|
كيف ابدا المكالمات مع خطيبتي ؟
مساء الخير لكل الموجودين
قدر الله وخطبة فتاه من احد العائلات المحترمه وانا ان شاء الله سوف املك عليها بعد اسبوعين .. المهم في الامر اخوكم انسان لم يقم اي علاقات مع اي فتاه حتى من باب التسليه يعني انسان صوفي ما اعرف من النساء الا امي وخواتي و خطيبتي ليست من اقاربي ولا اعرف عن هذي العائله اي شي وزي ما قلت لكم بعد فتره الملكه والله لا اعلم ماذا افعل وكيف اتعامل معها وماذا اقول خلال فتره الملكه ولا اعرف اطباع البنت وكل ما اسئل عن العائله يكون الرد انهم محترمين (يصرفون يعني) واخاف ابني افكار في راسي وانصدم واصاب باحباط شديد ... اسئله كثيره في راسي هل هي مجبوره على الزواج؟ هل ستحبني ؟ ماهي نظره اهل البنت عني ؟ كيف ابدا المكالامات معها خصوصا ان الزواج بعد سته اشهر؟ هل تعد هذه فتره طويله ؟ والله يا اخوان هناك مشاعر كثيره لا استطيع وصفها الشاهد في الموضوع اني شفتها في النظره الشرعيه وبس يومين نسيت شكلها وما ادري كيف كان شكلها ... وفوق هذا كله راسي مدووش بتأثيث شقه العمر الي كلفتني الى الان ما يقارب 70000 والغريب اني اصلا رافض فكره الزواج ولكن اجربت على الزواج ... اهم شي كيف ابدا معى هذولا الناس اتصرف بطبعي ولا اسوي ثقيل ولا احببهم فيني ولا ايش ما ادري.... تكفون لا تبخلون على بالنصائح والله يجزاكم عني كل خير |
الله يتمم لك على خير
ثم خليك على طبيعتك وحبب الناس فيك ومن ثم تهادو تحابو يعني هديه صغيره تعبر عن صاحبها ومش ضروري تكون ثمينه المهم تكون معبره ثم الكلام يجيب بعضو مع العروس واجمل ما في الموضوع البراءه والعفويه منك ومنها لا تفكر كثيرا انما اكثر من الدعاء لله سبحانه وتعالى ان يوفقك ويجعلها خطوة خير وبركه |
اولا ربي يتمملك على خير ويوفقك ويسعدك
اخوي لاتتوتر وتشل هم خلي المواضيع تجي لوحدها ولا تتصنع ابدا اول ماتصير الملكة طبعا جيب لخطيبتك هدية بسيطة وبعدين اطلب من اهلها انو يسمحو لك تكلمها عالجوال وصير تعرف عليها شوي شوي وعاملها برقة شوف ايش تحب وايش تكره وبالمقابل علمها انت ايش تحب وايش تكره وان شاء الله تكون الامور سهلة وبسيطة ربي يوفقك |
بالتوفيق خلك على طبيعتك زي ماقالوا الاخوان ولاتفكر كثير الله يتمم بخير الف مبروووووك
|
الله يجزاكم كل خير
بس المشكله اني شخص مزاجي طبعا حسب ما قيل لي واكبر مشكله اني حاس اني توهقت يعني ما كنت مستعد للزواج على الاقل من الناحيه النفسيه وحايس والله والتفكير ذابحني وكل شوي اقول سامح الله الي ورطني (والله حاس ان حالتي حاله) |
وش متوهق
ترى بعد ماتحاكي البنت بتدوووخ وتقوول متى تعدي الست شهور والله يوم تكلم وحدة بالحلال ياخي تحس باحساس غرييييب انا مثلك كنت كختبص ومربوش وحالتي حالة بس ماكنت متوهق لأني ماخذها وانا اعرفها زين واحبها وعارف اني لو درت العالم مابلقى وحدة مثلها بس اتوقع احساسك طبيعي لأنك متوتر وخايف شوف اول الأيام راح تحس انك ضايع وانك مقبل على شيء صعب لكن بعد فترة بسيطة من الملكة ومع استمرار الزيارات والمكالمات بينقلب هالاحساس فوق تحت صدقني بتعيش وضع غيييير أهم شيء لاتقصر مع خطيبتك بشيء وحاول انك تسعدها بأي طريقة |
اقتباس:
كلااااااااااااااااام :22: نفسي انا واقولك خلك طبيعي وتعال في ذا وفضفض وحنا نوضحلك والله يسعدك دنيا واخره |
اقتباس:
|
مــــــا اقول الا الله يجزاكم عني كل خيـــــر
والله انكم ريحتوني وحسيت اني شلت هم كبير كان على صدري والله يسعدكم ويريحكم زي ما ريحتوني |
الله يوفقكم اول شي مع بعض
وتاني شي متل ما كنت تعامل الناس في حياتك عاملها وتصرف معها عادي لا تغير طريقة حياتك التي تمشي فيها بالعكس كملها مع شريكة حياتك الله يوفقكم الداعي لك اخوك المدمر |
| الساعة الآن 07:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©