|
ابغي شوركم : هل اسال عن البنت في الجامعة من غير ما تعرف؟؟
السلام عليكم اخواني واخواتي اعضاء وعضوات المنتدى في البداية انا واحد من مجموعة كبيرة الي تتابع المنتدى بصفة مستمرة، وطرح المواضيع واسلوب نقاشها وحلها شجعني اليوم اطرح موضوعي هذا للمشورة واخذ الراي. موضوعي بعد التفكير والحساب والعد والجمع ، نويت اتقدم لخطبة (بنت اخت زوجة الوالد ) والبنت بشكل عام يمدحوا اهلها واخلاقهم وطيبتهم وايضا نعرفهم بحكم انهم من نفس القرية والقبيلة وايضا لتواصلنا بيهم بين فترة وفترة ، وكذلك أختي تمدحها من خلال تواصلها السطحي معها، طبعا البنت تدرس في الجامعة ولها اخت كبيرة كانت ايضا في الجامعة وهنا نقطة اريد اركز عليها شوي نحن كمجتمع محافظ جدا والعلاقات الاجتماعية خارج نطاق العايلة مرفوضة والي حصل انه اخت البنت تعرفت على شخص من خلال الجامعة (جامعة مختلطة) وتقدم لخطبتها وبعد الرفض من اهل البنت (لانه اول مرة حد يقدم ع مثل هالخطوة) واصرار البنت على الزواج تمت الموافقة وتم الزواج ، وبصراحة الموقف الي صار كان فرصة للقاصي والداني يتكلم في الموضوع. يقولوا كيف تعرفت عليه؟ وهل كان بينهم علاقة من نوع اخر؟ وغيره من هالكلام. عموما بعد هل الكلام كلة .. اريد مشورتكم هل اسال عن البنت بدون لا تعرف من خلال الجامعة (خاصة مع انتشار العلاقات قبل الزواج بين فئات طلاب وطالبات الجامعة) اذا كان لها علاقات والا اكتفي بالاستخارة والكلام الي ينقال عن البنت من خلال اهلها وقرايبنا ؟؟ |
إسأل عنها بالجامعه لتريح بالك .
|
اكيد لازم تسال .. و لو علمت بسؤالك فلا يحق لها ان تغضب لان هذا حقك ..
و هذا رايي رغم انني لم افهم باقي الموضوع جيدا .. |
اقتباس:
شكرا لك اخي السؤال باختصار هل اسأل عنها بنفسي واتاكد اذا عندها علاقات لا سمح الله والا خلاص اصلي استخارة واخذ بكلام الاهل عنها وما علي من الماضي مالها مهما كان ؟؟؟ |
اسال وابحث عن صديقاتها ومن صديقاتها راح تعرف
اذا كان صديقاتها ومحترمات فاعرف انها بخير ان شاء الله والاستخاره جدا مهمه ولاتحكم عليها من تصرف اختها |
حتى لو ما كانت أختها كذا
فالسؤال عنها في الجامعة مهم و ضروري |
كل وحده في جامعة مختلطة فيه احتمالية إن تكون مو زينه !
احنا جامعاتنا مختلطة ونكلم شباب وشباب يكلمونا في حدود إطار الجامعة وبخصوص الدراسة وناس اعجبوا فينا وتقدموا لنا .. وماصار نصيب وبنات وايد اعرفهم اتزوجوا شباب معاهم بالجامعة بدون علاقة وين المشكلة ! |
اقتباس:
طبعا لا انا بنفسي كنت ف نفس الجامعة (طبعا الجامعة ف منطقة خارجية) وكان فية زميلات و زملاء وفية تواصل بحدود الدراسة بس السؤال للمشورة مش للتشكيك بعدين حتى اذا كان لها علاقات خارج اطار الدراسة لا سمح الله هل يحق لي اسال عن ماضيها واقرر بعدها والا اغض النظر عن الماضي؟ |
في حالة البنت تابت وصار الشي من الماضي انت تقدر تتعايش معاها مستقبلآ ؟ ولا بتظل تشك فيها وفي تصرفاتها !
|
اقتباس:
بس انا افضل اني ما اعرف عن ماضيها دام تابت |
| الساعة الآن 07:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©