|
متزوجة حديثا ولم أفهم زوجي جيداً
السلام عليكم ...
انا مشتركه جديد وسبب اشتراكي انه مش لاقيه حدا يفهمني او يرد علي .... بتمنى القى هالشي عندكم لانه قربت انشل من التفكير.. انا متزوجه جديد ومش عارفه كيف اتصرف مع زوجي لانه انا اول مره بكون الي تعامل مع شي اسمه رجل وكنت مش سامحه لاي شب يعمل معي علاقه وبالاصل ماكنت حاطه ببالي انه اتزوج لكن اجى نصيبي واتزوجت وزواج تقليدي وغير هيك خطبتنا قعدت بس 3 اسابيع يعني مالحقنا نتعرف عبعض منيح ... والمشكله مش هون ... وسامحوني ازا بطول عليكم.. قعدنا مع بعض شهر وبعدين سافر لانه بدرس برا وانا ضايلي هالفصل من الجامعه وبتخرج لهيك ما سافرت معه لهيك هاد تاني سبب بخلينا مانفهم بعض منيح المهم انه بحس انه صار معنا مشاكل كتيره او مش مشاكل مشاكل يعني عدم اتفاق ع شي ... وانا اكتر شي بدايقني فيه انه بحس انه بشك فيني او مابثق فيني وانا واجهته بشي هاد بس حكالي لا حبيبتي انا بثق فيكي ومابشك لانه لو بشك فيكي من الاصل كان ماتزوجتك بس انا شايفه غير هيك لانه بعمل معي بعكس الي حكالي اياه ... واكبر دليل انه عمل اكاونت عالفيس باسمي وضاف عنده فرند الفرند تاعوني انا وبراسلهم وبتسحب منهم كلام عاساس انه انا .. بس انا ماحكيتله انه انا عرفت هالشي .. بس سكرت موبايلي الي بنحكي انا وياه فيه وايميلي وكل شي بس ببعتلي رسائل عرقمي الرئيسي ومابرد عليه بشي ... وانا بدي اوصله انه انا مجروحه منه لتصرفه هاد بس بدون ما اخبره انه عرفت بشي هاد ... وبدايقني منه كمان اسلوبه بالحكي لمن يكون معصب وبصير يغلط بالكلام بالرغم انه بصير يعتذرلي بس بعد ما اكون انجرحت وخلصت .. بس اهم شي مين بخبرني انه كيف بدي خبره انه انا مجروووووووووووووووووووووحه منه ؟؟؟؟؟؟؟؟؟؟؟؟؟؟؟ |
حبيبتي
لازم يكون عارف سبب زعلك وش؟؟ ارسلي له رساله عبر الايميل له وقولي له الامر وفضفضي له بدون اي تجريح له ... وارسلي بعد ارسالك له عبر الايميل رساله لجوال ان لك رساله بلايميل اتمنى قراتها !وارجعي وتغاضي عنه كم يوم ؟؟ وبس... وحاولي التناقش معه فلامر بلتطنيش لن يحل الامر . |
مع رأي حبيبتي همس ... وأضيف انه تصرفه بسبب قصر عمر معرفتكم لكن هذا ما يقلل من أهمية انه يفهم ضرورة وجود الثقة بينكم وانك تتضايقي من شكه فيكي . ..
الصراحة انا من أنصار فتح كل الملفات بين الزوجين ..ايميل وموبايل وفيس بوك .. ما أمنع زوجي من دخول أي شيء ولا أحب انه يمنعني ....لكن طريقة زوجك بالكلام مع الناس على انه انتي طريقة غلط |
مع كلام اختي الغالية همس
خليكم اختي كتاب مفتوح مع بعض |
يسلمو حبيبتي همس هيك رح اعمل بس بدي ناخد وقت لنفكر كل واحد ع جهه بدون مانتواجه ... يعني رح ابعتله بلي مدايقه منه بدون ماخليه يرد علي مباشرة ...
