|
قولو للي انا طبيعيه ...
السلام عليكم ورحمة الله وبركاته ....
مادري من وين ابدا بس تعبت ... احب زوجي بجنون وصار لنا متزوجين 6 سنوات وعندي منه طفلين المشكله بدت في زوجي بعد ثلاث سنوات زواج دايم مخنوق متضايق سئلته كم مره حاولت مو راضي يتكلم رحت لاهلي كم يوم علشان يرتاح جيت قالي انه ارتفع ضغطه وطاح وودوه اهله للمشفى... حاولت زنيت اعترف لي انه مو مرتاح معاي من ناحية ال... )) وانه يبغاني وحده بيضا ونحيفه لدرجة كبيره ... وانه طاح على اهله بسبب هالموضوع ...طبطبت عليه وقلت ولايهمك ابسوي اللي اقدر عليه وبحاول انحف واريحك اكثر مع اني مرتاحه ورضاي في نفسي كبير ... ومن يومها وانا احس بالنقص في نفسي مهما لبست مهما حطيت مهما ابدعت في قرارة نفسي دايم اضننني ناقصه في نظري ... تعبت بكيت انخنقت ..ومو حاس فيني .... جات الصدمه الثانيه انخنق نفس الشي ضغطت عليه واعترف برضو بانه ماارتاح وجالس يدور يبي يتزوج مسيار.... طبطبت عليه وقلت ماعندي مانع بزوجك لو هذي رغبتك ....بس انا من يلبي لي رغباتي مثل ماانت فيك قوه انا اقوى منك ... قال اوعدك اذا نحفتي اشيل الفكره ... جلست اسوي دايت وحوسه ونفسيه زفت نزلت عشره كيلو وفي وقتها كل ما كنت اتحمم والبس لبس نظيف واتعطر وانسدح مع زوجي ف السرير كان يقولي ترا خنقتيني فيك ريحه مو حلوه واللله صرت اشك في نفسي حتى اهو يقول لوماني شايفك تتحممي كان قلت انك وصخه بس مدري وش المشكله لدرجة انه مره قالي هالكلام قمت وقفت قدامه قلت بسرعه طلع لي مصدر الريحه شممته فمي وكل مكان يقول عجزت احدد مكانها ........ تركت الدايت ومن يومها وهو معد اشتكى .... رجعت من السفر انا وياه بعد العيد رجعت بديت دايت من جديد ويقول نفس الريحه رجعت يقول اقري على نفسك ... صرت دايم معصبه مزاجي متقلب نفسيتي زفت الكل ملاحظ علي يقول الناس تنحف عادي بس انتي شكلك مريضه اللي يقول لامي اقري عليها واللي يقول وديها طبيب نفسي معد لي خلق احد افكر وش سوا وين راح ليش كذا ليش مايقول لي كلام حلو ليش مو مقتنع فيني وش قصرت وسواس يروح وسواس يجي وبرضو فيني حكه في جسمي موطبيعيه منكده علي عيشتي المكان سليم بس احكه لين يطلع الددم وماخليت مستشفى اللاحللت عنده يقولون مافيك شي وكريمات قطعي ...... وحبوب تسكن بس ماتحل المشكله .... صرت احسد اي وحده نحيف وبيضا صرت اكره اناظرها واذاكنت في مكان عام وكنت فيه انا وزوجي ومرت ينقلب مزاجي 180 درجه ..... دايما لما اشوفه مقصر معي مفي كلام حلو اندب نفسي اني مو اللي في باله .... حاسه اني مجروحه ... ...واخر مشكله مخنوق كعادته وانا مخنوقه زيه سئلته قلت بضغط على نفسي واسئله راحته الزم علي من راحتي مو راضي يعترف قلت له فلان ترا تعبت خلني اشوف طريقي انا لسه صغيره ومافيه شي ناقصني انا عارفه انك مخنوق من هالشي وعارفه انك تعبان منه وعندك بروستاتا معذبتك واحتلام كل فتره .... والسبب انك مو مرتاح معاي ايش يصبرك وليس انا راضيه فيك بكل عيوبك وحابتك بكل مافيك وانت تعبان ومتعبني كل مااشوفك مخنوق اختنق اكثر خلي كل واحد يشوف طريقه انا لسه في بداية شبابي وماناقصي شي بشوف طريقي مع واحد يرتاح معي لان ال.... اساس الحياة الزوجيه اذا كان فيه خلل كل شي راح يختل وعيالك لك ماراح ابيهم قال