|
محتار مع العروسة وأغراض الطليقة ...
احترت اين اضع موضوعي ؟! موضوع 1- صور الزواج عند الانفصال 2- وعندي فلم فيديو للزواج انا لم اظهر فيه 3- وفيلم آخر أنا أظهر فيه وموجود عندها واحيانا نفسي توسوس لي ان ممكن يأذوني فيه وش رايكم بالصور أتلفها وأحرقها ؟ أو أقص الجزء اللي أنا فيه وأعطيها الجزء الثاني والفلم اللي عندي وش رايكم ؟ والفلم اللي عندها اطلبه ولا كيف ؟ طبعا مستحيييل بترده ممكن تتلفه وممكن تحتفظ فيه محتار يعني ما أبغى أظلمها أو أنتقم لنفسي الحل اللي أنا أفكر فيه هو الحرق لإنهاء تلك الذكريات وطوي صفحات الماضي طبعا اوتوجراف الذكريات اللي كان بالزواج بعطيها اياه واي قطعه صغيره اوكبيره لو اطار صوره بعطيها اياه أو ورقه اوكاسه لاني ماابغا اي شي من منها ابدا:11: وكمان ماابي احجز شي عندي اواستفيد منه ويطلع حرام علي .. والشقه كمان وش اغير فيها ووش اخلي :( احس ان العروسه بتحز في نفسها انو الشقه جهزتها لوحده قبلها وكنت معها بنفس البيت بس الميزانيه ماتسمح اغير وكمان الشقه مااستهلكتها الا كم شهر يادوب جلسة الصاله وغرفة النوم مع ان غرفة النوم غالبييه جدا ونادره والباقي جديد مره واحده اواثنين جوني ضيوف عالسريع :25: كيف ارضي عروستي من هالناحية ... لازم اطيب خاطرها :22: مابيها تحس بنقص او اني مطلق و...الخ |
بالنسبه للصور اشوف من الأفضل أنك تقص الجزء اللي انت فيه وتعطيهم الجزء اللي هي فيه
الفلم أللي يخصها وحدها كمان لو ترجعه لها أفضل درءاً للمشاكل أللي ممكن تطلع من ورى هالصور بعدين عن واقع تجربه عشتها مع قريبتي الفلم اللي معاها عادي لاتخاف منه يعني ايش راح تسوي فيه ؟؟ أنت رجال ماينخاف عليك لكن لو تبغاه أنت عشان تتخلص منه ترتاح مافيها شي لو طلبته منهم بالنسبه للشقه لو تحاول تغير غرفة النوم لأنها صعبه شوي على أي بنت تدخل بغرفه تعرف أن زوجها كانت تشاركه واحده ثانيه فيها أما باقي أغراض البيت عادي أذا ماتقدر ألحين ولو مع الأيام ولاأقصد كل الأغراض أنما جلسة الصاله تغيرها فيما بعد مع العروسه أما الباقي كالمطبخ وغيره ماأشوف له أي داعي تغيره وبالتوفيق الله يجعل العروسه فاتحة خير عليك ويسعدكم |
اقتباس:
يارب توفقني |
ماأدري هل بأمكانهم السحر عن طريق الفلم ؟؟
لكن حاول توسط لك أحد يحترمونه وتروح معاه وتوصل اغراضهم لهم وتاخذ أغراضك منهم وتمشي؟؟ |
سلااام علييييكم
فرحنا لك والله يوفقك انت جم باقيلك وتتزوج او تملك؟ على اساس الفتره غير اللي يسمح لك وقتك انك تغيره |
اول شئ شيل العفش وحطه في واحده من الغرف ورش باقي البيت دهان جديد غير لون الدهان السابق وبعدها غير الفرش لوكان مفروش وأما بالنسبه لغرفة النوم غير المراتب والشراشف إذاكانت غالية عليك بالنسبه لصور مثل ماقالوا لك إللي قبلي قص الجزء إللي أنت فيه وأعطهم الباقي مع شريط الفديو إللي يخص طليقتك بالنسبه لشريط اللي أنت فيه أتوقع لوطالبتهم فيه ماراح يعطونك إياه وبالنسبه لسالفة السحر صراحه ما أتوقع يسوا شئ من هاذا القبيل إلا إذا حسستاهم أنت إنك تبغاه ومصمم عليه يمكن ذاك الساع تتحرك عندهم الضغينه وبعدين صراحة ياخوي توقعت سالفة السحر ماتخوف إلا حنا يالحريم أثاريه حتى أنتم يرجال عندكم خوف من هاذي السوالف عموما أنت حصن نفسك وأقرأ عليها وتذكر بأن لن يصيبنا إلا ماكتب الله لنا وانت أطلبهم الشريط بالتي هي أحسن إن أعطوك أهلا وسهلا وإن رفضوا توكل على الله وماعليك فيهم الله يوفقك ويسر لك أمور زواجك ويحقق لك مناك يارب .
|
أنا أحد المتابعين لقصتك من بدايتها حتى الآن وذلك قبل تسجيلي في هذا المنتدى الرائع...
على أي حال غير ماستطعت تغييره من أثاث منزلك لكن لا بد لك أن تغير غطاء ومفرش سرير غرفة النوم مع تغيير الوسادات وملحقات السرير... قدر الإمكان لاتوضح لزوجتك الجديدة أن هذه الأثاث هو أثاث الزوجة القديمة كي لاتشعل فيها نيران الغيرة... بإمكانك تطلب الفلم منهم مباشرة أو عن طريق أحد أبناء عائلة زوجتك السابقة بالنسبة للذكريات فلا بد لك من إزالة أو طمس أي أثر يذكرك بها ابدأ حياتك من جديد وتلافى أخطاءك السابقة وافهم النساء جيداً فأنت خبير بهم الآن:22: |
اقتباس:
وغير الأثاث بالكامل , وإذا لم تستطع تغيير الأثاث بالكامل لكن غرفة النوم يجب تغييرها . |
انا لو في مكان عروستك مستحيل اعيش في مكان فيه وحده مشاركتك فيه احسها صعبه صدقني راح تصير مشاكل كبيره انصحك غير الشقه عشان تتلافى المشاكل من اولها وانقل الاثاث فيها الا الصاله واكييييييييد غرفه النوم ولو حتى جديده لان الحرمه مليون بالميه بتعرف اذا هي مستعمله وراح تدقق بشكل ماتتصوره وتخيل لو لقت اثر روج في التسريحه او اثر مناكير صدقني راح تكرهك والصاله غيرها لان اكيد في شي من اثر الطليقه وانت فاهمني غير الشقه انصحك عشان خاطر عروستك ولو حتى تتدين وافضل انك تبيع الغرفه والصاله في الاثاث المستعمل والله يوفقكم ويجمع بينكم على خير-
|
اختي بنت الحكمي اسمحيلي ماافضل انه يجمع العفش في احد الغرف لان عروسته بتتوقع انه محتفظ فيها للذكرى وانتي عارفه الحريم والغيره-
|
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©