|
"الزوجه الوهمية"هل تتكيفي معها؟
ان طبيعه المرأه تجعلها ترفض ان يكون في حياه زوجها غيرها وان تستحوذ احيانا علي حبه واهتمامه
فهي ترفض ان تكون هناك زوجه اخري في غالب الاحيان وتغيير علي زوجها من اي امرأه أخري ولكنها تقف مكتوفه الايدي امام الزوجه الوهميه فهي لا تستطيع ان تمنعها من اقتحام حياتها واقتسام حب زوجها معها فمن هذه الزوجه الوهميه؟ قد يكون عمل الزوج وتعلقه به هو هذه الزوجه الوهميه التي تنافس الزوجه في زوجها وقد يكون الاصدقاء او الاهل بل قد تكون رياضه مهووس بها الزوج مثل كره القدم وتتوقف علي نتيجتها سعاده او تعاسه البيت او التلفاز او النت اوغيرها من الاشياء التي تستحوذ علي اهتمام ومشاعر الزوج بطريقه قد تكون غير طبيعيه وتثير غيره الزوجه وتشعر معها وكأن هناك زوجه ثانيه تنافسها في زوجها والسؤال الذي اطرحه علي الزوجات : هل تتكيفي مع هذه الزوجه ام تعلني الحرب عليها ام تخيريين الزوج بينك وبينها اوتحاولي ان تجعليه يعدل في تعلقه؟ فلتحكي كل منا عن تجربتها مع الزوجه الوهميه وككيف تعاملت معها |
موضوعك راااااااائع برووووعتك ... بصراحه كانت عند زوجي زوجه وهمية وهي السيارات ... زوجي يموت في السيارات .. فتلقين نصف يومه في الورش او الصناعية ... واذا جلس معاي اكثر سوالفه عن السيارات ومواصفاتها من اصغر قطعه لأكبر قطعه فيها .. حتى يوم يتغزل فيني او يمدحني يشبهني بأجمل واغلى سيارة عنده ... طبعا تضايقت من الحال لأنه ماخذه جزء كبير من تفكيره لكني ما صرحت لاني خفت انه يتجنب الكلام معي عن السيارات بالتالي ما بياخذ راحته معي .. ففكرت بطريقه تخليني اكون انا بالمركز الاول وبعدين زوجته الوهميه ... لما اجلس معاه ... اسأله أسئلة عن السيارات حتى لو ما ابي اعرف ... وهو يتحمس ... اشتري من محطة البترول مجلة السيارات واهديها له مع وردة ... شجعته وساعدته على فتح معرض للسيارات والحمد لله صاروا 3 معارض مع ورشة تصليح السيارات ما شاء الله ... ارافقه لمكان الورشه وآخذ معي كتاب واجلس في السيارة وهو في الورشه وكل شوي اتصل فيه واناديه علشان الشاي او القهوة .. بهذي الطريقه نجحت وفزت بالمركز الاول ... فزوجي قدر وقفتي معاه ومشاركتي اهتماماته ... والحين سوالفه مختلفه واهتماماته متعدده ... لكني اول اهتماماته ... الله يخليه لي يارب ... هذي تجربتي حبوبه واسمحي لي على الاطاله ...والله يسعدك ويوفقك .. |
ههههههه
ياحلو هالزوجة زوجة زوجي الوهمية الطلعات مع الاصدقاء يموت بشيء اسمه طلعه بس الحمد لله مااغار من هالزوجة الا إذا لاحظت انها تأثر على حياتنا بشكل مباشر مثل مرة كنت تعبانة من ضرسي وقلت له يوديني للدكتورة وعصب وزعل اني مابلغته قبل على اساس ماتفوته الطلعة طبعا ضرسي مو على كيفي اقوله اوجعني قبل والا فمن حقه يرفه عن نفسه وينبسط |
لمني بشوق
كنت انتظر مشاركتك لاني توقعت ان لديك ما يثري الموضوع بالنسبه لي الوضع اصعب بكثير فالزوجه الوهميه زوجي هي اهله حتي بدأت اشعر بالغيره الشديده فدائما يستغل عاطفيا من جانبهم ولا لأعرف كيف اتكيف مع هذه الزوجه احاول ولكني يأتي دائما تصرف يضيع كل مجهودي فبماذا تنصحيني بما هو مستطاع |
على كذا زوجي عنده كذا زوجة اولا امه وترى هذي زوجي تشبه الحقيقه يعني تبغاه ينام عندها وياكل عندها ويوديها مشاااويرها وطبعا هي اللي تغير مني تقول هذي واهلها اخذوك مني "عشان هو يحب اهلي بصراااحة"عشان اهلي يفرضوون حبهم واحترامهم والله حقيقة مو عشان هم اهلي
برمضان كنت اخليه يفطر ويتسحر معاها كل يوم انزل الاكل واقول يالله انزل صار يعصب ويقول مدري ليه ماتبغيني اكل معاك ههههههههههه وانا اقول هذي امك يقول انا باكلم اخواني كل يوم واحد مو انا دايما وانا اقهره واقول ماني زعلانه انا موافقة اما الزوجة الثانيه فهي كرة القدم وانا ايضا احبها اجلس معاه اتفرجها واشجع حتى كاس العالم يسألني مين بيلعب اليووم اش رأيكم فيني اما الثالثة هي اللي كنت اتعب منها بعدين تعودت عليها طلعاات الشباب الله يهديهم بس صار عادي بالعكس صرت انبسط عشان يكون عندي مساحة ارتب والبس واتنفس لوحدي |
ااااااااه من هالزوجه الوهميه عندي وحده قاهرتني بالمررررررررره
مكتب زوجي العقاري صارت سواليفه على الاغلب اراضي على شارع وشارعين مره سكني ومره تجاري شقه صغيره مره دور صكوك!اراضي!عماير!مخططات!!!!!!!!!!!!!!!!!!!!!! لا والمشكله تاخذه مني حوالي5 ساعات يوميا بالاضافه الى الدوام الرسمي واصير مره مشتاقه له بس وش نسوي لازم نصبر على مصدر الرزق |
زوجة زوجي الوهمية
قناة فتافيت بس ما تزعجبني يا حلوها من ضرة.. |
الحمد لله تكيفت مع زوجات زوجي الوهميااات الثنتين
1- الكوره <<<<<<<<<<عااااااااااااااااشق للكره 2- الأصحاب كنت أزعل وأسوي مشاكل لكن الحمد لله تعودت عليهم بعد ماصار عندي أولاد ربي يحفظهم لي أن شاء الله أولاً لأنه الحمد لله ماهو شي حرام اللي يشغل وقته فيه وهذا أهم شي ولأنه يستاهل أني أريحه لأنه مايقصر معانا الله يعطيه ألف عافيه |
اقتباس:
صار براسي شيء بخزنه بذاكرتي اذا الله رزقني زوجة بسويه لها وقت الاستهبال ههه :23: |
موضوووع روعه
زوجة زوجي الوهميه1 الاستراحه بس بالعكس انبسط مع هالزوجه لأني صرت ادخل هالمنتدى وارتب اموري واذا ماطلع اقول يالله تأخرت !!! صار يعصب يقول تبين فرقاي اقول لا عودتني ياحلو هالزوجه فيه زوجه2 بس متزوجها مسيار = الا وهي المباراة اذا لعبوا الهلال مو دايم يروح لها اذا اشتااق او طفشته لأن ازعااااج صوت اللي يحلل كننا مانشوف ويعه,,, |
| الساعة الآن 11:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©