|
زوجي يتلفظ علي بألفاظ سيئة ماذا أفعل
السلام عليكم
اعذوروني دخلت المنتدى هذا ونا ابكي اريد حل ليلة البارحه كنت مع زوجي في السياره وسألته ليه انت بس على النت او في الفيس بوك قام رفع صوته علي وقالي ياحيوانه لاتدخلي في خصوصياتي وجلس يقول كلام وربي قهرني قالي العن جدفك ورديت قالي اسكتي العن جدفك واشرشحك اذا تكلمتي او رديتي وقتها جلست ابكي وابكي حتى وصلنا البيت وفكرت اني اتركه واروح عند اهلي اقولهم عن الاصار لأني خلاص كرهته تصرفه تصرف مجنون ماقلت له شي فيه غلط اوشي يزعل عشان يعصب علي الحين مادري ايش اسوي اروح عند اهلي او ابقى بس مليت منه صحيح يمكن اول مره يسوي معي كذ1 بس احس ها الكلام قاله كبير مااقدر اسامحه فيه ممكن تنصحوني وش اسوي اعلم اهلي او لا من يوم الهواش ماتكلمت معه وهو يحاول يتكلم بس مارد عليه كرهته والله اكتب لكم وانا ابكي حسبي الله عليه |
حبيبتي
دمعه وابتسامه تصرف زوجك صح يضايق وبقوه ولا الومك ع انك حقدي عليه ومالومك انك بكيتي ولو انا كنت مكانك لافعلت مافعلتي لكن نصيحه اهلك لاتعلمينهم ولا تروحين لهم اسرار بيت الزوجيه ماافضل توصل للاهل ابدا ابدا الا في حالة ضرب او ذل لاسمح الله لكن هوشه او مشكله بسيطه حليها بطريقه صحيحه يعني ازعلي ولا تكلمينه يسولف لاتتفاعلي لاتجلسي معه وان جلستي بنفس الغرفه اشغلي نفسك بلتلفزيون تغدي معه ولا تكلمينه كأنك عايشه بعالم غير عالمه خليه يعرف انك زعلانه خليه يفقد وجودك وضحكك وحركاتك بلبيت لاجل 2 مره مايعيدها اما توصل للاهل كقصه مثل هذه فااعلمك نتيجتها زوجك بيعاااند وابوك بيهزئه واهلك بيغيرون نظرتهم له ! انتي حلي الموضوع والمشكله ببيتك احس لو تدخلو اهلك بسالفه مثل هذه بتصير مشاكل انتي بغنى عنها فما له داعي المهم سوي زي ماقلت بيكاااابر يوم يومين 3 .....الخ لكن بيمل ويجيك وعاتبيه انتي عتاب احباب لاغير وهو يعتذر بطريقته سوى بلقول اوو بلفعل مثلا يسلم ع راسك .. وبعد مايعتذر فقولي انت له وناقشيه بلموضوع اللي مضايقك او اجلسي معه واقري معه وتصفحي معه يعني كوني بجنبه منها تتسلين معه .. انا كذا تشوفيني بجنبه اقرء معه ونعلق في الفيس مو شرط ان كل من دخل يعاكس وعادي جلستي معه منها اسلي عمري واعلق ونضحك وهو راضي عادي وانا اذا تصفحت يجي بجنبي طبعا مو دائما لكن غالبا جلسة بعد المغرب كذا نقعد ع النت . |
حبيبتى الله يكون فى عونك لا نى اشعور بيكى بس زاى ما قالت لكى همس 2009 متقوليش لاهلك لان كده الموضوع بيكبر مش بيصغربس مش معنى ذلك انك تعدى هذا بالساهل لا ازعلى وانتى فى بيتك وهو عصب عنه هيصلحك وعند العتاب فهمى كويس اووووووووووووى انه مينفعش اسلوب الحوار ده لو قال عادى قوليله يعنى اعملك بنفس الاسلوب انا مع زوجى لما بيغلط بقوله كده يعنى اعمل زيك وساعته بيحس بغلطه وساعات يعند ويقول انا مش غلطان بس والله هما الرجاله كده مش بيعترفه بالغلط عندهم دى كبييييييييييييرة اوى ويا رياريت تتقبلى مرورى
|
مع اختي الغاليه همس
خذي موقف وبيني له انك مدايقة ومجروحة بس لاتطلعي مشاكل بيتك برا عند اي احد ولا اهلك ربي يفرج همك وييسر امرك |
