|
جالسه لوحدي وقتلني التفكير وقلبي بينجلط من الهم
السلام عليكم
اخواني أخواتي انا مرررررررره مهمومه نفسي أحد يواسيني انا من النوع اللي ماأقول لاحد اي شي عن حياتي الخاصه خصوصا أهلي ارفض انهم يعرفون عني اي شي ,, عشان كذا قلت مالي إلا إنتم الله يخليكم لي يارب ويكثر من امثالكم السالفه ومافيها ان زوجي راح للدمام شغل لمدة 6 أيام وطبعا إذا راح للدمام لااااااازم يروح هذيك الديره ........... المهم زوجي الحمد لله طيب وكريم وحنون ومافيه عيب بس مشكلته عمله ,انا ماني معترضه على سفره بالعكس دايم أشجعه واهون عليه وهو سفره طبعا داخل المملكه مايروح برا نهائي الحمدلله بس المصيبه الشرقيه لازم يروح لها 3 مرات بالسنه وكل مره 5 او 6 ايام وخلال هذي الايام لازم يروح مره وحده لل................ يروح لها من الساعه8 بالليل ويرجع الساعه 2الفجر وانا بمووووووووووت من القهر ماأقدر امنعه لانه من النوع اللي يعصب ويزعل وبيقلب السالفه علي أنا والله مااغار عليه انا اخااااااااااااااااف عليه من الفساد اخاف يجيب لنا مصيبه ولا شر بس كيف اتفاهم معاه ماادري !! وربي حتى تليفون مادق علي من أمس هو كذا إذا خلص شغله العصر ينام شوي وبعدين يقوم ويروح لها وماعاد يدق علي الا ثاني يوم طيب وش يمنع إذا دق وسأل عنا انا وعياله وقالنا إنه رايح حتى ثاني يوم إذا كلمنا أسأله أقوله كيفك حبيبي وينك امس مالك حس ولاخبر والله وحشتنا يقول وربي وإنتو اكثر وبسسسسسسس مايقول إنه راح وإذا رجع شفت جوازه ألقاه رايح ! استغرب احيانا تجيني وساويس انه رايح لشي غلط وحرام عشان كذا مايبغى يقول انه راح ! لانه لو مافيه شي كان قالي إنه بيروح ! آسفه طولت عليكم بس وش اسوي جالسه لوحدي ومهمووووووووومه قلت افضفض عندكم ,وأرجوكم لاحد يقولي سوي له جو ويمكنك مقصره ,لاني والله العظيم اني مو مقصره معه بشي اعامله باخلاق ورومانسيه بزيااااده طول مااحنا قاعدين وهو بحضني اعامله مثل الطفل وغير نظافة بيتي واهتمامي باولادي وروايح العطور والملابس المغريه والليالي الحمراء ووووووو وربي شاهد ونسيت أقولكم انا زوجي مره وحده قبل 7 سنين راح دوله عربيه واكتشفته يدخل مراقص ومكان ثاني قذر الله يهديه يارب واعتذر وبكى والنوم ماعاد نام اسبوع كامل لانه مستحي من نفسه قدامي والحمدلله ربي هداه وماعاد راح مكان. ارجوكم اللي عنده كلام فيه خير يهون علي يقوله أما اللي بيدخل يجرح او يزيدني رجاءً يضغط بالماوس على الخلف الله معاه |
ما فمت شو يعني النقط وهالمنطقة منطقة شو
انتي ادعي له واستودعيه عند الله سبحانه وتعالى اكثري من الاستغفار انا معك انو الحرص واجب ولكن ما تشدي كتير ولا ترخي ثم ما هذا المكان مش فاهممه انا |
اقتباس:
عموما مشكوره ياعسل أسعدتني مشاركتك |
مدام ايمان اعتقد ياعزيزتي ان زوجك يشرب للاسف . والمشكله ان الي يشرب يتوقع منه الاسواء خصوصا خارج المملكه . والغريب انك ماتعرفين انه يشرب بمعنى انك لم تلاحظي عليه اي ملاحظه او رائحه للمشروب . اتمنى ان اكون مخطي . عليك اخذ الحيطه والحذر فكم زوجه اصيبت بالامراض بسبب سكوتها على اخطاء زوجها خصوصا الاخطاء القاتله . وعندما اقول سكوتها فلا اقصد ان تتهاوش مع زوجها وتخرب بيتها ولكن هناك اساليب جعلت مدمني المشروبات والمخدرات يعودون الى صوابهم والى احضان زوجاتهم واولادهم .اوصيك بالحزم في الحق . سيدتي الرجل ملك لزوجته جنسيا بشرع الله ولا يجب ان يتعدى على حقوقك الا بشرع الله وكتابه . اما من يسرح ويمرح ولا يبالى اين يقذف شهوته فذلك والله على خطر عظيم على نفسه وعلى اهله . هنا لااقصد زوجك انتي اختي ايمان بالذات ولكن لكل الاخوات , اسال الله ان يحفظ لك زوجك ويرده اليك سالما ويصلح حاله للافضل . دمتي بسلام |
