|
أريد مساعدتكم في تأجيل زواجي
السلام عليكم ورحمة الله وبركاته كيفكم ان شاءالله كويسين.. المهم ندخل في مشكلتي وارجوا منكم مساعدتي.. انا انخطبت في شهر 10 وفحصت فحص الزواج انا وياه وخلصنا هذا وعلى اساس ان الزواج في الصيف الجاي وفجأه تتصل ام الولد وتقول ان نبي نملك الحين والزواج يكون بعد سنتين عشان يخلص اقصاد سيارته والبنت تخلص دراسه طبعا انا باقي لي سنتين واخلص جامعه المهم وافقنا بس الملكه مو الحين قبل الزواج بشهرين وبس واتفقنا على كذا ... طبعا درت الناس وجماعته هو ان الزواج تأجل سنتين ودرت عمته واتصلت عليهم تهاوش ليه فشلتونا مع الناس مو بنت عمك عشان تجلسها سنتين وعيب عليك ترى اخوانها راح يزوجونها اي واحد يتقدم خلال هالسنتين ومن هالكلام طبعا خطيبي ارتفع ضغطه واتصل علي ليه كذا والناس وش دخلها ومدري ايش المهم قال شوفي اي احد يتقدم لك وافقي ولاترفضين بس الصراحه انا ابيه هو ماابي غيره وغير كذا قال الكلام طالع من عندكم انكم تسكتونا يوم وافقتو على تأجيل الزواج قلت له لاتسمع كلام الحريم .. طبعا الكلام من زوجة اخوي كلمت امها اللي هي عمته اخت ابوه وقالت عيب واخوانها ماراح يخلونها طبعا الكلام من عندها اخواني ماتكلموا ابدا ولايدرون بالسوالف هاذي كلها.. وخبرته قلت اخواني مايدرون قال كله من الحريم اللي عندك وانتي تسمعين وعاجبك الوضع ليه ماوقفتيهم عند حدهم ولا احد يتدخل قلت صعبه يعني مرة اخوي وانا مااتجرا واتكلم وعصب وقال وربي طابت نفسي من هالعرس كله .. وابي منكم حل وربي ماادري وش اسوي يعني الخطبه كلها مشاكل في مشاكل من البدايه وربي محتااااره تكفون ابي رايكم انا وش اسوي اعلم اخواني بالسوالف هاذي والا اسكت ... |
وعليكم السلام ورحمة الله وبركاته
يااختي والله انا ماعندي اي خبره ولكن نصيحتي لكي لاتفكري ولاتهممي نفسك وتاكدي لو لك خير في هالزواج من هالانسان راح تتزوجيه مهما كثرت المشاكل وان ماتم الزواج فشر وانصرف باذن الله وادعي ربي يفرجها لكي ويبعد هالمشاكل الي تمرض الواحد تقبلي مروري.. |
وش دخلها زوجة اخوك والله عيب عليها
كلمي ابوكي او اخوكي وفهميه الموضوع يعني المفروض مااحد له دخل بالموضوع جد قهررررر وان شاء الله مايصير الا كل خير ربي يسعدك ويوفقك |
اقتباس:
عزيزتي.. هذا الاتفاق تم مع من؟ وأين والديكِ من هذا الاتفاق؟ |
يعطيكم العافيه ماقصرتوا..
بالنسبه لي انا انا يتيمة الابوين والاتفاق صار مع زوجة اخوي وسكرنا على الموضوع وانو خلاص الزواج بعد سنتين بس قرابته هو يقولون عيب تخليها كذا ومو على كيفك تـأجل الزواج انا ابي كيف اوقف هالناس عند حدها كل من جاء تكلم بالعرس وربي انا خفت من كثر المشاكل اللي صارت |
اقتباس:
يعني إخوانكِ لا علم لهم بتأجيل الزواج سنتين؟!!!! الله يرضى عليج يا أختي .. مثل هذه الاتفاقات والقرارات لا يجوز أن تكون مع زوجة أخيكِ .. والمفترض أن يكون الطرف فيها هم إخوانك. وغالب ظني أن هذا هو سبب تدخل الآخرين .. ولو كان الكلام مع الرجال لما تجرأ أحد وتدخل في الموضوع. |
| الساعة الآن 10:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©