للزوجات,,,انصحو الازواج
 

على حسب شنو التقصير؟؟

ولابد يكون الاسلوب اسلوب حلو ومنمق..ولو يكون بطريقة غير مباشرة يكون افضل..


أسلوب التهديد بالزوجة الثانية أسلوب بايخ ومقيت..

ممكن إذا مافاد معاها الاسلوبين اللي ذكرتهم ممكن يجي اسلوب القسوة النابعة من حب .. مثل ان يقول لها:
حبيبتي... أنا طلبت منك الشغلة الفلانية بالتصريح وبالتلميح ومافاد.. ترا أنا أنسان.. وكل انسان لصبره حدود..
إذا ماعندك طاري للتغيير.. لاتخليني أفكر اننا ننفصل..

وكلمة ننفصل أفضل من كلمة اتزوج عليك.. هذا رايي يمكن غيري يقول لأ الزواج ولا الانفصال..

وقبل هذا كله.. لازم الزوج يراعي مسألة تقصيرها لو كان عندها اسباب..

اتمنى يكون بشكل غير مباشر
يعني اقرأ بين اوراقه مواقف او مذكرات
خاصة اني مفتشة جيدة
او يتكلم وهوا نايم : )
او لما اساله سؤال بهذا المعنى يجاوبني لكن بشكل ما يحرجني
يعني يثني علي بكلاااااام كثير ثم يذكر السلبية البسيطة وان كانت كبيرة

لكن لا يصرح خاصة اثناء حدوث مشكلة لا تتعلق بهذا التقصير
ولا يخبر احد
ولا يظل كاتم الامر في نفسه

مره قصرت بحق زوجي وكان التقصير يعني اهمال باليت بس كنت وقتها تعبانه نفسيا وجسديا زوجي تضايق من الوضع ووهددني بالزواج وانه بيطلقني يالله قدايش حسيت اني رخيصه عنده ماصبر علي وحسيت ان كلمة خنجر بقلبي للحين مانسيتها تهديد المرأه بالزواج اسلوب غلط غلط غلط اذا كانت تحبك بتسوي كل شي من نفسها من غير تهديد واذا كانت ماتحبك وهددتها بتقول ابركها من ساعه روح زوج وبتهملك اكثر
مافي افضل من اسلوب المصارحه خاصة قبل النوم المبه مطفيه وتكلمه بكل حنيه حبيبتي وشفيك احسك متضايقه او ماعاد تهتم لي اكثر من قبل فضفضي لي وش بخاطرك والله لو كان بقلبي كبر الجبال على زوجي لا كلمني كذا انسى وادعي ربي يحفضه لي واذا كان شي قوي اصارحه وارتاح واصحى الصباح نفسيتي غيييييييييير ودي اشيله على راسي جربها موفقين

افضل نكون بجلسه هادئة ويقولي الشي باسلوب حلو مو تجريح

كلمة تكفي
وتزيد

وياسلام لو تكون تحت أجواء حميمية غير جادة باخذها بكل روح رياضية


بالنسبة لزوجي
الانتقاد المباشر والعتاب هو اسلوبه وطبعا ماشي معي بس مع كره لطريقته

انا زوجي صريح معي جدا يحكي اللي بدو اياه على طول بدون لف وانا قليل ما احوجه انو ينتقدني او يقول اني مقصرة معو

لما يعاتبني
ويكلمني بنبرة زعل
ويقطب حواجبه:(
ويقول(((لامايصير لازم كذا وكذا وكذا))))

وطبعا حسب كل موضوع
وتكشيرته ونبرة زعله
صراحه تخليني اقف وقفه حازمه مع نفسي
لان رضا ابو عيالي عندي يساوي كثيييييييير
الله يديم المحبه والوفاق بيننا ولجميع اعضاء وعضوات منتدانا مع ازواجهم
اميييين

طبعا من وجهة نظري في التهديد بالزواج من اخرى
اراه حل مع بعض الزوجات المقصرات وبشده مع ازواجهم
لان بعض النساء تاتيها باساليب شتى
اسلوب هادئ
نقاش حاد
تطنيش وعدم الكلام معها
هجرها
مافيه فايده
فممكن التخويف بالضره
يجعلها تحسن وضعها
وتبدل صفاتها السيئه الى الافضل

وبعض النساء تغير من حالها الى الافضل
بمجرد ان الزوج وضح لها ذلك بنقاش

يعني الزبده
الحريم يختلفون
كلن على حسب طبعه
موفق يااخي الكريم