|
بماذا كان الناس يغسلوا شعرهم قبل اختراع الشامبو
السلام عليكم اخواتي العزيزات انا الحقيقة اعاني مع شعري بسبب التساقط والتقصف ولما سألت الي حولي وجدت الكل يعاني من نفس المشكلة خصوصا التساقط مع العلم اني لا استخدم الصبغة الا في خصلة واحدة فقط من شعري لان فيها شيب من زمان . المهم قعدت افكر ليش تساقط الشعر ومشاكله اصبحت ظاهرة يشكو منها اغلب النساء ان لم يكن كلهم .... الحقيقة قعد افكر ايش هو الشيئ الي كلنا نستعمله الاجابة طبعا هي الشامبو طيب الناس زمان كان شعرهم يطول وما يتساقط قلت يمكن لانهم ما كانوا يستعملوا الشامبو بس السؤال هو بإيش الناس زمان كانو بيغسلوا شعرهم قبل اختراع الشامبو؟؟ ياريت الي عندها فكرة تقلنا او الي امها او جدتها كبار في السن تسألهم عشان نجرب يمكن مشكلتنا تنحل |
وعليكم السلام
كانت جدتي الله يرحمها تقول يغسلون شعرهم بالسدر وطريقتهم ياخذون السدر ويخلطون معه مويه ويصير فيه رغوة وعلى فكرة حتى اجسامهم يعني كان السدر لجميع الأستخدامات:) هذا الي اعرفه ترا الكل يعااااااني من هالتساقط الله يعين بس |
انا اسمع بي صابون ابو عجلة ههههههه طبعا زمان مررررره بس يقولوا جدا ممتاز بي زيت الزيتون لاحد يضحك على الاسم
|
بالصابون الطبيعي
واصلا الاكل الان اختلف عن قبل فالمواد الحافظة والمصنعة والملونات والمصبرات والاسمدة الصناعية والمواد التي ترش بها الخضراوات والفواكه والمعلبات والحلويات كلها تسبب ضرر للشعر والجسم فامهاتنا وجداتنا كانوا نادرا ما يستخدموا العطور ومزيلات العرق لان طعامهم كان صحي وطبيعي فرائحة الجسم تتأثر بما ناكل وكذلك الشعر وكل موادهم كانت طبيعية تصنع في البيت اما الان فالمسيطر على الاسواق شركات هدفها الربح فقط حتى مواد النظافة تجبر الانسان على المداومة عليها حتى تربح الشركة |
اقتباس:
|
صحيح الشامبو الأحمر معروف من زمان
كنا نستخدمه لما كنا صغار بس ريحته عاديه وهوافضل من الشامبوهات الي الحين بنت مكه والموحدلله الأسماء تضحك ابو عجله وابو عنز :) |
انا الي اعرفه انهم كانو بالسدر
|
اقتباس:
اذكر اخواني وهم صغار كانو يعايرون اي واحد ماله رقبه , يقولون له الشامبو الاحمر ههههههههههه استغفر الله فيه شامبو اسمه fekkai http://images.teamsugar.com/files/us...kkaiMore_0.jpg , انا استفدت منه قلل التساقط واحسه يعطي مظهر كثافه لشعري وريحته تعجبني , وبعد فيه فيتامينات اسمها سترستاب مره كويسه وتساعد على وقف التساقط وحتى تعطي نظاره للبشره مع الاستمرار. |
في بلدي كانوا يغسلون بعشبة لها رغوة كانها صابون يسمونها ((الحتيكة)) حتى عام 1975م والان انعم الله عليهم بالشامبو صديقتي تاخذ ملىء فنجان شاي نسميها بالسعودية (بيالة) الشامبو الاحمر وتضيف له 4ملاعق سدر وكوبين ماء ودائما تغسل شعرها به وتقول انه ممتاز انا استخدم الشامبو وكان عندي تساقط اكتشفت سببه فقر دم نقص حديد وكالسيوم بعد ان خسرت كثير من المال بلافائدة تاكدي من الدم وبالنسبة للتقصف مافي اروع من ماسك ملعقة الزبادي وملعقة زيت سمسم وملعقة زيت اكليل الجبل وبيضة او ثنتين حسب طول الشعر اسبوعياً مدة ثلاث ساعات ويغسل رااااااائع ويبني الشعر لان مكوناته بروتين وكراتين طبيعي وفيه زيت كتبه لي الطبيب لاطراف الشعر الجاف راح انزل اسمه لعيونك بإذن الله ...
|
السلام عليكم ...
كانوا يغسلون بالسدر ... استخدمته فترة لكن تتراكم الدهون ومن ثم تظهر رائحة للشعر وكذلك فعل الشامبو الأحمر ولكن على مدى اطول .. أصبح شعري باهتا وبدون شكل ... ولم أعرف انه بسبب الشامبو الأحمر حتى غيرته ... أختي تستخدم شامبو تشتريه من الصيدلية البيطرية وممثلات عالميات يستخدمنه .. وهو الشامبو المخصص للخيول ... تشتريه بالجالون أختى تقول انه بنتيجة والله أعلم ... جربت ولكن لم اداوم فصعب ان احكم شخصيا |
| الساعة الآن 11:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©