مايحق لك تفكرين بهالطريقه ... قال لي انتي مالك دخل فيني وانا مرتاح معك كزوجه واحبك واحترمك ومااستغني عنك ,,,, وبالنسبه للزواج راح اصبر نفسي لين اائمن لنا بيت مستقر ودخل وقتها راح اريح نفسي وصدقيني ماراح افرط فيك مهما كان الثمن ..... وابعدي الشيطان عنك ... وارضي بعيشتك ... قلت له انكر انك ماتسوي العاده السريه قال وش الدليل عندك قلت واضح مايحتاج دليل تلبك وقفل الموضوع وقال لاتلزقين فيني ترا طفشت .... اذا جلس جلست جنبه اذا راح رحت معه انا عارفه ان هالشي غلط بس مو قادره غصب عني ماادري وش المشكله ... مع العلم اني مو ناقصني شي ولله الحمد مقبوله من جميع النواحي قايمه بشئونه بشكل فوق الطبيعي اهله يقولون دايم نحس بالتقصير مع ازواجنا اذا شفنا اهتمامك فيه ... صرت اشك دايم انه مايحبني دايم اقوله قلي كلام حلوه دايم اقوله انت ماتحس فيني .... واللحين بعد اخر مشكله احس حاليا اني خلاص حكم علي بزوجه ثانيه تعبانه احس بالم نفسي في جسمي كله ... الاكل معد اكل ... تنميل في راسي .... دمعتي على خدي .... الغيره ماكلتني ... مشكلتي احبه بجنوووون تعبت ادور رضاه وهو تعب من كثر مااعطيه حنان وادلع فيه واهتم فيه نسيت ملامح شخصيتي نسيت من انا ... حاولت اتجاهله واعيش حياتي عجزت ماقدرت صرت ادعي ربي ينزع حبه من قلبي وقتها راح اقوم بواجبه بدون ماانط له كل فتره واقوله تحبني .... على فكره حياتنا مثاليه نسبيه محد مقصر عن الثاني كل واحد فينا اخلاقه احلى من الثاني مزحنا دايم كننا بزران مو كبار ... انا مهتمه بديني لاكن زوجي حتى الصلاة نادرا يصلي واذا قلت له صليت يكذب يققول ايه .... دايم اقول اللي مايراعي ربي ربي يبتليه واحس ربي يعاقبني لاني ساكته عليه مايصلي بس حاولت تعبت ..... ماادري انا طبيعيه ولا اروح لطبيب نفسي ولا زوجي اللي مو طبيعي ..... تعبت ..... اسفه ع الاطاله والحكي الملخبط بس تعبت وانا كاتمه .... |
اقتباس:
وبعدين ما يمنع انه هو يرقي نفسه .. هو اللي قاعد يتهيأ له مش انتي خليك ثقتك بنفسك قوية .. انتي عملتي اللي عليك اللي اهم تسوينه الان انك تشجعيه على الصلاة بجميع الطرق الممكنة .. بأذن الله رح تنفرج عليك |
انا احاول اشجعه قلت له الصلاة قال لي لاتضغطي علي وانا صابره ومحتسبه وادعي له في كل صلاة
|
اختي دايما شغلي سورة البقرة بالبيت
الله يهديه ويصلحه لي مافكرتي تدخلي احد من اهله بالموضوع يارب يهديه ويصبرك |
ياعمري عليك من جد انتي روعه لكن يااختي مابي اوقعك بالاوهام اخاف انك محسوده او مسحوره ترى للحالتين علامات في اليقظه وبالمنام وان كان عنك انتي طبيعيه ميه ميه ولاانتي مقصره ماشاء الله عليك عيشي حياتك وانبسطي وظلي على اهتمامك بنفسك وقومي بشؤونه مع بعض التغلي والرسميه خليه يحس بقيمتك ومكانتك بالبيت ويالغاليه اصبري عشان عيالك والله الضنا غالي وان كان عن صلاته اشير عليك استشيري احد المشايخ عن وضعكم مع بعض لان الصلاه اساس كل شئ
واما العلامات اللي تخص السحر او الحسد سوي بحث بقوقل راح تلاقينها على طول بلاوي الله يبعد عنا وعنكم هالمصايب وبالله التوفيق |
