منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي لا يخرجنا للرحلات كثيرا (http://www.66n.com/forums/showthread.php?t=215688)

ام عبودي ولتون 30-10-2010 09:09 PM

زوجي لا يخرجنا للرحلات كثيرا
 

انا متزوجه صارلي 6سنوات والحمد لله مرتاااحه بزواجي ورزقت بولد وبنتين


المشكله ان زوجي ما يطلعني كثير ودي اروح مطاعم نكسر الروتييين حدائق

يعني ما يطلعني الا بحنه وعوار رااااس لازم انا اللي اقوله خلنا نطلع .. الشي ما يجي منه.. تعبت والله

دايما اقوله نبي نطلع نستانس نتمشى بالمجمعات احنا تونا صغار وبأول الحياة اذا ما استمتعنا بشبابنا متى نستمتع

..... يقولي ( وين تبينا نروح بس مجمعات ومطاعم وبعدين ..!!

ومرات يواعدني يقول اليوم بنطلع المكان الفلاني اليوم بنروح نشتري اغراض ونتمشى وننبسط وما القى من كلامه اي فعل كلامه حيييل يونسني لكن اذا جيت عالفعل مافيه

تعبني والله احس اني وااااااااجد احن فوق راسه مااااااااايحس فيني ... مرات ابكي عنده واقوله حرام عليك البنات يطلعون وستانسون مع ازواجهم انا ما اطلع ولا اروح مكان ابي ارفهه عن نفسي شووي



وااااااجد افكر بهالاشياء مضايقتني حيل تخليني ابكي لحاااااااالي احس بكآآآآآآآآآآآآآآآآآآآآآآآآآآآبه حد يحس فيني ابي افضفض والله

ابي احس اني مثل باقي البناااااااات ابي استمتع بحياتي والله توني صغيرررررررره متى استمتع بحياتي مع زوجي الين ما اكبر ويكثرون عيالي ..........؟؟؟؟؟؟؟؟؟؟؟

شسوووووووي عطووووووني حل خففوووووووووو عني



الله يجزييييييييييييييييييييكم الجنه


رحيل دائم 30-10-2010 10:22 PM

مكانه الانسب

المهاجر المثخن 30-10-2010 10:24 PM

اولا هذا زوجك وهذا طبعه تدرين اسكتي عنه لا تطلبينه الطلعات وعطيه فرصه وشوفي يمكن تكون المبادره منه اهو فيكون طعمها اطيب (الطلعه)

عاشقة الغالي 30-10-2010 10:25 PM

انتي حاولي سوي شي جديد بالبيت يعني غيري بروتينك ولو حسيتي انبسط
قوليله شفت كيف انت مبسوط عشان تغير شي بينا
انا كمان ابغى اكسر الروتين ونصير نطلع ونتمشى انا وانت ومن هالكلام
ان شاء الله الاعضاء بفيدوكي اكثر لان ماعندي لسا خبرة
ربي يوفقك ويسعدك

تعاندني 30-10-2010 10:52 PM

ممكن يكون طبع زوجك بيتوتي,الله يعينك..

حاولي تستغلين نقطة إحضار أغراض مهمة للمنزل سويا أو قضاء حوائج للأطفال ومن ثم حاولي تغيير المسار إلى مولات

يوجد بها سوبر ماركت وأماكن ترفيهية..

روح الطير 31-10-2010 02:36 AM

ليش ابن ادم دايما طماع و ما يقتنع أبدا باللي في يده ؟

جاني السؤال هذا في بالي يوم قريت موضوعك ..

مسز داني 31-10-2010 02:57 AM

أحسها يا أختي روح الطير مو مسألة قناعة
بس القعدة بالبيت على فترة طويييلة تطفش و تجيب اكتئاب ,,جربي و حتعرفي الفرق
لو يجرب رجال يقعد في البيت اسبوع كامل بدون ما يخرج لانتحر

أنا مثلا بيتوتية أجلس عادي فترة طويلة بالبيت لكن لو زادت عن شهر يجيني اكتئاااب


بالنسبة لك ام عبودي و لتون
اكيد انتوا تخرجوا تقضوا ثياب لك و لأطفالكم
هذي اعتبريها تمشية و تسوق
برضو رد الأخ تعاندني انك تستغلي خروجه لقضاء بعض المشاوير بأن تذهبي معه,,مو تقولي خذني معاك بترجي و حنة
قولي مثلا في غرض معين اخاف اوصفه لك ما تعرفه ضروري اروح معاك و اختاره بنفسي
ايضا استغني عن الطلعات إذا حسيتي بطفش بدعوة صديقاتك او اخواتك للبيت إذا كان زوجك برى البيت
و اتسلي معاهم..

ام عبودي ولتون 31-10-2010 07:03 AM

اقتباس:

المشاركة الأصلية كتبت بواسطة المسداني (المشاركة 2507780)
أحسها يا أختي روح الطير مو مسألة قناعة
بس القعدة بالبيت على فترة طويييلة تطفش و تجيب اكتئاب ,,جربي و حتعرفي الفرق
لو يجرب رجال يقعد في البيت اسبوع كامل بدون ما يخرج لانتحر

أنا مثلا بيتوتية أجلس عادي فترة طويلة بالبيت لكن لو زادت عن شهر يجيني اكتئاااب


بالنسبة لك ام عبودي و لتون
اكيد انتوا تخرجوا تقضوا ثياب لك و لأطفالكم
هذي اعتبريها تمشية و تسوق
برضو رد الأخ تعاندني انك تستغلي خروجه لقضاء بعض المشاوير بأن تذهبي معه,,مو تقولي خذني معاك بترجي و حنة
قولي مثلا في غرض معين اخاف اوصفه لك ما تعرفه ضروري اروح معاك و اختاره بنفسي
ايضا استغني عن الطلعات إذا حسيتي بطفش بدعوة صديقاتك او اخواتك للبيت إذا كان زوجك برى البيت
و اتسلي معاهم..



الف شكر حبيبتي

شوكه بين ورد 01-11-2010 09:43 PM

تدري يااختي احسك مثلي زوجي نفس زوجك كانك تحكين قصة حياتي انا تعبت من زوجي ياما حنيت وبكيت لكن مانفع تدري تبغي تحسي براحه قبل ماتنامي صلي وادعي واقري قران وقولي الحمدلله34مره سبحان الله 34مره الله اكبر 34مره والله راح تحسي براحه حتى لوماخرجتي من البيت وبتدعيلي
الله يهدي ازواجنا ويصلحهم ويخليهم لنا زي مانبغى يارب
تصدقي زوجي اذا قلت له باخرج معاك يقول بطلت اخرج الله يهديه بس
يااختي الله يسعدنا ويرزقنا يارب

شيها نة 01-11-2010 09:51 PM

عزيزتي تقولين:

اقتباس:

زوجي لا يخرجنا للرحلات كثيرا

ماهو مقياس (كثيرا) عندك ؟

متوسط طلعاتكم كل شهر مرة ؟

كل اسبوع ؟

أو شهر طلعة وشهر لا ؟

وما ذكروه الأخوان في الردود فيه الفائدة الكبيرة ..

والأفيد منه أن يقنع الإنسان بكل شئ ربي يرزقه >> يحاول يغير للأفضل لكن ما يحزن ولا يخلي الموضوع أكبر همه !!

لازم يا عزيزتي نحلي الأمور بعينا لاننا إذا زعلنا نحن أول من يخسر !!

أسعدك الله ..


الساعة الآن 06:02 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©