والدتي تصر على تزويجي .. وأنا محتار
 

اخواني واخواتي
في منتدى الأسرة والمجتمع

اخوكم في حيرة من أمره
وأرجو منكم تقديم النصح والمشورة لي

تخرجت حديثا من كلية عسكرية
برتبة ملازم وتعينت في الرياض

عمري الآن تقريبا 23

والدتي حفظها الله ورعاها مصرة بشدة على تزويجي
وكل يوم تذكر لي بنت فلان وبنت فلان
وهاذي حلوة وهاذي متعلمة وهاذي وهاذي

وانا بصراحة انسان هادي وبار بوالدتي والله الحمد
فأحاول معها بهدوء انها تعطيني فرصة أفكر في الموضوع
لكنها تتضايق وتزعل مني

حاولت ان أشرك اخي الأكبر في الموضوع
وهو رجل فاضل وملتزم
فكن رأيه من رأي والدتي
وأن علي الزواج مادمت قد توظفت واستقرت اموري

لذلك انا أعيش في حيرة وتشتت ذهن
لست مستعد نفسيا للزواج

فبعد ثلاث سنوات دراسة داخلية
احتاج لوقت لألتقط انفاسي وارتب اموري


كذلك اريد أخذ راحتي مع زملائي والأستمتاع بأوقاتي فيما أباح الله قبل الأرتباط بمسئوليات الزواج

وأيضا انا في بداية خدمتي العسكرية
سيتم ترشيحي لدورات في اماكن متفرقة

فأريد انهاء هذه الدورات قبل ارتباطي بمسئولية بيت وزوجة

ارجوكم ارشدوني
هل عمري يعتبر مناسبا للزواج في الوقت الحالي ؟
وماهو الحد الأعلى للعمر الذي يعتبر فيه الواحد متأخر عن الزواج ؟

واذا كان منكم من يوافقني على تأجيل الزواج
فما هي المدة المناسبة للتأجيل
وكيف اقنع والدتي بذلك

وفقكم الله وتقبل منكم الصيام والقيام

اخوكم خالد

الله يوفقك ويرزقك بر أمك ..


أنا مع شور أمك وأخوك .. الزمن هذا زمن الفتن والمفروض الواحد يحمي نفسه من بدري ..

بس شوف يا أخوي بأعطيك الموضوع باختصار شديد .. من وجهة نظري ..

إذا تقدر تتزوج الآن بدون ديون وبدون قرض .. تزوج .. والله يسعدك ..

وإذا كان لازم تأخذ قرض .. نصيحتي أخر زواجك إلى أن تجمع .. مبلغ الزواج ..

يعني نحسبها ( المهر أقل شيء 35,000 / القصر أقل شيء مع العشاء حول 50,000 إذا كان معازيبك كثير / أثاث البيت أقل شيء 35,000 / وإذا تبيلك موتر جديد .. كم يكلفك .. مبلغ وقدره ) هذا غير الشقة إذا كانت إيجار ..



يعني قرابة الــــ 120,000 ..

فرضا راتبك 9000 .. وفر 5000 لسنتين .. تجيب المبلغ ..

واللي يقلك خذ قرض وتزوج .. قول له تسدد القرض عني .. لأنه والله بلاء .. الله يفكنا منها ..

أنا ما أدري هل في الزواج عندكم .. رفد ,, أو لا ..

وفرضا لو عندكم رفد .. كم يوصل .. ممكن يجيب لك قيمة القصر والعشاء ..

يعني وفر أقل شيء 60,000 بعدين تزوج ..

وترا حدك .. 25 لا تتعداها وأنت ما تزوجت ترا بأجازيك .. << أخوك .. مستلم في البيت خفارة ..ههههههه


الله يسعدك ..

بدري ابصراحه اصبر على الاقل سنه ونص رتب وضعك

واجمع كم الف وتزوج

برايي انسب عمر للزواج في هذا الزمن 28 وطالع

اصحك تتزوج وانت مو مستعد نفسيا

لا تتخذ هذي الخطوه الا وانت راغب وواثق من نفسك

بوس راسهاويدهاوقلها..انك راح تلبي طلبهابس تصبرشوي 3او4سنوات فقط..لان الحين عندك دورات لازم تخلصهاعشان تستقرمره وحده..احسن من انكم تتشتتون انت وزوجتك

فهمها..كلها3سنوات ويصيرخير

اناشايفه السن المناسب للزواج 27_28 اهم شي متعدي مرحلة المراهقه..

ليش ماتخطب الحين عشان امك ترتاح يعني خطبه لمدة3سنوات..مافيهاشي منهاتريح الوالده ومنهاترتب امورك وتستعدنفسياللزواج بماانك خاطب.

ونصيحه لاتتزوج وانت منت مقتنع..الزواج مولعبه لازم تقتنع في البنت وفي فكرة الزواج نفسه

:23:خالد سلام والله وجهة نظري ماتسعجل في الزواج اجل الموضوع بالكثير سنتين حتي تاخذ جميع الدورات ثانيا تقدر ترتب امورك وتشوف طبيعت حياتك العمليه بالنسبه لامك الله يحفظها لك حاول معها اوارسل لها من يعزعليها لكي يقنعها وبالتوفيق