أختي العزيزةتوت أنا أتوقع والعلم عند الله أن فيكم حسد أو سحر لكن في أشياء أنتي قلتيها تزيد همك هم حبيبتي أوثقي بنفسك وحبيها وتجملي لزوجك وحافظي على الوزن الي يريد زوجك أنه يراك فيه بألتحاقك بنوادي نسائية تشجعك وتشغلك عنه وبادري أنتي بالكلام الحلو ولاتنتظرين الرد لأن زوجك من النوع الصامت الي يفرح بداخله ولايوضح زوجي كذا بعد وانبهك لشغله يمكن زوجك من النوع الخجول لأن زوجي إذاسويت له أي حركه رومانسيه مو لازم على السرير يتحجج بأعذار غريبه ,وكنت اتضايق وحتى وسوسلي الشيطان اني مو عاجبته مع العلم الحمد الله لكن القريب من الله مايخليه لاحظت أني لما اروح لأهلي يدق علي ولايرضى أنام عندهم ولايبيني أزعل الحمد الله ,أشياء حبيبتي تلاحظينها تبين لك حبه لكن مو شرط لاكلام غزل ولا حركات رومانسيه
وروحي أفحصي أسنانك ودكتورة النساء والولاده يمكن معك التهابات تسبب رائحه كريهه في الجسم اتمنى لك السعاده في الدنيا والاخره |
جزيتم خيرا لوقوفكم معي ومساندتي
|
بجد احباط .. حلاتك يا توت .. حاسه انك انسانه حبابه كثير , دليل انك تحطيت رضاه و سعادته فوق راحتك انتي .. لكن بعض الرجال فيهم انانيه .. و ما يفكرون الا في راحتهم ..
حبيبتي الاعضاء كفو و وفوا .. اني ثقي بنفسك و جسمك و جمالك و طيبتك .. و ثقتك بنفسك راح تنعكس , و اهو راح يشوفك احلى لو انتي شايفه روحك احلى .. البسي و اتكشخي , و اضحكي , و فرفشي .. و راح يعرف انه اللي خلاه يحبك مو بس جسمك , بس كشخصك .. |
أختي توت لم تذكري طبيعة تعامل زوجك مع الاخرين خارج المنزل أهله واهلك وأصدقائه هل هذا التعامل معك فقط .. وكيف هم أصدقائه ؟ تعامل زوجك معك قد يكون نتيجة موقف معين مر به .. وقد يكون نتيجة اكتئاب أو ضروف يمر بها.. لذلك لا تيأسي من رحمة الله حاولي دعوته إلى الصلاة وذكريه بأهميتها بلين ولطف لا تضغطي عليه في أمر الصلاة فإن استجاب كان بها وإن لم يستجب فأرى أن تذهبي لأهلك حتى يعدك بالمحافظة على الصلاة .. فترك الصلاة أول سبب من أسباب ضيقة الصدر إذا كان زوجك يريد الزواج فاتركيه يتزوج على الرغم من صعوبة ذلك عليك ولكن تاكدي بأنه إذا تزوج لن يستمر زواجه الثاني كثيرا وهذا حسب المعلومات البسيطة التي ذكرتيها عن شخصية حيث أنه يود الزواج للهروب من الضغوط التي يمر بها وليس تقصيرا منك اهتمي بنفسك أمامه وانشغلي بما يفيدك واتركيه حتى يطلب منك المساعدة وبإذن الله يسهل الله أمركما |
ام وقاص جزيتي خيرا على مشاعرك الاكثر من رائعه .......
المستشار الصغير .... طريقة تعامل زوجي مع الناس غير مقنع لايوجد لديه الا قله من الاصدقاء اذا تعلق بصديق كان له كخادم واذا حصلت مشكله معه تركه للابد لايحسن التصرف مع الناس الا من ذو فتره قصيره عندما اصبح عمله يقتضي على المصالح والعلاقات ... هو يتيم الاب من الصغر ,,,, تعامله مع اهلي من بدايت زواجي شديد التعلق بأبي لطيبة قلبه ومرافق له دائما ...وكثيرا مايسافر معه ... وبالنسبه للصلاة بدايت زواجي كان عندما اذكره يذهب الى المسجد لاكن بعد شهر العسل يقول انه يكره المسجد القريب واذا شديت عليه قال بصلي ف البيت فتره وبعدها بروح للمسجد .... وبعد اخر مشكله صار يقول انا في شي يمنعني من الصلاة ... وانا اعرف تمام المعرفه انه عذر واهي ...لانه عندما نخرج مع اناس كثيرين يصبح امام لهم وكئنه لايترك فرضا ... |
| الساعة الآن 02:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©