|
أبي أعرف أحد جرب مستشفى التخصصي الطبي
السلام عليكم
أنا ودلاتي قريب وأبي أعرف أحد جرب مستشفى التخصصي الطبي بالرياض والله أني محوسة وراح أولاد قيصري وأبقى دكتورة كويسة تولد قيصري مين سبق ولاد عنده يا ليت أحد يفيدني لاني أول مرة أدخل هـذا المستشفى |
انا قد ولدت عندهم من اربع سنوات ونصف تقريبا والحين اتابع عندهم وولادتي قريبه وطبعا زي حالتك اولد قيصري الله يسهل علي وعليك ويقومنا بالسلامه طبعا اللي ولدتني من اربع سنوات د لمياء السباعي لكن للاسف الشديد تركت المستشفى واللحين اراجع عند الدكتوره عزه عبدالسلام ماعليها عملت لي ربط لعنق الرحم لما كنت في الشهر الثالث اموري كويسه الحمد لله وفي بعد عندهم د ناديه الحامضه يقولوا عنها زينه ود منار الجبر عناية المستشفى ونظافته تمام وش بعد ياقلبي بس عندي لك سالفه دامنا في الهوى سوى انا دايم عملياتي تخدير كامل وهالمره ودي اجرب النصفي وش رايك في الموضوع
|
مرحبا*
كيفك أختي صمت الحنان الحمدالله لقيت أحد يفيدني عن المستشفى وأشكرك *بس أنا سمعت بلمنتديات أن الدگتورة عزة تشرف على العملية ما تولدك هـذا شي وأختي كانت تراجع عندهـا هـي كويسة بس لما جت والولادة ولدوهـا المناوبات بس هـي والدة طبيعي وعن طريق التأمين وأبي أ عرف أنتي مثلي تأمين ولا لا وهـي قالتلك تولدك بنفسهـا وأنتي كيف عرفتيهـا كيف العمليه تسويهـا بليزر ? علشان أدعس وأروحلهـا وبعدين كثر مابحثت بلمنتديات *لقيت وحدة أنهـا ولدت تؤم قيصري* عند الدگتورة ليلى ليان بنفس المستشفى* تقول زينة بس أنا خايفة منها لآنهـا أخصائة مو أستشارية ياليت ماطولين عليا لان أحس حالتي النفسية تعبانة مرة وأنا ادور دكتورة زينة وأشكرك أختي |
لا حبيبتي مو صحيح انها تشرف على العمليه بس هي اللي تسوي العمليه بنفسها يمكن الولاده الطبيعيه قصدك لانه فعلا المعروف عن المركز التخصصي انه مو شرط تولدك طبيبتك اي احد موجود في المناوبه يولدك اما القيصري لا لازم طبيبتك وانا ما جيتها عن سمعه انا جيت سألأت المستشفى من عندكم استشاريه قالوا عزه عبدالسلام ود جون شلهوب طبعا الثاني هو رئيس قسم النساء والولاده ويولد قيصري واخترت عزه على الله لانها حرمه والحمدلله الى الان ماشي الحال بس ما جاوبتي وش رايك بالبنج النصفي بالنسبه لسؤالك انا تأمين ايه تأمين سكيكو
|
مرحبا
ما أنصحك فية لأن وحدة من زميلاتي تقول تحمست وطلبت بنج نصفي بس من المنظر الي شافتة دم وحوسة ولادة أغمى عليهـا هـو مايضرك بس وش الي حادك أحس راح تنصدمين من الحوسة الي في بطنك أنا عن نفسي أحب تنويم كامل لأني خوافة ومن الرعبة أقعد أرجع مشكورة على مساعدتك لي الله يسهـل ولادتك وأنا توكلت على الله وحطيت موعد عند الدكتورة عزة يارب يسهـلك ويسهـلي قولي أمين |
امين
|
هلا حبيبتي اليوم كنت مع زوجه اخوي في المستشفى هى تراجع عندر ومنار مسافره واحتمال ما ترجع قالت لها بصراحه كلهم مررة اوكي روحي عند دكتورة ليلى بس انها مسيحيه اذا عادي عندك ممممممممممم ايش كمان ايوة زوجه اخوي ولدت قبل كده كانت تراجع عند رولا الكبير ووقت الولاده ولدتها مناوبه قيصيري والحين كمان قصيري اي سؤال امريني واسالها :) |
السلام عليكم ...
سلفتي ولدت فيه ما تمدحهم من الناحية الطبية .. ودكتورتي في مركز الحبيب لما خيرتني بين أربع مستشفيات اولد فيهم كان هو من بينهم ونصحتني أني ما أختاره لقلة الكفاءة الطبية اللي عندهم وقالت لي روحي دلة احسن لك ... وفعلا ترى دلة من أفضل مستشفيات الرياض الله يهون عليك ويقومك بالسلامة ،،، |
مرحبا
مشكورة على مساعدتك لي أختي*miss |
وأشكرك أختي رسيل الله يجزاكم خير
|
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©