أسكن مع أهل زوجي ولم أرتح فيه
 

السلام عليكم

حبيت انكم تساعدوني لاني في هم مايعلم فيه الا الله وانا عضوه جديده اتمنى انكم تتقبلووني
بقولكم مشكلتي من البدايه

انا مشكلتي مع زوجي وصارلي متزوجه 3سنوات اول ماتزوجنا كنت في بيت لحالي لان وظيفته بعيده عن مسكن اهله وعموما اول مااخطبتني امه قالت بيتها لحاله وعلى هالاساس وافق ابوي على الزواج
سكنت في بيتي سنتين ولدت بنتي وبعدها حدثت مشكله في دوامه وفصل من الوظيفه وجينا عند اهله سكنا في غرفه بس وانا الحين حامل والغرفه ضيقه يادوب امكفيتنا وهو بدون وظيفه الحين صارلنا على هالحال 5 او6 شهور واهله عيله حيل كبيره مو ماخذ راحتي ابد ومن سكنا عندهم مشاكل على فلانه قالت وعلانه سوت وانتو تعرفون هالكلام حتى الاكل وربي مااتهنى فيه انا مليت ودي تشورون علي وش اسوي ازعل عند اهلي واعتقد هذا حق من احقوقي وهو مو معطيني مجال لتفاهم للاني كل ما افتح معه الموضوع يزعل ويطلع برا الغرفه شوروا علي الله يجزاكم خير هو مو حاس فيني شسوي مليت وتعبت نفسيا حتى بنتي صرت اضربها اذا انغثيت منهم اسالكم بالله انكم تنصحووني وتشورون علي كل شخص يحط نفسه مكاني

حبيبتي الله يكون بعونك صدق ماألومك

بس كيف تبغيه يسكن لبيت لحاله وهو ماعنده وظيفه اقصد مصدر رزق ؟؟

من فين بيدفع الأيجار وتكاليف الأثاث وملحقاتها

وأذا عنده


لازم تحاولين تقنعين زوجك بالحسنى

واذا مانفع معاه كلمي أحد حكيم من أهلك أبوك أو أخوانك حتى يتفاهموا معاه

ولاتنسي أهم شي هو الدعاء أستغلي الأيام الفضيله هذي بالدعاء وأن شاء الله ربي مايخيب رجاك

هل هو غير جاد في ايجاد منزل مستقل جديد؟؟

والا جاري البحث بس لي الحين ما حصل؟؟

اذا كانت الاجابة الاولى فنصيحتي لج حثيه على ايجاد عمل ولو جزئي عشان تقدرون تعيشون


اما اذا كانت الاجابة الثانية

فوقوفك معاه يعني له الكثييييييييييييييييييييييييير

اوقفي معاه

وسانديه وشجعيه

اشكر كل من رد علي وجعلها الله في موازين حسناتكم
انا ساكته انتظره يتوظف واطلب بيت لانه حقي بس الي اشوفه انه مو جاد بالبحث عن عمل وهذا الي رافع ظغطي ويصرف علينا من اخوانه يساعدونه ودي اضغط عليه عشان يتوظف وربي مو قادره اتحمل اكثر من كذا تعرفون كنت في بيت لحالي والحين بغرفه بس وتغيرت علي اشياء كثيره واولهم زوجي كل ماقوله شي لا كل شي صاااار ممنوع يعني لمتى انا ماسكنت عند اهله الا عشان ارضيه وقلت زوجي لازم اوقف معه في هالظروف بس هو ماكل وشارب وطالع وسهر لا موبالي صاير واللهم نفسي مايفكر فينا ابدا تكفون ردووو ابي حل اسكت لين يتوظف واطلب بيت ولا اضغط عليه عشان يتوظف تعب وربي تعبت طولت عليكم ادري بس مالي غيركم والي عنده اسلوب او طريقه اخذ الي ابيه بدون لا يزعل ولا انا ازعل لايبخل علي حتى ابوي واهلي كذبت عليهم وقلت انه موظف لان لو يدري ابوي كان مسكني عنده لين يتوظف بس انا مابي اخسره او حتى اغثه تكفون ردوووو لاتطنشوني

الصراحة ما اقدر افديج

كل اللي اقدر اقوله

ادعي ربج ان يبصرج للطريق السديد

ويسدد خطواتج

وييسر امرج

وياربي ما يمر شهر الا وانتي ساكنة في بيت لخالج معززة مكرمة

والله يااختي مالك الاالدعاء في هذي الايام الفضيله وانشالله يتوظف زوجك بس انتي لازم توقفي موقف جاد مع زوجك وتكلميه وتفهميه انه لازم يدور وظيفه لان الاهل مايدوموا للانسان وانو لازم يفكر في المستقبل والله يهديه ويرزقه يارب

اصبري