|
أنا لم أُخلق لأتزوج ((مستجدات بالرد38))
بسم الله الرحمن الرحيم .. كل عام و انتو بخير .. و انتمنى من الله العلي القدير ان يجعل السنة الجديدة فاتحة خير و سعادة عليكم كلكم .. اخواني و اخواتي .. تعرفون اني كثير احب منتداكم هذا و اقدره <<< اصلا ما بقى أحد ما يدري هههه و عشان كذا جاية اطرح عليكم مشكلي و حابة آخذ رايكم فيها .. أنا أفكر انفصل عن خطيبي _ بملكة _ !!!! كما يعرف البعض .. انا كمان كنت مخطوبة سابقاً لابن عمي و انفصلنا _ كمان بملكة _ .. ما احس في مشاكل حقيقية الصراحة .. بس انا كذا احس كبدي حامت منه و مالي خلقه و ما ابيه .. اعرف كمان انه تصرف طفولي و مو محسوب .. بس كمان ما ادري وش اسوي !! انا طبيبة و هو كمان طبيب صيدلي ... مافي معرفة سابقة بالرغم من اننا نشتغل بنفس المجال .. المهم خطوبة تقليدية عادية .. طبعا الكل صاروا يتكلموا و يا بخت فلانة .. تنفصل من واحد كويس عشان تنخطب لواحد افضل منه .. و فلانة حظها قايم و مدري وشو .. سارت بداية امورنا تمااااام .. مناوشات بسيطة عادية مثل اي اثنين .. لكن الحق الانسان كريم و رومانسي لكن دفش في كلامه فيما اذا ما عجبه شي كمان شكله مو وسيم ابدا .. المهم مرت الايام .. و صرنا نجهز لزواجنا اللي باقي عليه للحين 3 شهور .. اللحين حسيت اني مو طايقته .. زاد وزنه و قلت وسامته على اعتبار ان كان عنده نسبة من الوسامة .. كماااان كثيييييييير يخاف على نفسه لا يسوي ريجيم و يجيه شي .. لا يشيل اثقال و يتعور و ... ينتقدني كثيييييييير .. ما يمدحني الا بشكلي و بجمالي .. و لا الباقي دااااااايم ينتقد .. لما قلت له انت ليه تنتقدني على طول .. يقول لي انا دايم كذا و طبعي كذا .. تبين تعيشين معي اهلا و سهلا و لا خلك في بيت اهلك .. انا ما اتحمل اسكت .. اعصصصصصب .. و اقول خلني في بيت اهلي .. من زينك انت عاد <<< و الحق اللي لي ينقلب علي .. افكاره غريبة .. هو ساكن بره حوالي 5 سنوات .. فاللحين ذبحني .. اللي هنا حوووش .. غنم .. ما يعرفون بالسواقة .. اغبياء .. متخلفين .. تعالي بس نسكن برا و شوفي الناس الصح .. برا الحياة اما هنا الواحد يموت احسن له .. يقهرني .... حتى لو كانوا اللي برا متطورين اكثر من اللي هنا .. يبقى هنا اهلي و اصحابي و ما ارضى عنهم بهالطريقة .. اسلوبه هو المتخلف يقول عن نفسه رومانسي و يعد في نفسه كثييييير .. و هو بالعيد ما يذكرني بشي .. اصا حتى ما يجي يعايد فيني .. و لما قلت له بعيد الفطر اتدلع عليه .. اقول له ابغى عيدية .. ما بغيت الا روحي .. يقولي لي