هلا بيتا انا حكيتله كل شي بالرغم الكل حكالي ليش تحكيله بس ماخفت من انه يعرف عني شي لانه ورقتي بيضا بس بحس انه ماقدرلي هالشي ... والمشكله انه اوعى مني واكبر مني ب7 سنين ... يعني لازم يكون متفتح عالعالم اكتر مني ... يسلمووو لمرورك حبيبتي العاشقه .. ونحنا هيك مع بعض بس الفرق بينا انه انا معطيته كل الثقه وهو لاااااااااااا ... |
أخيتي سلمى
زوجكِ يعاني بعدكِ .. فليس من السهل على الرجل أن يعيش مع زوجته شهر واحد ثم يبتعد عنها هل فهمتيني .. هو يفتقدكِ جنسياً . لذلك هو متوتر وعصبي .. واسمحي لي أن أقول هو يخشى على نفسه من الإنزلاق بمعنى الخطأ أو الفاحشة . شعوركِ أنه يشك فيكِ دليل على أنه يظن أنكِ تعيشين نفس حالته و نفس قوة رغبته . لذلك يفتش وراءك ليطمئن أنكِ وفية له .. لا أكثر . إذا وافقتيني على رأيي .. عليكِ إذاً أن تعذريه .. و أن تعززي ثقته بنفسه .. ادعميه معنوياً عبري له عن مشاعركِ نحوه .. وأنه الرجل الوحيد الذي تحنين إليه و الوحيد الذي ترغبين به .. أخبريه كم أنتِ واثقة به و بأخلاقه و أنه أقوى من كل المغريات .. قوي عزيمته على الدراسة بتفوق عاهديه على الوفاء دائماً وللأبد . تحمليه قدر الإمكان و قدري ظروفه .. احتوي مشاعره هاتفيه لوقت كافي .. لا تنشغلي عنه بأي شيء .. أعطيه جل اهتمامك حاولي تعويضه عن ما يفتقد بالإهتمام والدعم المعنوي . أخيتي إذا كنتِ ما تزالين تشعرين أنكِ مجروحة منه عاتبيه بلطف و حنان لا تقسي عليه . أسأل الله تعالى أن يوفقكِ و أن يعيد إليكِ زوجكِ ناجحاً ..و يقر عينكِ به . |
الشك مرض الشباب المقبل على الزواج
الواحد فيهم قد ما شاف وجرب وعمل ولف بفكر الكل متله حبيبتي والله العظيم مريت بهاد الاشي بس انا لسه خاطبه ومشاركه بموضوع اقرأئية اسمه خطيبي يشك بكل تصرفاتي والمشكلة عندك اكبر لانك متزوجة والحل بسيط 1- طنشي يعني انسي الموضوع يشك ويعرف ويسأل ولا تعبرية ويراجعك ويعصب طنشي 2- لا تسكري موبايلك بالعكس ردي عليه وقوليله حبيبي بعرف انك عملن اكونت عشان تعرف عني وحقك تبني ثقتك بس حابة اقولك شغلتين الاولى : انا بنت ناس عرفو يربوني كتير منيح وانا بخاف ربنا الشغله التانية : انا لما تزوجتك بعت الدنيا والناس وكل شي عشانك فما يكون جزاتي عدم الثقة انا لو مكانك حبيبي بفرح انو زوجتي بتصارحني بكل شي وهاد الحكي كله احكييه بهدووووووووء تام مو بعصبية وانهي الكلام بجملة بدك تعرف عني اسألني وما رح اكذب لانو ما حدا بعرف عني قدي حبيبي وتصالحو وصدقيني رح تكبري بعينة كتيييير وانشالة الله يسر امورك وبدك تطولي بالك انت لسة عرووس جديده والمشاكل طبيعية بهاي الفترة موفقة انشالة |
بارك الله فيك اخي او اختي hasarym والعفو بس لانه مش عارفه انت شب ولا بنت ... وكلامك صحيح 100% وانا عملت معه متل ماحكيت وانا مقدره غربته وخاصه انه عريس جديد ... بس والله هو بالمقابل مش مقدرلي هالشي ومش حاطط انه انا لسى بنت صغيره ومش مدعوكه بالحياه كتير ............................... وبتشكرك عأسلوبك الراقي .........
يسلمو حبيبتي تمارا وبتصدقي انه كلهم هيك مش بس جوزي وخطيبك وهاد من الي بشوفوه ... وانا رح اعمل معه متل ماحكيتي شكرا حبيبتي ع رأيك الحلووووووووووووووووووو... |
العفو حبيبتي والله يارب يسعدك ويهنيك حبيبتي وتشوفي معاه احلى ايام عمرك
بس ما تقولي عن حالك لسة صغيره ومو مدعوكه بالعكس من كلامك والتصرفات الي كاتبتيها انت انساعة واعية جدا وعقلانية والله يحميك من كل شر انا من كل قلبي بتمنالك التوفيق |
اختي سلمى واضح من كلامك انه علاقتكم لم تنضج بالشكل الكافي و ذلك بسبب البعد... انا برايي الا تتسرعي في الاحكام حتى تتاح لكم الفرصة بالتقرب من بعض و معرفة بعض اكثر فاكثر....
اما بالنسبة لما فعلة على الفيسبوك فلا اجد له تبريرا و لكني انصحك بالمصارحة فكيف له ان يعرف انك كشفتي امره دون ان تقولي له، يجب ان يعرف بذلك و انه تسبب بجرحك لكي يبرر لك فعله و يعتذر عن خطئه... وفقك الله |
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©