السلام عليكم ... اول شي انا توني جديده على المنتدى وسجلت فيه بما اني مقبله على الزواج بإذن الله ..
فقلت ان شاء الله تفيدوني وافيدكم <<<<اخلصي ولاتكثرين هرج

انا الله يسلمكم مخطوبه لي تقريبا 6 شهور خطبه رسميه وتم الاعلان عنها وكل شي .. الى هنا الامور تمام ..
طبعا خطيبي الله يسلمه توه يدرس جامعه وباقي له ترم ويتخرج هذا كلامه اول الخطبه ..
بعدها بعد مرور 6 شهور للخطبه انصدم ان نزل له ترم ثاني .. قلت يابنت الحلال مشي الامور وان شاء الله كل تأخيره فيها خيره .. بعدها بفتره انصدم انه يقول يمكن تصير سنه :11: انا بصراحه بديت افقد الامل فيه ..
احس كل ماله يماطل فيني .. وهو الحمدالله موظف وبنفس الوقت يدرس بالجامعه .. ولما نقول له نتزوج وانت تدرس وش المشكله يقول لااا ابداا مااتزوج الا بعد التخرج :( يعني مادري وش السبب ان لازم يتخرج . . بما انك موظف وش تبي اكثر :mad:
مع الايام يقولون له سوي ملكه يعني املك عليها واجلس معاها 4 شهور متملكين بعدين لاتخرجت تزوجت نفس المشكله يقووول لالالا ..

انا هنا خلااااص بدت تحووووم كبدي يعني كل شي متوفر له وهو مايبي .. المشكله هو جاي يخطب بقناعته محد غصبه ..
وانا بصراحه مع الوقت بديت أمل منه مررره .. وبديت احبط منه مره مره مره لان ماني شايفه شي يشجعني .. خاصه ان كل العالم يسألون متى زواجك ومتى ومتى ومتى وانا مادري وش ارد ..


فبلييييز اي احد عنده حل لي يقوووولي .. لاني صايره استخير كثير .. واقول في نفسي ابغى افك الخطبه لاني تعبت نفسيا وانا متعلقه ياليت لو اعرف متى بتزوج بالضبط كان صار اهون .. لان انا الحين لامهر جاني ولا شي صايره متعلقه وبس على ان الخطبه كانت رسميه وجو الرجال وكل شي تمام ..

فبليييز وش اسوي ... ؟ هل نجبره يحدد موعد ولا ايش بالضبط

عارفه كثرت عليكم كلام بس تحملوني :d

المشاركة الأصلية كتبت بواسطة عبدالحكيم30 (المشاركة 2450158) الخطبة ليست زواج مادام مافي عقد نكاح الوضع عادي ممكن الرجل غير رايه ومايبغى يصدمك بكلمة يقوللك تراجعت اعتقد ان هذا الرجل ليس لديه نية زواج حتى بعد التخرج يعني شخص متردد وعنده مشاكل شخصية واذا تقدم للك شخص اخر تزوجي

المشاركة الأصلية كتبت بواسطة الورده زينب (المشاركة 2450161) كلمه ب كل صراحة " تبيني يا ولد الناس ولا ماتبيني .. اذا ما تبيني آآنه باريحك وخلنا كل واحد ابطريج أما إذا انت تبيني ، ف انت كل شي متوفر لك ف شنهو اللي يمنعك ماتيني ؟ " وشفي اشيرد عليج الله يوفقج حبيبتي

المشاركة الأصلية كتبت بواسطة فارسـ (المشاركة 2450619) أختي لازم يحدد موعد للزواج وإلا يتركك تشوفي نصيبك لانه الحين معلقك ولا على باله والله يكتب لك الخير