|
دلوني كيف احصل على جميلة ؟
سلام عليكم كل سنة وانتم طيبين شباب وبنات انا من زمان كنت اشوف البيت تدخل المنتدى وقمت ادخل بس ما شاركت ولا مره المنتدى عجبني والي تدخله ناس طيبين صح عندي ملاحظات على المنتدى اتمنى ما يزعلون اخي قال لي كثير مشاركات يحذفونها من الاعضاء واتمنى ما يزعلون المشرفين من الصراحة ويطولو بالهم شوي على الحلوين انا شاب عمري 29 بدخل 30 واتمنى اتزوج بسرررررررررررررعة مضايق ابي بنت اعيش معاها رومانسية وحب ودلاعة ووناسة وفرشة وتتحمل فيني واتحمل فيها وتدلعني وادلعها واتهاوش معاها وتهاوشني واطنز عليها وتطنز علي :23: واحس نفسي ملك وانا امشي في الشارع معاها :30: بس الي منصدم منه كل موب محصل وحده جميلة موووووووت كل ما اتقدم لوحده وتصير الشوفة انصدم موب مثل مواصفات الي ابيها :( تقدمت لاكثر من 50 بنت ولا وحده جميلة وهذا الي محيرني ايش السبب ما احصل جميلة مثل الناس :19: كل الناس تحصل المواصفات الي تبيها الا انا ليش :19: اخر مره قبل اسبوع وحده بيضاء وجسمها فرس رياضي ورشيقة كتير وبعدين شفت صورتها من غير حجاب ما عجبني وجها بالحجاب احلى بكتييييييييييييييييير ومن بدون حجاب وجها خلاني اشمئز استغفر الله العظيم انا موب استعب خلقة الله لكن ما قدر اعيش مع وحده موب عاجبني الفيس ما ادري شسوي ! قلت بتزوجها ما يصير اظل من دون زواج بتوكل على الله وبتزوجها بس صادني خوف فضيع :24: والنوم ما يجيني واسودت الدنيا بعيوني وكرهت الدنيا كلها وصليت استخارة كتير لما بعدين قلت لاهلي ما ابيها كل مره اتقدم لوحدة يصيدني خوف من الزواج ما ابي افشل ولا اطلق ولا ابي اتزوج موب جميلة مثل الي ابيه طولت عليكم ابي حل شسوي ؟ ابي اتزوج جميلة و اشيل الخوف والرهبه الي بقلبي من الزواج لا تقولون لي ايش الفايدة من الجمال انا قلت لكم قلت بتزوج وبتوكل على الله حتي لو موب جميلة بس يصيدني كره للي اتقدم لها اذا كانت موب جميلة واشمئزاز وخوف اني ما احبها ولا اطيق اطالعها وبعدين ارفض وهاي الشي كل مره يصير لي يالله ابي الجميع يفازعني ومشكورين كلكم ولي عنده فكره وكلام ينفعني ما يقصر وعساكم من عواده :14: |
أخوي
إنت جميل ؟ بس سؤال جاء في ببالي ،. لإنه دايما نلقى الأغلبية يتشرطوا و هم ما يحققوا طموح اللي يتقدم لها و لا نسبة 1 بالمية فيارب ما تكون إنت منهم أخوي خلي لكل شئ نسبة ، إنت مخلي كل تركيزك في الجمال و لو طلعت أخلاقها سيئة ، بتكره شكلها و تشوفها أبشع مخلوقة قول لأختك عن المواصفات اللي تبغاها بالضببببببببط و هي تشوف لك و دايما اللي يتشرط كثير ، ترى بياخد عكس اللي تشرطه :D |
استغفر الله
يا أخي الكريم ما دام ما أعجبتك 50 امرأة أو أكثر ؟ ولن تقتنع إلا أن نأتي لك بصورة طبق الأصل مما في ذهنك ونفصلها تفصيلاً ....ونطبعها طباعة. يا أخي الجمال ليس كل شيء , أقولها بملء فمي ماذا ينفعك إن تزوجت بجميلة عقلها كعقل الطفل ؟ أو متمردة أو مغرورة ؟ أو نكدية أو قليلة الدين. الجمال لن يدوم ولن يستمر , وستمل منه بعد بضع سنوات ...ويبقى الجوهر والمعدن احرص على المرأة الصالحة .. والجمال نسبي , وإن استمريت على هذه النظرة فلن تتزوج وإن تزوجت فستجد من هي أجمل من زوجتك فماذا ستفعل؟ لا أريد تكثير الكلام لكن هذه نصيحتي لك الجمال الذي تبحث عنه عند الحور الحين في الجنة ... |
والله فكرت كثير كيف ارد عليك اخى الكريم
بس خمسين بنت انت تعبت اقولك ليش لانك دققت والى يدقق يتعب اسال المتزوجين وكلهن راح يئوكدوا لك ان الجمال ماله اى قيمة بعد الزواج عموما امتنى لك التوفق |
اقتباس:
والي اتقدم لهم ما لي نفس استعيب فيهم بس انا ايش اعمل ما احسهم فيهم جمال وانا ما قلت ابي وحده اخلاقها زفت ابي وحده جميلة ولا وحده من الي شفتهم جميلة ايش السبب ياعالم يا ناس اختي تقول تعبت واهي تجيب لي بنات هي تقول انت يبي لك وحده من اوربا |
اقتباس:
اخي انا ادور على حل مع نفسي الي متعبتني ابي افتك من التركيز على الجمال ماادري ايش اسوي ؟ حاولت اجرب اخذ وحده طيبة وتخاف ربها عليا واستر على عمري وبعدين يصيدني خوف رهيب فضيع واكره البنت اللي اتقدم لها وارفضها شلون اشيل التركيز بالجمال واشيل الخوف من اللي موب جميلة حتى اتزوجها ؟ فهمتني اخي الموحد لله ؟ |
اقتباس:
الله يوفقك ويوفق جميع المسلمين |
شكلك متابع جيد للفضائيات والبنات البلاستيك اللي عليها
اخي انت بدك بنت حلوة ....! طيب حقك .. بس انت لما تشوف خمسين بنت وولا وحدة عجبتك شو العينة اللي بتقارن فيهم البنات اللي شفتهم لحتى تحكم عليها انها مو جميلة ؟. انت ما لازم تشوف بنات اكثر انت لازم تغير نمط تفكيرك ونظرتك للبنات ونظرتك لعروس المستقبل بعدين بتروح تخطب بنات الناس يعني نسبة رضاك صفر من خمسين هالشي بعتقد انت سببه مو الخمسين |
|
أجل تبي نصيحتي
غض بصرك عن النساء في الشاشات وغيرها ... والله لو فعلت ذلك لرضيت بالمرأة العادية أنا لا أقول إنك تطلق بصرك فيهن لكن غالب من يركز على الجمال تجد عنده المقارنة عاملة عملها .. وعليك بالدعاء : ((اللهم يا ذا الجلال والإكرام اهدني لأحسن الأخلاق لا يهدي لأحسنها إلا أنت , اللهم حبب إلي المرأة الصالحة , اللهم جنبني الفتن واصرفني عن التعلق بالجمال , الله اصرفني عن التعلق بالجمال ) |
| الساعة الآن 08:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