انتي رزيلة .. كأنك مو شايفة خير و مدري وشو .. بهذا العيد انا سكت و ما تكلمت .. و بالتالي ما ذكرني بشي لا هدية و لا عيدية .. و الله قهررررررررررررر .. خالاتي من الف سنة متزوجات و بالعيد حركااااات مع ازواجهم هدايا و عزايم و مدري وشو .. و احنا نفششششل .. و لا مرة كنا نطالع فلم عادي .. المهم سألته اتحركش فيه .. افرض مثلا مثلا انت تطالع التلفزيون و طلبت منك تساعدني بغسيل الصحون .. تساعدني ؟ .. و برضو ما بغيت الا نفسي .. انتي كسوووووولة و مهملة .. على غسيل الصحوووون تبيني اساعدك .. شنو هذا .. احنا كلنا اثنين بس .. و انتي تبيني اساعدك .. هذا و ما تعرفين تطبخين بعد .. و على سالفة الطبخ .. يقول لي سمعت انك تعرفين تطبخين بس مخبية هالمواهب .. قلت له عملت لك عينة و الباقي خليها مفاجآت بعد العرس خخخ .. و كنت مسوية له طبق حلى .. صار يقول لي تتمسخرين علي مسوية حلى و تقولين تعرفين تطبخين .. هذا بنت اختي تسويه .. <<< خييييييير يعني شتبي اسوي لك كبسة و انا مخطوبة لك بس .. اقلب فيسك يعتبر حركات البنات و الهدايا و المفاجآت .. سخااااافة و جشع .. حتى لما انا اقوم اجيب له الهدايا عشان يشوفني و يتشجع ما يهتم في الهدايا حقتي و يرميها و يقهرني .. يقول الهدايا هذي ما تعني له شي .. اهم شي اني اعامله كويس <<< ما يشوف روحه هالاملح !! :25: بس عشان ما يفكر البعض انه بخيل .. الشهادة لله ما يعزمني الا على ارقى المطاعم و الاماكن في منطقتي .. بس يخرب على روحه بجلافته .. و كمان انا في بيت ابوي مو قاصر عني شي و انا اصلا دكتورة و راتبي يكفيني و يزييييد كثييييير .. كمان اني لسه انخطب كثير حتى بعد ملكتنا .. و يخطبوني ناس كويسة مو اي كلام .. المهم انه اذا عرف بأي طريقة يعصب و يسوي لي هوشة و قضية .. طيييييب وش دخلني انا اذا انخطب .. تبي تحطني بصندوووق و تسكر علي .. انا قبل ما اوفق على موضوع الملكة كنت مترددة .. لاني اعرف انه مو وسيم و كنت خايفة .. و حطيت موضوع هنا بالمنتدى و كانت اغلب الردود ان هالموضوع ثانوي و الرجال اهم شي اخلاقه .. و تشجعت و وافقت لاننا سألنا عنه و مالقينا الا كل خير .. بس احس اللحين شكله مأثر على نفسيتي من ناحيته كثيييير .. هو يلمسني و رقيق معي و كل شي .. بس من جهته انا ما اطيق اسوي له شي .. هو يحس اني انفر منه و يعصب .. فاتحت امي بمسألة الانفصال .. امي تضايقت و جلست تصيح بعدين قالت مالي دخل فيج هذي حياتج .. انا اعرف ان امي ما تبغى تنعاد تجربة الانفصال مرة ثانية .. كانت تجربة صعبة .. و منطقتنا خايسة يجلسون يتكلمون على البنت المنفصلة كأنها مسوية عار .. انا ما ابي ازعل امي .. و بنفس الوقت .. كبدي لايعة من خطيبي .. اقدر اتزوجه .. بس ما اضمن استمر معاه .. محتاااااااااااااااااااااااااااااارة و ما اعرف وش اسوي ؟؟ اعذروووووني قصيت عليكم قصة حياتي و اللي يصير بيننا .. بس ابيكم تعيشون معي الحدث .. عشان يكون حكمكم من وعي بأبعاد القضية .. اخواني و اخواتي .. أنا اثق كثيييييييييييييييييييير فيكم .. و اعرف اني ما اخترت المكان الخطأ عشان اعرض مشكلتي .. اتنى القى منكم تفاعل يحل لي مشكلتي .. ما ادري انفصل منه ؟؟ و اعيش سنقل طووووول عمري ؟؟ احس ان انا وحدة مالي خلق اتزوج ابد .. كل مرة يقرب الزواج .. تنعفس اخلاقي و اصير ما اطيق الرجال و أتمنى انه يفنقش عشان افتك منه .. احس اني ما انخلقت عشان اتزوج .. انا قدري اني اكون وحيدة :24: في انتظاركم |
سبحان الله عنوان موضوعك هو ما أحس به تماماً ,, لم أُخلق لكي أتزوج ,, إلا أن الفرق أن خطيبي لم أرَ منه عيباً واحداً طوال فترة خطوبتنا ,, إلا أني لا أتخيل أني سأتزوجه ,, لا أدري لمَ هذا الإحساس ؟ الكثير يهنئني على اختياري لهذا الشاب إلا أني أبعد ما أكون عن السعادة ,, انت كنتِ أنتِ تحسين بالنفور فلكِ الحق ,, فمن الواضح أنه جلفٌ ,, أما أنا فما هو عذري ؟! آسفة ان لم يكن في ردي هذا أية مساعدة ,, أحببت أن أفضفض بما أنك تشعرين بنفس إحساسي ,, بالتوفيق ,, |
تبين رااي مدام الرجال كويس لاتضيعينه من يدك وتقولين انخطب كثير
خلاص توكلي على الله وعيشي حيااتك بعدين مع الاياام والعشره كل شي يصير زين وتفهمون بعض ااكثر لاتستعجلي ومع الحب مااتفكري بالشكل والله يجمع بينكم على خير ويالف بينكم |
وانت بخير وربي يعيده عليك وعلينا وفاتحة خير
هو لو ما ينتقدك ولا يهزا فيك يعني بتحبيه ؟ولا الوسامه هامتك كتير؟ انت ليش ما تقعدي معاه وتقولي له انك مضايق الانتقاد وقولي له افكر انفصل لانك كتير تنتقد وتجيب احباط هو تزوجك لجمالك ولا لانك دكتورة ؟ الدنيا قهررررررررررررررررررررررررررررررررررر ليش ما في ثنين يحبون بعض ؟ يا تلقى الرجال يخرب ولا تلقى البنت تخرب احس انت موب فاهمته ولا هو فاهمك يبي لكم وقت تفهمو بعضكم هو يفهم انت ايش تحبي وانت تفهمي هو ايش يحب انا مستغرب البنات بعد يهمهم الوسامه مثلنا :eek: ما دريت الحريم بعد يهمهم الجمال :eek: انا وسيم ولا لاقي لي جميلة تعبان نفسيا :( |
يمكن هو حاس إنك شايفة حالك عليه مثلا و تنتقديه كل شوي ؟
فتلقيه يرد عليك بالطريقة هذه ؟ |
صبا ..
