟ ما غصبناك ... وتقولينها بهدوووء شديد بدون انفعال عشان تصيب ولا تكون نقطة ضعف محسوبة عليك .... كم عمره ؟؟ أو بالأحرى كم بينكم ؟؟؟ |
أحب زووجي شفتي كيف صرت مدام ؟؟؟ عارفه والله العظيم اني مقصره المفروض بشرتكم بس مادري كيف الى اخر لحظه وانا مو مصدقه اني انا العروسه!!!
غصب عني يقهرني ماحب التفكير هذا طيب هو ليه اخذني كان دور على وحده ثانيه هو عمره28 وانا مادري وش فيني فيني حسااااااااااااااااااااااااااااااااسيه مو طبيعيه بس دموع على طول ساعات احسه ثقيل دم بعدين اقول حرام واتراجع وساعات اشك انه بخيل وهي كلها اوهام بس العمر شي ثاني من جد قهرني الله يسامحه انتي لو مكاني وش راح يكون موقفك؟؟؟؟؟ |
رسيل ياقلب قلبي انتي امييين يااارب ..........بس خلاص صااارت نقطة ضعف لاني انفعلت بالمره وقتها بس هو يقول عادي ليش زعلانه مايستاهل!!!!!!!والفرق تقريبا3 سنوات
|
طيب ما عليه الي فات مات ...
المرة الجاية إذا قالها .. خليك عادية لا تنفعلين .. وخلي عندك رد جاهز تقولينه بكل برود .. أحيانا الرجال يدودرون وتر حساس يلعبون عليه لمضايقة الزوجة واستفزازها فلا تقدمي له هذا الوتر وتعلمي اخفاء انفعالاتك ... أدري الكلام سهل لكن لازم تبدين على تدريب نفسك وستصلين .. تراي كنت حساسة لدرجة غير طبيعية ... قنواتي الدمعية كانت دايما ماشية .. سبحان الله الحين غيييير ... حتى احيانا اللي حولي يقولون لي ( انتي ما يهمك احد ) لأني لا أسمح لاحد بالوصول الى مبتغى استفزازي مني أبدا .... وهذا بالتدريب والممارسة بس لا تقولي ما أقدر ... ************** طريتي علي اليوم سبحان الله وها انتي بيننا الله يسعدك ويوفقك ويجعل لك زوجك على ما تحبين على الطاعة |
اقتباس:
لازم تتعلمي تكتمي أنفعالاتك وماتبينيله أن النقطه هذي تضايقك لأنه راح ترسخ بباله أكثر لو باقي عادها مثل ماقالت رسيل قوليله والله حبيبي ماغصبناك أنت اللي جيت ودقيت الباب وماضحكنا عليك ولاشي وأخذتني وأنت عارف عني كل شي وقتها والأهم من هذا كله بدون زعل قوليها بأسلوب عادي وبثقه ولو كنت مكانك كانت ردة فعلي مثل ماقلتلك فوق ألحين أقولك لكن لو سألتيني ببداية زواجي أتوقع كانت حتكون ردة فعلي نفس ردة فعلك الآن لكن الحمد لله عقلت :) وحشتينا كثير والله والحمد لله أنك بخير نصييييييحه مهمه عشان أعصابك الحساسيه الزايده بالحياه الزوجيه راح تتعبك كثير لازم تدربي نفسك على اسلوب جديد وراح تتغلبي عليها أو على الأقل تقدري تتحكمي بردات فعلك شوي من واقع تجربه |
ألف مبروك ياجمال الروح الله يسعدك ويسخر لك زوجك
خليك واثقة من نفسك هم الأزواج كذا عشان ماتشوفين حالك عليه قوليله :ماحد غصبك ...أو انت اللي جيت ....ما ركضت وراك ...وممكن تنزلين دمعتين وتقولين له اللي بخاطرك انا قالها زوجي لي بعد الزواج بأربع سنين وكان عندي ولد.. ماكنت اعرف أرد عليه.. ومرة سافر لأهله وجاء ماهو طايق نفسه:انت كبيرة وأمك كبيرة أكبر من امي (شفت التخلف) أمي الله يرحمها بعمر أخوه الكبير قلت : طيب ياحبيبي أنت صغير وأنا كبيرة في كل شيئ....سكت ماعاد قالهاإلى يومك هذا ومرة بنت أخوه قالت لي قدام الحريم:عمي صغير عمي جنتل مان قلت لها :قولي آمين الله يرزقك بزوج زي عمك قالت لا لا لا تدعين عليه.. وشكرت ربي أن رزقها زوج فيه جمال ماهو طبيعي وأصغر منها وإن شاء الله تشوف منه زي ما شفت من أهلها ... زوجي أكبر مني بخمس سنوات |
عادي ياشيخة.. إذا قالك انت كبيرة..
ردي عليه بس أنا أصغر منك.. تروح تجي أنا أصغر منك.. تنام تقوم أنا أصغر منك.. بحالة وحدة راح أكون أكبر منك.. إذا انت مت بعمر معين ..وانا عشت بعدك وتعديت العمر اللي انت وقفت عنده راح اصير أكبر منك..هههههههههههههه |
اختي اول شي الموضوع مو مستاهل كل هالزعل
كيف تشوفي المشاكل الحقيقية (الله لا يوريكي ياها قولي آمين ) تاني شي بدي قلك الحساسية مع الزمن لازم تتخلصي منها و هي بطبيعة الحال سينزل مستواها حتى إذا صرتوا بآخر العمر صار الواحد بشتم التاني و الآخر بضحك :d << عم بتذكر (جدي و جدتي) يعني الحساسية مع الوقت عاملة متل هالخط البياني : http://img839.imageshack.us/img839/2...edownchart.gif ^^ شايفة شو رايقة عملت الصورة خصوصي مشانك :28: انتي المفروض ما تاخدي الأمر بشكل جدا لو كان زوجك بتكلم بشكل جدي اقلبي الكلام عليه بطريقة المزاح قولي له يعني من صغرك يا حبيبي ؟ انا 25 و انت 28 ليش نسيت عمرك ؟ و لا تظن انك بتقهرني اذا سمعتني كم عمري لأني أنا مو متل باقي النساء ما بزعجني ذكر العمر و ضحكي و اذا جسمك رشيق أكتر من جسمه كمان اذكريها بمزاح يعني كنوع من التسكيت ووضع حد للمزاح هذا لو تاخدي كل كلام زوجك على محمل الجد بتعيشي بنكد اختي انا بنصحك كل شي صغير و تافه متل هذا خديه بروح رياضية و اضحكي و مع الوقت زوجك بقول زوجتي مرحة ! مو أفضل من قوله زوجتي نكدية ؟؟ و اذا بيوم من الايام قال شي كتير صعب تقبله بكل بساطة قولي (حبيبي انا ما بحب هالنوع من المزاح ) ما تخبي شو بقلبك و اعلمي ان أول سنة من الزواج بكون التفاهم قليل جدا و بالتالي المشاكل (ألتاقهة) كثيرة المهم ان تعرفي كيف تتصرفي بحكمة استعملي دهاء المرأة و انوثتها في أمور كهذه و لا تكوني ضعيفة ! موفقة :) |
| الساعة الآن 04:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©