خلافات بسبب اهل الزوجة ادى لطلب الطلاق
 

قصتي معاناه مع أبو زوجتي المصلحجي اللي يحب الفلوس ويعشقها ؟؟ دفعت المهر كاملاً وحبت شبكة وهدايا كثيرة ..... وبعد الملكة بفترة انهلت عليه الطلبات زي المطر من ابو زوجتي وفرض عليه شروط صعبه وتعجيزية ماتفقنا عليها وطلب مني فلوس اكثر من مرة وطلب لامها فلوس وكذلك زوجتي كل شوي تطلب مني فلوس وحالتهم المادية صعبة جداً وارهقوني بالطلبات اللي مالها آخر واستأجرت لهم قصر ب8000 الاف ورفضوه مع ان القصر كويس وغيرته بقصر ثاني ب11000 الف ورفضوه وطلبوا مني استأجر لهم قصر ب18000 الف وطلب مني طقاقات ب9000 الآف وفي الاخير وبعد تدخل الاهل اكتشفت اني طحت في ناس هدفهم من الزواج التجارة والفلوس وارهاق العريس بالطلبات لين يطفش ويطلق ومايرجع له الا نص المهر فقط.....؟ وفي الاخير قالوا ياتنفذ طلباتنا ولا زوجتك ما عاد تبيك ؟
فرحت المحكمة واشتكيتهم عند القاضي وطلبت زوجتي عن طريق(( بيت الطاعة ))وقد حضرنا مواعيد وجلسات كثيرة عند القاضي وقد حاولوا في المحكمة اصلاح ذات البين ولكن دون جدوى ولم نصل الى صلح
؟؟؟؟؟؟؟
فاذا لم تستطيع الزوجة ارجاع المهر ورفضت ان تأتي معي فما هو الحل بنظركم الذي سيتخذه القاضي ؟
وانا متاكد انها لاتستطيع ارجاع المهر ؟

كم مبلغ المهر الي دفعته؟

وكم المبلغ الإجمالي الي خسرته حتى الآن؟

زوجتك ما موقفها مجبره أم راضيه؟

طيب ماذكرت موقف زوجتك هل هي تبغاك ولا تريد الطلاق؟

اذا زوجتك تباك سو البلاوي لين تأخذها وتقدر
وسالفة ارجاع المهر أتوقع إنه من حقك
ولو ماقدروا راح يجيب القاضي طريقة لارجاعه
الزبدة يرجع لجيبك بارد مبرد
بس أهم شيء لاتظلم البنت بسواة أهلها
اذا هي مي معاهم في رايهم لاتتركها

يالله ناسبنا مثل هالعائله لزواج اخوي الله يرحمه تعرفون العريس مافي جيبه الا تكاليف شهر العسل خلته يتسلف من اليوم الثاني لزواجها لانها جابت مصوره بالفين ريال وقالت هذي صوري عند المصوره اذا تبيها ادفع واذا ماتبيها خلها تضيع وقام تسلف رحمة الله عليه عشان يجيب صورها فواتيرها كانت ترهقه كان تزعل لما يعطي امي او اخواتي فلوس لانها من حقها على قولتها ومات بعد ست شهور من زواجه وهو مقهور انه ناسب عائله وللحين احنا نعاني منهم حرمو امي من بنت ولدهم وجابو كل شي بالحيله حسبي الله عليهم تعس عبد الدينار تعس عبد الدينار الله يذيقهم حر ماذقنا الشاهخد من قصتي ياخوي الناس داخلين عليك بالطمع والفجاعه ويبون يمصون دمك ولو استمريت بهالزواج رح تعاني هذا وقت الحياء من الطلبات اجل اذا صرتم عائله وحده وش بيسوون ؟ حتى لو خسرت نصف المهر الله يجعله بذمتهم اهم الشي لا تغلط وتندم وقت ماينفع الندم وتصير فيها عيال يحرمونك منهم