|
الى كل المملكين .. ابي رأيكم في المكالمات
السلام عليكم ورحمة الله
اسعد الله اوقاتكم يا اعزائي واعضاء المنتدى الصراحه استفدت من هذا المنتدى الكثير والكثير من حيث الهدايا وغيره والان الحمدلله بعد سنه من الخطبه تمت الملكه ولله الحمد :17: وشفت خطيبتي بعد ما عقدنا القران وكل شي وسولفت معها واعطيتها الهديه ومن يوم شفتها الصراحه وانا ضاعت علومي حتى اسم خطيبتي نسيتها ناديتها بأسم اختها الكبير هههههههههههههههههههههه وانحرجت انحراج ما بعده ولكن الحمدلله على كل حال سولفنا شوي ومره نجلس ساكتين ومره نسولف وبعد ما مشيت من عندهم قلت اباخذ رقمك من عمتي الي هي امها واخذت رقمها واليوم الثاني كلمتها وجلست معها ساعه وقلت لها هل فيه حرج اذا كلمت والا فيه اوقات معينه اكلمك فيها ولا ما تبين اكلمك الي في الاسبوع مره؟؟ قالت عادي خذ راحتك وانا اخوان محتار مدري هل اخلي المكالمات يوميا والا في الاسبوع مره والا ويش الحل الامثل والانسب ارجوا منكم الاجابه من المملكين جميعا تحياتي لكم والله يوفقك جميع المملكين وتتم عليهم على خير بأذن الله :15: |
و عليكم السلام و رحمة الله و بركاته انت قلت اخوان :25: بس حبيت اجاوبك بنظرتي كانثى دامها قالت خذ راحتك يعني هي متقبلة مكالماتك و فرحانة و طايرة بيها مكالمة وحدة في الاسبوع اشوفها مررة صعبة لو سواها زوجي حشك في شوقه ليا و حزعل و حتضايق ممكن يكون كل يوم نص ساعة او كل يومين بس اسبووع كتير صراحة بس مو كل شوي تتصل عليها و تاخذ راحتك ع الآآآآآآآآآخر يعني على ما يقولون امسك العصا من المنتصف لا تقطعها و لا تضيق عليها و الله يتمم لنا ولك على خير |
الردود في هذا الموضوع تفيدك
ان شاء الله نصائحكم للمقبل على الزواج تكلم كلما شعرت انك تريد ان تتكلم معها يعني اترك الامور على طبيعتها لكن لا افراط و لا تفريط |
:21: مووو تكلمها كل اسبـوع ! بــل ، وايد شـوي كل اسبوع .. عادي كلمها كل يوم :25: |
انا مملك لي شهر في البداية وكنت يوميا ادق ثلاث إلى أربع وبعد أسبوعين صرت في اليوم مرتين مع شوية رسايل..
ولحد الآن الحمدلله بس نصيحة مني كمجرب لاتزيد في المكالمات أولا انت عارف الإتصالات السعودية ماتقصر في الفاتوره أو بطاقات الشحن وثاني شي لشان تقدرون تجيبون سوالف ,, وأتمنى لك التووووفيق يارب |
نصيحه من مجربه المكالمات عادي لو تكلمها كل يوم ربع ساعه او نص ساعه وفي اوقات تقطعها يعني تقول عندي كشتة بر وتجلس اسبوع ماتكلمها حلو بتشتاقون لبعض وانصحك نصيحه ااذا كلمتها لا تجيب سيرة اول ليله الا قبل الزواج بايام لانك لو تكلمتم فيها بدري كل الكلام يصير ماله معنى وبتيضيعون اوقات كثيره حلوه ايام الزواج الاولى موفقين
|
في اليوم 5 مرات
بعد كل صلاة أفضل و أنت أدرى لأن السؤال غريب صراحة |
انصحك لاتحدد
لكا تحس انو تبي تكلمها كلمها عادي لاتقول مرة بالاسبوع مرة باليوم انت الي تحسه سويه ربي يوفقك |
يا أخي انت مملك !!! كلمها 3 و5 الفجر وكل دقيقه ولا يهمك أحد وانما ردت عليك عطها موشح لا ترحمها !! هذي زوجتك يعني لازم تقول لبيه لك تحت امرك !! وش فيك وش ذا الخجل خله لأهله الله يرحم والديك واعذرني على المونه ؟؟ |
أؤيد المكالمات اليومية ...
والزيارات الأسبوعية .. عن تجربة ما يجي يوم الزواج الا والجليد قد ذاب وراحت كل رهبة من ذلك اليوم وتحسون انكم تعرفون بعض من سنين مو بس شهور .. |
| الساعة الآن 04:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©