|
متردد بموضوع الزواج..ابي شوركم ضروري..
السلام عليكم و رحمه الله و بركاته
انا طالب بجامعة الامام خريج حاليآ ما عاد باقي الا ايام على التخرج وناوي اطلع اكمل دراستي برى ان شاء الله المشكلة اني متردد بموضوع الزواج امي و ابوي ما تفرق معاهم رحت متزوج او رحت اعزب انا كنت مخطط اني اطلع اشوف الوضع هناك اول اذا يصلح اتزوج و اجيب زوجتي ولا اكمل دراستي بعدين اذا رجعت اتزوج ابي شوركم يالغاليين ..؟ و هذي اول مشاركة لي بهذا المنتدى الرائع و تتوقعون هل البنت الي بخطبها توافق تتزوجني وانا لسى مابي وظيفة بكمل دراسات عليآ ..؟ علمآ بأني للحين ما فكرت في بنت معينه ولا حطيت عيني على احد قسمي محاسبة بكلية الاقتصاد و العلوم الادارية و الحمدلله احفظ من القرآن 10 اجزاء ومحافظ على ديني و ذمتي انتظر شوركم علي يالغاليين تحياتي لكم |
وعليكم السلام ورحمة الله وبركاته مبرووك التخررج الله يوفقك ماشاء الله حلو الطمووح الله يوفقك بالدراسات العليا اذا انت راغب في الزواج شوف الوضع بالمكان الي راح تدرس فيه اذا الاموور تماام تزووج وخذ زوجتك معك افضل وهن البنت فيه بنات كثير ماعندهم مشكله بيوافقون وبعضهم بتكوون فرصه لها ماتتعوض اذا كانت بعد هي حاابه تكمل دراسات عليا دامك دين وملتزم وحاافظ من القران ماشاء الله مواصفاتك ممتازه ان شاء الله تلاقي بنت الحلال الي تسعدك الله يوفقك وييسر اموورك |
طبعاً بتوافق وهي مسكرة عيونها
|
اقتباس:
اروح اشوف الوضع هناك بعدين اقرر يصلح اتزوج و اجيب زوجتي او ما ينفع يعطيك العافية و شكرآ على الرد السريع ننتظر نشوف باقي الارآء |
اقتباس:
شكرآ لك لكن ما قلتي لي رايك عن السؤال الثاني اتزوج قبل اطلع ولا اطلع و اشوف الوضع بعدين اقرر اتزوج ولا انتظر اخلص دراسة ..؟ |
اخي الكريم .. الله يوفقك بدراستك ووبنت الحلال
برايي تسافر .. ترتب امورك و اوضاعك و تشوف موضوع سفرها هل بيكون سهل و موضوع المعيشة و غيره و بعدين تروح و تخطب و تتزوج و تاخذها |
رايي انك تحجز البنت قبل ( حشا تذكرة)
وبعدين تروح تشوف الوضع بعدين يعتمد على المكان اللي بتكمل فيه دراستك يعني اذا داخل السعودية اعتقد ماراح تفرق واذا داخل الخليج الوضع غير واذا بدولة اوربية او امريكا فالوضع غير بس من رايي ان ترتب امورك وتحجز البنت وبعدين ربي ييسرك لك وسلم لي على جامعة الامام |
اقتباس:
لا اطلع قبل وشوف الوضع هناك يمكن تسكن مع عيله وترتاح معهم او تسكن مع عزاب سعوديين وترتاح معهم وطبعاً دراستك بتكون 4 سنوات تقريباً انا اقترح عليك تروح ترتب وضعك وتدرس سنه وبعدها تتزوج وتاخذ زوجتك معك لان الواحد يادوب يتحمل نفسه ويشيل همه لوحده وابصراحه صعبه عليك في البدايه تروح انت وحرمتك وبتجلس تحاتي وتفكر وانته بالجامعه زوجتي وزوجتي عشان كذا انصحك تطلع سنه وتخلص التوفل وتتقدم ولو قليل بالدراسه ولاجيت تتقدم للبنت بيقولوا لها متقدم لك واحد يدرس بالخارج وهيه بطيييييير من الفرحه ومن الوناسه ياسيدي من قدها اللي تتزوج واحد يدرس بالخارج بتجلس تتدلع قدام صحباتها و اهله زوجي وزوجي رحنا ولاية فلوريدا ورحنا ولاية تكساس ولعبنا قطار الموت ورحنا دزني , يارب الله يوفقك ويرزقك اقدع بنت واطيب بنت بس انتبه لازم تتزوج وحده لايقل عمرها عن 22 سنه وبتكون مخلصه جامعه لان الغربه تحتاج امرأه قويه وتساند زوجها وتوقف معه بالحلوه والمره .. |
الله يسهل أمرك
|
أولا ,, مبررووووووووووك التخرج ,,
ثانيا ,, الأفضل انك تطلع تشوف الوضع يناسب او لا وترتب أمورك وبعدين تخطب وفترة وتتزوج وبكذا تكون مشيت كم سنة قبل الزواج ورتبت أمورك بعد :22: والله يوفقك يارب .. |
| الساعة الآن 03:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©