|
البلغم وراني الويل وكثرة شرب اللبان ياناس غربلتني
السلام عليكم
ادخل دوغري ع الموضوع يا عالم انا تعبت نفسيتي بسبب البلغم الله ياخذه لاني قادره انام ولاني قادره اتكلم وكل 5 دقايق اطلعه..ماادري من وين يطلع والله لو راسي كبر الشمامه :24: ياجماعة الخير سويت لي منقوع اللبان في غرشه فاضيه حق بروسبان.. وكل يوم اشرب منها...على مدار اليوم تقريبا حتى يوم رحت السوق الغرشه بشنطتي كل شوي اشرب باليوم تقريبا 3 غرشات...اول مااقوم..وبنص اليوم..وقبل النوم يمكن خف بنسبة دقيقه% فقط مفشلني ومسبب لي احراج وملعوزني المشكله مااعرف اطلعه هذا اللي منغص عشيتي وانا احاول اطلعه اصير زرقا وحمرا لين اسود وتطلع روحي ياالله يطلع تعذبت تعبت حتى النوم مو قاعده انام... واليوم نقعت زنجبيل مع لبان في مويه حاره بغرشه كبيره وشربته والاحظ انه شوي شوي خف ولكن الاحظ هاليومين ان فيني رجفه خفيفه بأطرافي ويديني مثلا اسكرها واذا بفتحها اصابعي ترتجف واحس ان اطرافي فاضيه ودقات قلبي مو منتظمه خفقان شوي يمزع قلبي بعدين شوي بعدين عادي :( ماادري هل له دخل من كثرة اللبان والا ماله دخل وارجوكم ارجوكم افيدوني بعلاج للبلغم يمزعه مزع مابقى دوا الا اخذته حتى بروسبان شربت يانسون...شمره...بابونج...زعتر..لبان..زنجبيل مافي فايده نفسه.. اسفه طولت عليكم لكن من حلات الروح |
اشربي حليب و كثرررررري من الزنجبيل على الريق
يومين و يروح منك بإذن الله |
سويت هالشي بس ماجاب نتيجه
الله يجزيك خير وبصراحه يوم شربت حليب هيج المبلغم وزاد وزنجبيل مومقصره تعبت نفسيا وجسديا الله يآجرني بس بجد عذاب |
تجنبي جميع مشتقات الحليب والألبان والزبادي وتشوفين العافية ...
سمعت هذا من دكتورة في الطب البديل .. بعد اسبوع تقريبا بتحسين بالفرق وهو مجرب لدي .. |
الله يعطيك العافيه
الحليب ومشتقاته تزيد البلغم .....!! بس قرأت ان شاي اليانسون يخففه انا حالتي قريبة من حالتك .. و لا أقدر أطلعه .. الله يكرمك اذا حاولت ,, أستفرغ على طول طبيبتي شخصت حالتي انها حساسية مزمنة في الشعب الهوائية بس تجيني فترات طويلة أكون مرتاحه منه وبالصيــام يزيد وعلى فكرة شرب الماي البارد بعد يزيده الله يعطيك العافيه جربي اليانسون |
طيب اذا تجنبت جميع مشتقات الألبان والحليب ..
كيف يمكنها ان تعوض احتياجها اليومي من الكالسيوم لتفادي هشاشة العظام ؟؟؟ لا أظن الحبوب البديلة كافية .. |
كلام رسيل صحيح ودايم أفكر فيه !!!!
مادري ايش الحل الجذري لهالمشكلة بنت عمي تقول انها تشرب الحليب عادي وتشرب بعده كوب ماي عشان ما يسبب لها بلغم |
الف سلاامه عليك
اختي فيه حبوب مذيبه وطارده للبلغم بالزعتر يعني اعشاب من الصيدليه مو شرط تخرجي البلغم تلاقي البلغم خف وراح بدون تعب انا مجربتها في كل وقت حتى وقت الحمل يعني مامنها ضرر اسمها ناسيته بس اسئلي عنها بالصيدليه الله يشفيك ويعافيك |
عزيزتي كنت محتفظة بوصفة للبلغم ولكن لم اجربها ولكن شكروا فيها والله اعلم وهي عبارة عن 5 ضروس ثوم تفرم وتغلى في كوب حليب وتصفى وتشرب عالريق لمدة 4 ايام ...
جربي ولن تخسري شئ ان لم تفدكِ لن تضرك و4 ايام تمر بسرعة ان شاء الله وان لاحظتي تحسن استمري عليها |
رسيل وفلافل ... سمعت اخصائي طب بديل يذكر ان ملعقة كبيرة من السمسم الكامل تمضغ تعادل كوب كبير من الحليب الغني بالكالسيوم
فالسمسم الكامل رااائع للعظام وبه كمية كبيرة جدا جدا من الكالسيوم والسمسم الكامل يكون لونه بني اي غير مقشور مثل الابيض وتكون حبته اكبر من المقشور قليلا وهذه صورة السمسم الكامل وهو متوفر http://jamaluk.hawaaworld.com/sites/...PTMIZE(35).jpg |
| الساعة الآن 06:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©