خلافي مع زوجي بسبب أهله
 

السلام عليكم ...
حبيباتي انا مشكلتي اني على خلاف مع اهل زوجي من 6 سنوات (بنات أخواته 5 متزوجات ) الي حطيتهم بعيوني وبعد كذا طلعوا فيني كلام كذب ومشاكل كله غيره من علاقتي بزوجي وبعدها زوجي مو زوجي الاولي ...بس الحين قاطعتهم لاروحه و لا جيه لهم بس اكلم امو وابوه ووجبهم ..
زوجي مايقولي شئ نهائي عنهم حتى السوالف صار مايتكلم معي مدري وش فيه الله يرده لي ويهديه ...
أهم شئ انه ذاك اليوم اخد عيالي لاهلو وانا احسبهم كالعاده ياخذهم لبيت اهله يوم جوا عيالي قالوا رحنا الشاليه مع اهلهم كلهم ..الى هنا مافي اشكاليه بس قالوا لي بابا سبح مع عماتي و بناتهم و عماني وبناتهم في المسبح وانا ما استبعد عنهم ذا الشئ لانهم اول كانوا دايم يسبحو بروحهم قدامي اذا طلعنا طلعة الخميس و قالوا لي قدام باباهم هو بين عليه تضايق بس ماعلق و لا قال شئ ..انا مره تضايقت بس ماقلتله شئ لان زوجي ماياخد و يعطي معي وهو اذاطلعت معه لمشوار غطي نقابك ومسوي نفسه ثقيل و عاقل واني ماحب هالحركات ومع خواته العكس يخاف منهن والله ... وش رايكم في سباحته معهن مو شئ يقهر ؟؟
افاتحه بالموضوع او اطنش ؟؟؟...

هذولا محارمه الله يهديك بس أنا عارفه أن الغيره جالسه تلعب فيك والشيطان جالس يوسوس لك ، وهذي تراها غيره مذموووومه , فلذلك انتبهي من الشيطان لا يبدأ يدمرك الله يهديك لأن كل عاقل وعاقله راح يقولوا لك مالك حق عليه أبداً

الله يجزاكم خير حبيباتي والله انا مرا اقول محارموا ومره اقول مايصلح يتكشف على عوراتهن لانكم تعرفوا ملابس السباحه ...
بس والله مادري اذا يحق لي اضايق او لا حبيباتي من حاجه زي كدا...

ما فيه اي مشكله بالموضوع

وحتى اخبارهم مو لازم يقولك زوجك عليها

افضل لك ولزوجك يمكن ما يحب يضايقك

تجاهلي صغائر الامور وعيشي لنفسك وبيتك وزوجك

وابدا لا تسألي اطفالك اش كانوا يعملوا ببيت اهل زوجك

الله يوفقك ويسعدك ويسخر لك زوجك امين

نورين ..بنت مكه ...بسبوسه فديتكم والله ..
انا قاعده اتعوذمن الشيطان والله مابغى ازيد الطينا بله ...
ولا بغى مشاكل ابغى اعيش بسلام عشان كدا والله قاعده اضغط على نفسي اني ما حاول ازيد الفجوه بيني وبينوا لانه صاير يعصب على اتفه الاشياء .. الله يفرجها من عندو ا ويطمن قلوبكم زي ماطمنتوا قلبي..

كنت انثى..
أمين ياعمري ..الله يسعد قلبك..
انا والله ماضايقني علاقتوا فيهم لانهم مهما كان اهلوا واي اسويه فيهم بكرا راح اشوفه بضنايا ..
والله ماأسال اولادي عنهم ابدا تعرفي الاطفال هم الي يتكلموا أما هو انا الي قالتلوا لاتجيب طاري بنات اخواتك عندي ..
ولاهمني انوا مايقول شئ عنهم بالعكس هذا الشئ مريحني كثير بس الي مزعلني هو مايسولف عن نفسه زي اول او علاقل سوالف عاديه ..يعني عالصامت دايم مادري ايش عندوا..

بالعكس حنا ما سوينا شي وان شاء الله انك اخت وعزيزه على الكل ، لكن نصيحتي لك الفجوه اللي تقولينها بينكم حاولي انك تضيقي فيها وتشوفي لك حلوول حتى لو عن طريق هذا المنتدى ، لان زوجك أكيد في باله امور كثيره لكنه يحبك ومو قادر يحلها معك لان هالمشاكل ترتبط بأهله , والدليل أنه يزعل من أتفه الأسباب وهذا أكبر دليل على أنه يعاني من ضغوطات نفسيه وترى مشاكل الزوج إذا كانت الأطراف غاليه عليه يكون صعب عليه حلها وتتعب نفسيته كثير ، فلذلك طولي بالك لأنه واضح أن زوجك رجل شهم وواضح عليه أنه يحبك ويقدرك لكنه مجروح



عموماً اتمنى لك كل خير والله ييسر امرك

ياعمري يا بسبوسه الله يوفقك ويسهل دربك دنيا وأخره