الله يكون بعونك و عوني .. هويت أيامك .. مو أنا اللحين متملكة و طايحة الفاس بالراس .. حايمة كبدي منه .. مدري .. اخاف استمر معه و ما تزين الامور الا تتعقد اكثر .. من بينفعني بعدين ليتني اتزوج .. ضحكتني و الله ههههههه انا احس انه تزوجني لاني جميلة .. مو لأني دكتورة .. لان هالموضوع ما يفرق معاه اصلا اما احنا مو فاهمين بعض .. هذي صدقت فيها مية بالمية احس هو بالشرق و انا بالغرب .. قاهرني و باط مرارتي الله يرزقك وحدة جميلة تستاهل وسامتك هههههه مشكوريييييييييين لتنويركم موضوعي و اتمنى ألاقي حل يشفي فؤادي قريب |
اقتباس:
اقتباس:
اممممم بصراحة انا كثير اقول له لازم تسوي ريجيم و تنزل وزنك !!! و مرة تهاوشنا و قال لي عدااااال يا ............. .. هذي وحدة ممثلة غربية خايسة انا انقهرررررررررت مررررررة .. قلت له بعد صدق اللي قال .. رضينا بالهم و الهم ما رضى فينا اقول طالع نفسك .. اذا انت تقول ........ بنت مدري منو .. أنا اقول لك دكتور أحمد الفلاني <<< هو يعرفه يشتغل معنا بالمستشفى و معروف بوسامته !!! اعرف انه بيمووووت من الغيرة و القهر .. بس قلت خليه يستاهل ما يحمد ربه <<< مشكلتها ما تمسك لسانها خخخخ باختصار احس حياتنا مثل توم و جيري .. هو يقول و انا ارد عليه .. عشان كذا تعبت منه و حامت كبدي .. و ما احس المستقبل معاه مشرق ابدا |
اقتباس:
الدنيا تمشي عكس الي نبي بس ان شاء الله ما يصيدني يئس بقولك شي لا تكرهي الرجال ولا تقولي كذا انت اذا عرفتي نفسية خطيبك وفهمتي ايش يبي بتحبي كل شي فيه لانك ما عندك نفره منه انت كم عمرك ؟ انت من كلامك مزوحه فرفوشه وصغيرة وتحبي الوناسه والفرح بس خطيبك مب فاهم لك ليش ما تقولي له كل الي تحبيه وتكرهيه ؟ |
ليتني اتزوج ..
الله يوفقك و يسعدك .. مشكوووور على مرورك و اهتمامك انا اقول له كذا مرة و افهمه .. انا وش يعجبني .. وش يرضيني .. كيف يكسبني حتى لما اكون معصبة .. يعني ما اتوقع في احسن من كذا بنت تعلم خطيبها بالكاتلوج حقها .. بس مدري وش فيه هالرجال مو جاي يستوعب .. قهرني و شكلي بكرهه خلاص <<< مسحتي فيه الارض ما بقى شي و انتي للحين ما كرهتيه خخخخ انا يا سيدي الكريم عمري 23 سنة و خطيبي عمره 28 انا احس اللي كاسر خاطري بهذي العملية الغذائية كلها .. أمي .. ماودي ازعلها و اكسر بخاطرها .. و لا هو يغوووور بستين داهية .. يعني لو بتزوجه بس عشان امي .. بس ما اضمن ما نتطلق بعدين في ناس يخطبوني وااااجد احسن منه .. قاعدة افكر لو فكيت و ما تكلمت .. فجأتن واحد بيخطبني .. بعدين بوافق .. بعدين يكتشف اني كنت مخطوبة مرتين بعدين يهون <<< صحت من الكابوس خخخخ والله من الضيقة و الهم اضحك .. و لا أنا كااااااااارهة حياتي .. كرهت شي اسمه حياة .. شي اسمه خطوبة و زواج .. احس لو كل واحد يعيش بروحه في كوكبه .. بس يتزاورووووون وااااجد ارحم .. |
اقتباس:
كل واحد يلتخ الثاني ولا مفتكر ههههههههههه هو يمكن ما يحب احد يقوله نزل وزنك ليش ما حاولتي تكلمينه بسلوب حلو ؟ غازلي فيه وتكلمي له عن شخصيته الفذة والرجولته وذكاءه بعدين قولي له عيبك انك فيل :d خخخخخ امززززززززح لا تقولي له فيل بس اقصد انت تحبي خفافة الدم اطنزي معاه بحب مب تنتقديه وتبطي كبده وبعدين هو بيتقم ويقول انت شايفه نفسك عليه ويرد ينتقدك كتير ويخليك تنقهري بس نصيحة مني لا تجازفي وتتزجي ترضين امك الزواج قناعة موب رضى لامك ولا ابوك انت ابتدي معاه صفحه جديدة ولا تخلين حياتك معاه بدون احترام اهم شي الاحترام بينكم لا هو يغلط ولا انت |
| الساعة الآن 02:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©