|
خيانة النت
السلام عليكم ورحمة الله وبركاته انا ابا اطرح عليكم مشكلتي انا خاطبني ولد عمي وفي فترت الخطوبه قعدت وياه وحاولت اصارحه ويصارحني هل له علاقات مسبقه فلحيت عليه عشان يخبرني وطلع عنده علاقات ولكني مارضيت يوم علمتي بهالشي وجبت له المصحف وخيرته اما ان تحلف او ان افسخ خطوبتي ولكنه حلف على المصحف انه مايرد لهالسوالف وفجأه عقب شهور كشفته يتكلم مع وحده في المسن وخبرت هلي وقال اني خليته يحلف بالاكراه لو اني اكتفيت بوعد منه كان ماعود لهالسوالف المهم انا انتزعت ثقتي منه والحين خلينا خطوبتنا تقليديه بدون اي وصال ماعرف شو اسوي هل افسخ ولا هل ممكن انه يتوب ولا شو السالفه للعلم اني عنيده وهو عنيد ومزاجي ماعرف انا طبعي عنيده ماعرفت اتفق وياه في شي كنا دوم نسوي ضرابه في التلفون يعني صح انا نتفق عقب ونطيح السالفه بس لو ماصار بينا خلاف مانرتاح لا انا ولا هو مادري شو الحل اباكم تنصحوني هل هالخطيب الفايده معدومه منه على العلم انه يحبني موت والحب صراحه انا ماعرفت هل انا حبه او ماحبه احبه واتذكر السالفه واتذمر على اني احبه وهو يحبني لاني يوم قعدت وياه شفت الحب في عيونه بس مستغرب لو يحبني مابيسوي هالسوالف بليز ارجو النصيحه هل افسخ ولا اعطيه فرصه ثانيه عقب ماحلف لي على القراءن ودمتو بخير |
اختي كم عمرك وكم عمر خطيبك
وكم عمرك وكم صارلكم مخطوبين اتوقع لسا صغار وبعدين ارتبطو بطريقة تقليدية ولا كان في بينكم حب؟؟ ان شاء الله الكل يساعدك |
عمري 20 وعمر خطيبي ومافي حب رتبطنا تقليدي 27
|
وصار لنا مخطوبين حول ال8 شهور للعلم ان هلي ماطاعو يخلوه يملج لين اخلص دراستي عقب سنه وانا ابا اعرس عقب الدراسه ابا انهي دراستي لأني اخاف احمل وتعثر في الدراسه
|
اعطيه فرصه ثانيه والمفروض ما تحلفينه لان قبل الخطوبه وصعب تحصلين انسان قبل الزواج ماله علاقات
واذا انك تقولين ان تشوفين الحب بعيونه اكيد بيوفي لج وما بيعيدها |
اظن مو لازم تعملي معه كدا لها الدرجة حتي لا يزعل منك
فقط بالتي هي احسن |
[السلام عليكم اختي اذا من الحين شك وحلف على المصحف وتدخيل اهل وانا عنيده وهو عنيد اش بقيتو لغد العلاقه من بدايتها هوشه احلله يهديكم الحياه الزوجيه يجب ان تكون اجمل من كذا 8شهور وهذي حالكم اعقلو وعيشوها صح الله يسعدكم ويهنيكم سوى
|
المكان الانسب ..
الاشراف ؛ |
توقعتكم بالنسبه لكلامك عن تصرفاتكم صغار يعني مراهقين
بس ماشاء الله ناضجين المفروض اختي مايصير تقولي انا عنيدة وهو عنيد وتدخلي اهلك بالموضوع شوفي يااختي مافي رجل بالدنيا قبل مايرتبط ماكان يعرف بنات وهالخرابيط الا من رحم ربي عشان لانظلم المفروض الموضوع بينك وبينك تجلسي تعاتبيه وتعرفي الاسباب وبعدين اذا اسلوبك معاه انو حلفتيه وبعدين زعلتي طبيعي تكون رده فعله هكذا يعني يااختي انتو كنتو جالسين تتكلمو بصراحة يعني لو بلحظتها عرفتي انو كان له علاقات سابقة وانتهت اهم شي انتهت المفروض تقولي انا اوثق فيك وانا مالي دخل بالماضي وان شاء الله نبدا صفحة جديده مو بس يتكلم بصراحة تزعلي لازم تخلي هالنقطة لصالحك عشان تكسبي ثقتو ولو بالمستقبل صار معاه أي شي يقولك على طول مو يخبي ويقول الحين لو قلتلها رح تسوي مشكله وتدخل اهلها بالموضوع اختي كلميه وافهمي منو لي سوا هالشي وصارحيه والله يوفقك ويسعدك |
