مشكلتي
 

[SIZE="3"]السلام عليكم ورحمة الله وبركاته

اعجبني هذا المنتدى الاكثر من رائع لما فيه من طرح المشكلات وايجاد حلولها من الاعضاء بأذن الله


انا انخطبت بتوفيق من الله ثم اقناع اهلي لي بالشخص الي تقدم لي

مشكلتي....ان خطيبي مايكلمني الا اوقات قليله يمر يومين ثلاثه ايام مااسمع صوته بس مسجات
واذا كلمني يشكي من ضغوط عمله .اهله.قروض. الي رافع ضغطي عنده اخوان وفيه اكبر منه بس هو الي شايل كل شي على راسه..حسيت اني متخوفه من مستقبلي معاه كيف اعيش مع انسان حامل اعباء كثيره واهله كيف بيكون مستقل بعدالزواج كيف بكون مرتاحه بدون قلق وتوتر بحكم بيكون لي حقوقي بعدين..وهوه نفس الشي يقول اهله مايستغنون عنه في جميع الامور
وشايله هم بحكم ديرة اهله بعيده بمنطقه نائيه ينزلوا فيها اوقات الاجازات او المناسبات افكر بعدين كيف اروح لهم بهذي المنطقه ماتعودت اطلع من مدينه احس بخوف واحس مجتمعهم غريب لأن تعودت عند اهلي مااختلط كثير بالناس وطلعاتي قليله.....ولما اجي اشوف صورته اقول انا اجمل منه وهوه اقل من جمالي ليش وافقت عليه شكله مقبول بس مأدري بيني وبين نفسي اقول ياليت اني تزوجت واحد وسيم افكار تجيني اعوذوا بالله....مع العلم انه طيب واخلاق معايه ومن كلامه انه يحبني بس مادري ليش لحد الان ماحبيته وتعلقت فيه لي تقريبا شهر مخطوبه[/SIZE]

اختي اسئلي عنه من جميع الجهااااات وتعرفي على وضعه اما من ناحية المسئوليه فحاولي انك تفهميه الحياه لابد يكون هناك صبر وحطي ببالك كثرة الاتصال شئئئئئنه الثقل زييييين حتى يبقى حب بعد الزواج وكلاااام معسول والاستخااااااااره قبل اي شى ولابد التضحيه لبعض

اختي ذكرتيني بخطيبي الله يحميه
عنده اخ اكبر منه واخ اصغر منه واحد دكتور والثاني مهندس ومع هذا هو الي متكفل باهله تقريبا بكل شي
ووضعه صعب نوعا ما
بالعكس ولايوم جيت قلتله ليش اخوك مايتحمل هالمسؤولية
دايما اذكره باهله وانو واجب علينا
صح احيانا نمر بظروف صعبه بسبب هالموضوع بس الحمدلله ربنا كريم دايما
وكمان خطيبي من جنسية مختلفة وبعيش بعد مااتزوج بمنظقة ثانيه يعني تخيلي
ولما نفكر نسافر اكيد على بلد اهله
يعني الشخص لما يلاقي انو الطرف الثاني معوضه ويستاهل صدقي رح يستحمل ويحس بمتعه كمان الحمدلله
بس انتي اختي ماذكرتي لنا مثلا كم صارلكم مطوبين؟

نصيحتي لك اذا كنت غير مدركه لقيمة هذا الرجل فاتركيه لمن تعرف قيمته وانتظري الشاب الوسيم ..

حقيقة احزنتتي على زوجك , حينما شعرت من كلامك أنك خائفه من مستقبله معك .. ألا تدرين أختي

أنه من المحال دوام الحال .. ممكن تتزوجين الوسيم الغني اللي تفكرين فيه .. لكن ممكن يكون راعي بنات

وشراب وسفريات مشبوهه ..

الي خيره لاهله والله انه اللطف واحن وارق رجل في زوجته بالتاكيد يكون خيره لزوجته الي
طيب عند اهله بيكون طيب اكثر عند زوجته
الي كريم عند اهله بيكون اكرم وهو في حياته الخاصه باختصااااااااااااااااااااااااااااااااااااار
هذا رجل يتحمل المسؤولية ويستحق الاهتمام

لمحه ...
انتي يالانثي بيدك ادلال والحب والرمنسيه فدلليه

مثل قالوا الاعضاء....

مستحيل تلاقي شاب كامل أو فتاة كامله....

إذا لاقيته وسيم لقيته مضيع صلاه مثلا أو متكبر...أو..


أما عن المسؤليه فهذا شي يفرح لأانه رجل بحق....لأانه إذا تحمل مسؤلية اهله يقدر يتحمل مسؤليتك....يعني رجل ماينخاف عليه بأذن الله....



مثلا انا خاطب مع العلم أني أدرس الطب وفي السنه الثانيه وزواجي بعد سنه واكبر اخواني وخطيبتي بألتاكيد شايفه فيه أشياء خلتها توافق...مثلا انظري لمحاسن خطيبك أنتي كلامك كله عيوب بنظرك....


يارب يرزقك اللي فيه الخير ويسعدك....

والارواح جنود مجنده..

والله يااختي الي مافيه خير لااهله مافيه خير لك احمدي ربك انتي بنعمه