احذري تقولين لاهلك ادبيه وانتي في بيتك وانا مع همس
ربي يصلح امرك |
كلنا مع همس احذري تقولين لأهلج لأن المشكلة بتكبر وما يصير تعالجي الخطأ بخطأ ثاني عارفة إنج مقهوورة ومن حقج كلامه غلط وتصرفه غلط وأسلووبه غلط لكن انتي صيري الأقوى واكسريه مثل ما قالت لج همس خلج ببيتج بس ولا جنه موجود سوي احتياجاته واجتياجات البيت من طبخ وتنظيف بس ولا كأنه موجود أقري كتب تابعي التلفزيون أقري مجلات كلمي صديقاتج حسسيه بالخطأ اللي سواه واتخذي موقف وخلج جدامه قووية صدقيني يوم يومين بالكثير 4 راح يحس ويعرف إن اللي سواه خطأ كبير في حقج وبيجيبح يعتذر وبطلب تسامحينه انتي مش من البداية تضحكين وكأن عادي ناقشيه , بيني له إن هالتصرف ضايقج بشكل كبيير لكن نقاش بلطف طبعا ومثل ما قالت همس إذا هو جالش اجلسي معاه و علقي معاه و ربي يهديكم لبعض ويسمعنا الأخبار الحلووووة عنكم ودي |
همس 2009 : تسلمي كلماتك هدأتني وانا قلت مراح اقول لأهلي لأن راح تكون مشاكل زي ماقلتي عنها وهو يرسل رسائل اعتذار يقول مادري ايش صار فيه ويطلب السماح ويقول ضميره راح يأنبه حتى لو غفرت له ونفس ماكتبتي مااعطيه وجه وبظل كذ1 معاه والانترنت والله عادي حتى انا ادخل منتديات واحيانا نكون مشتركين بنفس المنتدى عادي بس هو فجأه عصب علي يعني سؤالي مكان له داعي يقولي ها الكلام سؤال عادي كان قصدي ليه بس حتى لوطلعنا يجلس باالجوال ع النت .. اختي همس شكرا لك والله ردك اسعدني دمتي بسعادة |
حبيبتي خليني اقولك نصيحه اذا حبيت تصارحين زوجك في شي حاولي انك تلاقين الوقت المناسب وتكون نفسيته هاديه وصارحيه بطريقه بحيث انو ما يعصب ولا يتنرفز وبيني له انه كل حياتك وانك تغارين عليه وذلحين انا ما انصحك تروحين لاهلك ولا تقولين لهم على اللي صار ترى الرجال يحب المراه الكتومه اللي تحافظ اللي بينهم سواء كان شي حسن ولا سيئ نصيحتي انك تسوين قهوه وحلى واجلسوا مع بعض جلسه حلوه وصارحيه بالطريقه اللي بينتها وشوفي الفرق في رده
موفقه...... |
كلام همس صحيح
ويمكن انتي فتحتي الموضوع وهو متضايق يعني ماكان في وقته الكلام ومع كذا اذا جا يراضيك لاترضي بسرعه لازم يعرف إنه غلطان والكلام اللي قاله كبير بس عاد مو تزوديها مره بيمل الرجال |
حاسي بأنه في خلفيات للموضوع .. يعني ينفعل من سؤال .. مجرد سؤال..؟
يا أختي أرجعي لنفسك .. لا أجزم ولا أتهمك .. بس جايز طلعت منك كلمة من غير قصد استفذت مشاعره وهو كمان ما قدر يسيطر على نفسه .. كان لمن بدر منه الشتيمة ولاحظي هو في السيارة وممكن يكون سائق والطريق والمرور وكثرة الحوادث كفانا الله وحمانا.. تسكتي وما تردي عشان الحديث ما يجر ويتحول وتتفاقم الأمور كان سكتي وفيما بعد فتحتي معاه الموضوع وتعاتبيه ذي ما تحبي .. كان حال يتقبل منك وكان اعتذر لك .. سؤ التوقيت هو المشكلة .. التي نقع فيها جميعاً ليتك اختي وجدتي العذر له وطالما هو رجع واعتذر خذي عهد منه ألا يشتمك وأن يحترمك ويكون الحديث والنقاش بينكم في حدود اللياقة والذوق والأدب .. |
| الساعة الآن 01:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©