أعرف شعورك .. ليش هالخيانه .. تعرفين إخواني يشرحون لي نقطه مهمه جدا .. بحطها بغرض الاستفاده بالنسبه للشباب .. من ناحيه الصلاه .. كل الصلوات في المسجد مع الجماعه ممتاز مع مرتبه الشرف 2- 3 صلوات بالمسجد بالجماعه + 2 بالبيت و يمكن تأخير .. جيد جدا 1 بالمسجد مع الجماعه .. جيد من الجمعه للجمعه .. الله يعين عليهم و غير ذلك راسب .. * يمكن يحبك بس عادي يخونك ( و تختلف درجه الخيانه حسب الوازع الديني ) ... يمكن يحبك بس عادي ما يحترمك .. يمكن يحبك بس عادي عنده علاقات .. * الأهم هل سيستمر ..؟؟ أم لا ؟؟ * الحب ليس مقدار للسعاده الحقيقيه .. شوفي الأمثله السابقه .. الأهم الاحترام .. * * مع الاحترام يولد الحب ..* حب بدون احترام لا قيمه له .. كالعيش ع قانون الغاب .. و الغابه ما فيها قانون إلا القوي ياكل الضعيف .. * ليس هنالك شاب نظيف 100% .. نادر .. إلا أنه موجوديين ؟؟ و للتأكيد .. عندي اخوان ماشاء الله الله يحفظهم نفس هالشئ .. أتمنى أن أحصل زوج نفس أخلاقهم و نظافتهم و نظافه ماضيهم و حاضرهم .. ) شوفي يمكن يصلي بامتياز .. و لكن ما تكون معاملته حسنه .. الحين .. اختلافات صعبه جدا جدا .. أعرف أن صعب أتقبل إنسان بماضي .. لأنه أنا ما عندي ماضي .. ليش هو عنده ماضي ؟؟ ماشئ عدل .. إلا بحاله اراد أن يتوب .. و فعلا يتوب .. و لازم تجربته من غير ما يعرف .. لازم الاختبار من فترة لأخرى .. قبل الارتباط عندج مده سنه اختبريه .. بس غيري أسلوبج .. أحيانا العمل المختلط .. مثلا للرجل قد يفسده .. زميلات العمل .. و في نوع يخونك بس يحبك .. هالنوع يمكن يكون خطيبك .. الحل : حسب كل شخص .. هالأشكال لازم معاهم الشده و الصرامه بموقفك .. سأليه بصريح العبارة .. ترضى أن يكون عندي فرند لانك عندك فرندس .. خبريه كل اللي يسويه ببنات الناس هذا دين يمكن الله يبليه بأقرب الناس .. خواته .. بناته .. الدنيا دين .. لا يجمع ديون .. أكيد بترجع ليوم من الأيام له .. كما تدين تدان .. و حاولي إذا تبغينه .. قومي الجانب الإيماني فيه .. صدقيني إلا يعرف ربه و بصدق مستحيل يخونه .. وفهميه هاي اللي كلمته تكلم ملايين غيره .. يعني كلامها فاضي .. و ماله معنى لأنها تلعب عليه .. و هالشئ اللي يسويه ماله معنى .. كلميه بمنتهى الصراحه و الشفافيه .. و رتبي كلام عشان تقنعيه بترك هالشئ .. و خليه يروح العمرة عسى الله يهديه و يبدي حياه إيديده .. و إذا شفتيه استجاب و سار العمرة معناته هو يعزج بس يبالج تأدبينه و تربينه عدل .. و فهميه أنه يحمد ربه لو ارتبط فيج .. ما كل البنات مثلج .. و إذا هو ما بيتغير .. أنتي ما مستعده تترتبطين فيه .. لأنه الله بيرزقك واحد مثلج .. و خبريه أنه صعب يحصل مثلج بس أنتي اكيد بتحصلين أحسن منه .. و ياخذ وحده من ربيعاته اللي في المسن و إذا يحب ممكن إنتي تختارين له وحده منهن .. صدقيني في شباب مخهم فاضي بس يبالهم شويه محاضرات .. مثال : أعرف حالات من الواقع .,,, وحده أدبت زوجها كانت صارمه معاه .. عرفت نقاط ضعفه و من خلال ذلك أدبته و أدبت صديقته .. و قطعت علاقتهم و بهدلتهم و توعدت بفضحهم أمام الناس .. و أظن صديقته متزوجه و يمكن عندها طفل أو طفله .. المهم تأدب و انتهت هالعلاقه .. صلي استخارة .. تعرفين أنا حاطه موضوع بالقسم عن واحد يبى يخطبني .. تعرفين اخلاقه ممتازة بس عنده زميلات عمل .. و كلم بنات بغرض التسليه .. بس ما حب .. أول ما كلمني أخوي .. كنت أقول طبعا لا .. تعرفين رد علي .. ماشئ إنسان نظيف إلا نادر ..مثل ما تبحثين عن خاتم ألماس فريد بين خواتم الفضه .. و مختصر المحاضرة كتبتها في البدايه .. غيرت أفكاري مع اني إذا أخذته لازم يتأدب .. و يحترم نفسه و يمكن لهاشئ .. بترك كل شئ للاستخارة .. + كل شئ بتحمله إلا الخيانه .. و بما أنه اعترف يعني عنده نيه يتحسن و يتأدب .. باختصااار ........ يعني صلي استخارة يا الكتبيه .. و لا تفكرين أبدا بعواطفك .. أبدا فكري بشكل منطقي أكثر .. في معلومه حابه اضيفها ترى مشاعرج ما بدأت بعد .. المشاعر الحقيقه تأتي بعد الزواج .. الله يوفقج و ووفقني ... دعواتج .. طولت عليج |
| الساعة الآن 09:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©