|
متملك .. وزوجتي تتعب من المقابلة ..
السلام عليكم ورحمة الله وبركاته .. عندي حالة مع زوجتي .. أبي مساعدتكم .. متملك لي ثلاثة شهور .. والعرس بعد سنة تقريبا .. المهم انا الحين أكلمها في الجوال من ساعة إلى ساعتين في اليوم والحمد لله كل شيء تمام .. بالرغم انها ما تتكلم واجد لكن .. هذا الشيء أشوفه عادي منها جدا .. تقابلنا 3 مرات .. المشكلة .. انها تتعب وتصدع وتتوتر وتخاف لما أقول لها ممكن أقابلك .. أو مشتاق لشوفتك .. لدرجة انها قالت لي حتى انا أبي اشوفك بس ما أقدر .. وكانت متأثرة لدرجة انها تبكي .. طبعا حاولت اني ابسط الموضوع مرة وخرجت من الموضوع .. المهم ما قفلت الخط حتى خليتها تضحك .. ــــــــــــــــــــــــــــــ أبي رأيكم في هالموضوع .. هل هو عادي ومع الوقت بيروح .. أو يتطلب مني أشياء اسويها .. يعني أبي اللي عندي أي خلفية ولو بسيطة يفيدني .. ربي ما يحرمنا منكم .. |
طيب لما تقابلت معها كيف كنت تحسها معاك؟
مدايقة ولا مبسوطة ولا ايش؟ |
كيف علاقتك بأأبوها وامها واخوها حلوه ولا لك رئيءء اخر ؟؟؟!
وبعدين ابقولك ليش سئلت هلسوال |
اقتباس:
هي تقول لما أشوفك وأجلس معاك يروح التوتر نهائيا .. لكن قبل المقابلة تتوتر وتصدع .. اقتباس:
|
يمكن بينكم سحر يااخي
انت تقول انها تخااف وتتوتر وتبكي ؟؟ توتر طيب بس تخاف وتبكي ؟؟ وان شاء الله مافيها الا العافيه بس حبيت انبهك والله اعلم الله يوفقكم ... |
أعتقد انه توتر طبيعي .. بسبب التفكير الزائد بهذه المقابلة ...
بدليل انه يزول عنها حالما تتقابلان وتنسى ما كانت تشعر به وتستمتع بوقتها معك ... الله يسعدكم ويوفقكم ويبعد عنكم كل شر ومن فيه شر |
عادي
لأنها تكون في قمة التركيز هي تفكر كيف سيكون شكلها وماذا ستقول لك وهل سوف تعجب بها ومن هذه الأمور خصوصاً أنه يبدو أن زوجتك ماشاء الله تبارك الله أنت أول رجل بحياتها ويمكن تتكلم معه بشكل خاص لذلك .. أشعرها في المكالمات القادمة بأنك كنت مبسوط ومرتاح وفرحان لأنك قابلتها مرات سابقة وقوم بمدحها في لبسها وشكلها وشعرها وأنها كانت جذابة عموماً هي فقط تحتاج إلى الطمئنينة وربنا يوفقك ويسعدك |
وعليكم السلام ..
وضعكم جدآ طبيعي .. مجرد توتر وخوف لا أكثر ، ومع الوقت تتعود عليك .. بالتوفيق :) |
انا سئلت عن علاقتك عن علاقتك باابوها واهلها
فقلت ممتازه لاني انا قبل سنتين او 3 بفترة ملكتي كان يقول لي زوجي نفسك اني ابجيكم !!؟فاقول اجلها اسبوع عندنا ظرف ولا ابشوف اهلي لهم موعد مع احد ومن هلكلام وسكرت بكيت او ااجل البكاء لليل السبب للاسف ابي وانا ماعندي اخوان كبار كلهم صغار ابي كان كل مره يطلب زوجي زيارتنا لشوفتي طبعا والاطمئنان لااهلي كان ابوي يطلع من البيت !!!,السبب مايبي يشوفه !!! فيسب ويشتم زوجي اذا قلت له فلان بيجيء الخميس هذا !!!فيقوم ويسبه امامي امامي وهذا وضعني بموقف محرج من زوووووووووووجي يسئل اذا اتى زوجي وين عمي ؟؟ فاعتذر بئي عذر فيقول لو انك قلتي لي لاجلت الزياره غدا لاجل اشوفه واسلم عليه !!!! قلبي يتقطع وش اقول واتعذب وهو بطريق جيت زوجي لبيتنا وهو بيت اهلي فمره اتصل بي زوجي يوم حس من صوتي اني متعبه وقال وش فيك صوتك مو عاجبني ؟؟؟ قلت لا بس تعبانه وانفجرت ابكي فهو انقهر قال انتي فيك شيء انتي خايفه اني اجي ولا فيك بلى!!!!! قلت لا والله اني افرح لاشفتك ولكن خلاص رغم ان ملكتي سنه كامله وكان زوجي يجيء كل اسبوعين او 3 يوم الخميس ساعه ويرؤح !!!! الا ان ابوي ماقابله الا ايام قلائل واذا قابله تلقاه ولا كأنه رفض شوفته ولا يجبرني ارفض قدومه كذا بدون سبب رغم ان ابوي اذا شاف زوجي يضحك ويسولف معه ولكن لااخفيك يغير منه اذا اتصل يهاوشني واذا طولت معه يهاوشني وكل شيء يجيبه يستهزئ به ابوي امامي واما م الاهل رغم انه يااتي باشياء غالية الثمن كنت بنفسيه زفت لكن خافيه هذا الشيء عن زوجي للان وهو ياعمري مايدري !!! ولكن يبكيني انا باخر الليل ويعذب امي من كثر ماتهزئ فيه تعبت معه وهو بس علينا وان طلع يطلع غصب وبترجي مني ويضحك علي بعد !! ولكن كم مره فشلني مع زوجي رغم شوقي له لكن لم استطع ان اقول لزوجي الى الان شوف لي 3 ونصف متزوجه ومرتاحه بحياتي ولكن للان وللان اعاني من تصرفات ابي الطفوليه بنظري مع زوجي استفزازي وزوجي احيانا يصبر ويمشي . فلاجل كذا حطيت هلاحتمال بموضوعك فااتوقع ان كان هلشيء عند زوجتك فصدقني لن تقول لك ون شاء لا |
اتوقع هذا امر طبيعي او شكلك لما تقابلها تحرجها بشيئ ماتحب تسمعو منك
|
| الساعة الآن 06:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©