[QUOTE=عناز بيك;2509201]
مدام ايمان اعتقد ياعزيزتي ان زوجك يشرب للاسف . والمشكله ان الي يشرب يتوقع منه الاسواء خصوصا خارج المملكه . والغريب انك ماتعرفين انه يشرب بمعنى انك لم تلاحظي عليه اي ملاحظه او رائحه للمشروب . اتمنى ان اكون مخطي . عليك اخذ الحيطه والحذر فكم زوجه اصيبت بالامراض بسبب سكوتها على اخطاء زوجها خصوصا الاخطاء القاتله . وعندما اقول سكوتها فلا اقصد ان تتهاوش مع زوجها وتخرب بيتها ولكن هناك اساليب جعلت مدمني المشروبات والمخدرات يعودون الى صوابهم والى احضان زوجاتهم واولادهم .اوصيك بالحزم في الحق . سيدتي الرجل ملك لزوجته جنسيا بشرع الله ولا يجب ان يتعدى على حقوقك الا بشرع الله وكتابه . اما من يسرح ويمرح ولا يبالى اين يقذف شهوته فذلك والله على خطر عظيم على نفسه وعلى اهله . هنا لااقصد زوجك انتي اختي ايمان بالذات ولكن لكل الاخوات , اسال الله ان يحفظ لك زوجك ويرده اليك سالما ويصلح حاله للافضل . دمتي بسلام طيب كيف يشرب وهو يجلس أحيانا سته شهور مايسافر اي مكان حتى الطلعات مافيه دوامه من الساعه8 الصباح إلين 5 العصر وبسسسسسسسس وماعاد يروح أي مكان اترجاه انه يروح لاصحابه يغير جو مايرضى كله قاعد بالبيت ان شاءالله يكون كلامك في غير محله شكرا لك اخوي |
انتي رحتي معه تايلند ودبي .....الخ
اذا هو يشرب اكيد لاحظتي عليه , اتمنى من كل قلبي اني مخطي |
ايه رحت معاه مو تايلاند ودبي بس
حتى البحرين وفي عيد شوال رحنا سويسرا والنمسا عمري عمري بحياتي ماشفت شي ينام معانا ويصحى معانا الحمدلله مع إننا نسافر لمدة 20 يوم بس الحمدلله ماشفت اي شي وربي شاهد حرام اظلم الرجال مشكور اخوي لاهتماك |
الي يشرب مايقدر يوقف فتره طويلة ومايشرب وانتي تقولي انك رحتي معاه كذا بلد ومالاحظتي شي
اختي بس يجي اجلسي معاه بهدوء وكلميه عادي انو لي ماتسئل علينا وهالاشياء بس انتي لي ماتروحي معاه لما يسافر؟ |
السلام عليكم والرحمه
اختي الغاليه مدام ايمان انا فهمت كلامج وعارفه ان حتى تلميحاتج انتي خايفه على زوجك كثير بس حبيت اوضح لك شي تعوذي من الشيطان وتراها من البدايه وسااويس الشيطان خلي حق زوجك الف عذر وعذر لان هذي الثقه لاتشترطين ان لما يروح الديره الي في بالك شرط انه يشرب او حق سوالف مايله لاسمح الله مافيها شي لو قعدتي معاه سولفتي وبطريقه حلوه وخاصه فيج عرفتي هو ليش يروح لهذي الديره بس مثل ماخبرتج ان مو شرط ابدااااااااااااااا حق شرب او لعب يعني شوفي التوقيت الي هو يروح من 8 لي 2 بالاحرى الي في بالج يتوافر عكس هذه الوقت اختي الله يعينج والله يهديه وان شاءالله ربي يخيب ظنج وباذن الله مايكون الا الخير ان شاءالله وانتي وقت مايكون عنك بعيد كثري من لاتصالات والمسجات له والله يصد ببال من فيه الشر على زوجكك ان شاءالله والله يوفقكم ياربي |
اقتباس:
لأن ولدي عنده مدرسه ثاني شي زوجي مايحب أني اقوله بروح معاك يكره هالكلمه يقول انا اعرف نفسي واعرف ظروفي إذا بغيت شلتكم وإذا لا خلاص لاعاد تعيدين الكلام وبالنسبه للمصارحه صح كلامك إذا جاء لازم اكلمه مشكلتي أتغاضى وأسكت وآكل في نفسي مشكوره على ردك الله يوفقك دنيا وآخره |
| الساعة الآن 09:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©