|
افكـر اني ما اكلمه
السلام عليكم ورحمة الله وبركاته ... نصحتنـي وحده من صديقاتي ما اكلم خطيبي لانها متزوجـه وقالت لي انها تعقدت من البنات على مشكلة تافهه بالتليفون يفسخون الخطوبه غير المشاكل والقيل والقال وقالت لي انه خطيبها اهداها جوال وشريحه وماشغلتهم الا يوم الزواج تقول عشت احلى ايام عمري هي خجلانه منه وهو خجلان منها وتقول يوم سافرنا في شهر العسل من يوم اقلعت الطياره لين وصلو وهم يسولفون تقول لاني ما اعرفه ولا هو يعرفني كل واحد يحاول يستكشف الثاني تقول عرفت شخصيته الحقيقه مامثل علي ايام الخطوبه الحب والرومانسيـه وانا مامثلت عليه كل واحد عرف الثاني بطبعه وحبه وعشـقه والحمدلله حياتهم حلــــــوهـ . صراحه انا نفس الشئ شايفه صديقاتي حالتهم كذا كل يوم طاق وطقيق ليش ما ارسل لي ليش ما دق علي وليش ماتسفرني وليش اشتريت الكنب اللون العلاني وانتي ليه ماتهتمين فيني انا زوجك ليه ماتعطيني حقوقي وبعد الزواج برود وطفش مافي سواليف كل واحد عارف الثاني ويمكن القلوب تكون شايله من مواقف المكالمات قبل الملكـه .. والقسم هنا مليان مشاكل من هذا النوع غير انه طبع بعض الرجال البرود في التليفون وهذا يسبب مشاكل ويمكن البنت ماتكون عارفه انه طبع خطيبها كذا وتبدا الهواجيس مايحبني مايهتم فيني ...الخ وبصراحه انا مافيني على حرقة الأعصاب وما احب المشاكل من النوع هذا ممكن اتقبل المشكله وانا معاه في بيته لان الحوار وجه لوجـه غير الكلام بالتليفون وغير اني اتأثر من اي مشكلـه ونفسيتي تتعب وهذا الشئ ينعكس على دراستـي وانا ما ابغى دراستي تتدهـور ودي اتوكل على الله واخلي حياتي تمشي مثل ماربي كاتب لي واخلي امور زواجي تمشي بتخطيط خطيبي من دون ضغط مني واعيش احلى ايام عمري معاهـ من دون خلافات سابقـه.. وبنفس الوقت خايفه اندم بعد الزواج ويكون طبعه مو حلو مع انه صديق اخواني ويمدحونه .. امم خطر في بالي فكره انه قبل الزواج بـ اسبوعين عادي اخليه يكلمني ..رآيكم |
فرضا قبل الزواج باسبوعين كلمتيه متل ماتقولي وبعدين طلعتو ماتناسبو بعض!!
ايش الحل برايك لازم يااختي تتعارفو وتتفاهمو ومو ضروري تتكلمو كل يوم اذا بدك ربي يوفقك ويسعدك |
سلبيات المكالمات أكثر من ايجابياتها
لو كلمته مره صعبه اقول لا تتصل الا في الاسبوع مرهـ ..!! بعدين انا متوكله على الله وان شاء الله يكون شخص مناسب |
بصراحة اوافقك في كثير مما قلتِ !!
لأني صرت أفكر كذا مؤخراً .. فعلاً المكالمات تخلي العلاقة باردة مع الوقت وبنفس الوقت لازم الوحدة تتعرف عليه بس شلون توازن بين هذا وهذا ؟! الله اعلم ؟! طيب ممكن تكلمينه مرات قليلة جداً ؟! |
اقتباس:
واكرر لو كلمته ما اقدر اقولـه لا تكلمنـي كثير صعبـه جداً .. اممـ التوازن ما ادري اش اقول بس والله محتارهـ بقوهـ لكن اكرر انا متوكله على الله وان شاء الله تكون شخصيته مناسبه اهم شئ الصلاه والخوف من الله . |
على حسب فتره الملكه اذا كان اكثر من 6 شهور لاتستعجلين بالمكالمات خليها قبله بكم شهر
مع اني اشوف المكالمات وقت الملكه ماتتفوت وتوضح الصوره كثير للطرفين والله صديقتي كان زوجها يستحي مايتصل ولاهي تتصل وقبل الزواج بكم اسبوع بداء يدق وفترات متباعده وبعد الزواج تقول ندمنا انا ماعشنا فتره الملكه .. والله يوفقك ان شاء الله |
ألف مبرووووووووووووووك والله يتمم فرحتك يااارب . . شوفي أختي أنا أخواتي تزوجوا بدون ملكة يعني يوم الفرح هو يشوفها ويأخذها خخ بس كلهم يقولوا لي لا تفوتي الملكه أيامها حلوهـ وهي فيها الدلع ومنها تتعودي عليه وبرضوا صحباتي كذا يقولوا لي . . وأنا مثلك لما شفت مشاكل اللي في المنتدى أحس بديت أتراااجع لكن فكرتي واللي بسويها إن شاء الله أنه ما أطيح الميااااانه .. وتكثر الزيارات والمكالمات يعني مره أو مرتين في الأسبوع يكلمني وزيارتين وبس .. وأعلل السبب له أنه أهلي موموافقين أنه نكثر زيارات وموضوع الشقه هو يأثثه مالي شغل فيه لأنه حيفتح بوابة مشاكل .. يعني خلي الموضوع بحدود مو مكالمات وسهر كل الليل وبعد زيارات كل شوي هذي اللي بتفقد الموضوع حلاوته وبنفس الوقت لاااازم تتعودي عليه ومنها بعد بتكون لكم ذكريات حلووووهـ أنا وجهة نظري كذا فالوسطية والثقل حلوين |
اقتباس:
|
لا ضرر و لا ضرار
لا تكثر مكالمات لدرجة تنتهي السوالف و لا تقطعي لدرجة انك تتفاجئين بعدين بأمور ما تعجبك كان من الممكن انك تتفاديها لو دار بينكم حديث في يوم من الايام |
خير الامور اوسطها
الله يوفقك ويسعدك يارب |
| الساعة الآن 07:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©