|
لا اريد ان اتزوج
سلام عليكم
اكيد شفتو العنوان .. وهذه الي صاير انا مابي اتزوج.. رافضه فكرة الزواج انا الحين دشيت ال 22 يوم كنت بالمدرسه كل مايجي عريس استانس افرح لكن بحكم اني صغيره ومدرسه اهلي ما يوافقون .. بس يوم تخرجت ودشيت الجامعه من يجي خاطب اضايق ونسوي مقابله عشان ارضي اهلي بس بالنهايه ارفض احس نفسي ماحبيت الرجال الي خاطبني حتى لو مافيه عيب ومن يجيبون طاري العرس اضايق مابي والله مابي!! احس نفسي ابي اشوف حياتي ابي اكمل الجامعه مابي زواج!! دشيت مقابلات وايييييييييييد وايد بس مايجي شخص الي ابيه واحبه احس نفسي ماحبيتهم يعني ماحبيته من اول نظره شلون اتزوج واحد ماحبه شلون؟؟؟ انا مابي اتزوج وبنفس الوقت ودي يكون لي زوج يكون حبيب وياهل صغير بس افكر اقول لا مابي واتهرب والحين وحده متصله على امي تبيني حق ولدها وحق يشوفني نفسيتي تعبانه ومو عارفه شسوي ماااااابي اتزوج شسوي؟؟؟؟؟؟ |
عزيزتي..
إن كنتِ غير مستعدة للزواج فلا تتزوجي. ولكن.... إن كنتِ تعتقدين أن الحب من أول نظرة هو بداية ضرورية للموافقة فأنت مخطئة. المهم في البداية هو القبول وليس الحب .. ومتى ما توافر القبول فهناك بعد ذلك فترة الخطوبة وعقد القران وخلالهما تستطيعين اختبار مشاعركِ. أما الحب من أول نظرة فهذه أمنية المراهقات ;) |
انتي يجب عليك وضع النقاط على الحروف
لماذا لاتريدين الزواج ؟؟ (((عشان الحب والله اشوف عالم تزوجو بدون حب وحبو زوجاتهم وازواجهم بعد الزواج لاتفكري بالحب وغيره فيه اشياء اهم من الحب قبل الزواج))) طبعا اعرف رجل كان يرفض الزواج جدا ونفسيته تتعكر وينحف اذا خطب ونصحه احد الشباب يروح لشيخ يرقي عليه وصار فيه عين وحسد |
اقتباس:
ماعرف شقولك مو مسالت حب من اول نظره ماعرف شصيدني اضايق .. مع انه يوم كنت بالمدرسه من يقولون جاك خاط اناططط واستانس بس اهلي يقولون توك صغيره ولبعد المدرسه بس يوم دشيت الجامعه وشفت حياتي واستقلاليتي احس مابي اتزوج .. من يجيبون طاري الزواج مابي كان ادور اتفه الاسباب عشان ارفض مثلا اقول انه نحيف او مايتكلم او شكله ماعجبني بس خايفه اعنس بس شسوي مابي اتزوج ابي لي شخص جه وخطبني على طول يدش مزاجي عشان اتقبل فكره الزواج ويعطيك العافيه |
اقتباس:
مو مسالت حب.. ابيه يعجبني او اعجب فيه من اول نظره وينسيني فكره اني مابي اتزوج والنقطه الثانيه من قبل لا يون بس يقولون خاطب اعتفس واقعد اقرا ستعشر الف دعاء عشان انه يهونون وانه يرفضني ومن يدق تلفون البيت قلبي يطيح في بطني اقول يارب مو هم مع انه رفيجاتي كلهم تزوجو ونخطبوو بس انا الي ارفض مع انه مافيهم شي زود عني بس مابي اتزوج |
يا غاليه استغفري كثيرا وان شاء الله ربي يجعلك مخرجااا
|
اقتباس:
ان شاء الله تسلمين خيتووووو |
وعليكم السلام ورحمة الله وبركاته
أختي هناك حاله مشابهة لحالتك لفتاة عمرها 17 عام تزوجت وطلقت لسبب الانف الذكر بعد الفحص عن معرفة السبب ظهر إن عندها مرض نفسي تعالجت عند شيخ علاج سلوكي وبعد أن تعالجت هي الان عندها تقبل لاي شخص للزواج هذا مرض نفسي إبحثي عن دكتور أو شيخ خبير ، عندك معتقدات خاطئة عن الزواج أثر على حواسك وتتصوري أن المسألة متعلقة بدخول مزاجي أو انه ليس نحيف أو شكله والى ما هنالك من هذه التعقيدات إبحثي عن الاسباب قد تكون من كثرة مشاهدتك للمسلسلات التافهة أو الانهماك في عالم الخيال الواسع مما يبعدك عن الحقيقة والواقع ، أو إكتسابك لمفاهيم خاطئة عن مواصفات الزوج المناسب فما أكثر بنات هذا الجيل اللاتي خدعن بالمظاهر والشكليات وتعلقن بصفات وهمية . هذه المتاهات والامراض والضياع التي نصاحب بها كلها لاننا إبتعدنا عن إرشادات نبي هذه الامة عليه أفضل الصلاة وأزكى التسليم ألم يرشدنا لاسس السعادة ونحن نتجاهلها ؟ ألم يقل لنا ( اذا جائكم من ترضون دينه وخلقه ) المعياران الاساسيان هما الدين والخلق في رفضهم تكون فتنه وما هي الفتنه ؟ هنا السؤال الذي يحتاج الاجابة عليها ما هي الفتنة والفساد الكبير ؟؟؟ عليك بالدعاء والاستغفار وغض البصر |
اقتباس:
ممكن يجوز متاثره بالمسلسلات بس انا احس الي يتزوجون ك ذا وخطبه عاديه حياتهم صكه خايفه اخذ واحد ويصك عليي صكه ويكتم حريتي احس انا مابي اتقيد وشلوووون اوافق على شخص ماحبه بس يجي يش وفني خلاص نتزوج مو متقبله وثاني شي تعبت من هالمقابلات وايد دشيت مقابلات نفسيتي تعبت احس خلاص مابي مقابلات مابي زواج ابي اعيش كذا يمكن بعد ماتخرج افكر بس اهلي مو مقتنعين احس سالفت الزواج ملوعه كبدي مادري ليششششش من يكلموني عن الخاطب اصرخ عليهم وتنرفززززز صعبه اروح لدكتور انا مو مجنونه :15: |
اختي انتي حاطه ببالك مثل الافلام
رح يجيكي الرجل الي تحبيه من اول نظرة اختي اذا انتي من الاساس حاطه ببالك انك ماتبي تتزوجي ولاتقابلي احد وجالسه تقابلي الناس بس عشان اهلك شلون رح يقدر واحد غريب ومن اول مرة يغيرلك هالتفكير فعلا اختي احيانا لما نشوف احد نرتاح له بس مانكون حاطين ببالنا من قبل مانشوفه انو مانبي نتزوج ومانبي نرتاح لاحد اختي اعطي نفسك فرصه عشان لاتندمي مستقبلا لا سمح الله حطي ببالك مواصفات معينه وان شاء الله ربي رح يرزقك بولد الحلال بس لا تطلبي شي مستحيل وتقولي ماابي اتزوج بس ابي واحد يغيرلي هالفكرة من اول نظرة اطلبي المعقول الله يسعدك ويوفقك غاليتي |
| الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©