|
ايش الحل مع اهل زوجي؟؟؟
السلام عليكم
انا وقبل طرحتي مشكلتي ..اناصار لي متزوجه سنه ماني مرتاحه ولا انا ماخده راحتي لاني ساكنه مع اهل زوجي قبل وشاورتكم اعرض على زوجي نطلع بيت لحالنا بس الكل ماايدني اطلب منه هدا الطلب بسب ظروفه امه مطلقه واخوه الكبير متزوج وطلع من البيت قبل زواجنا بشهر.. وله 7 خوات 3متزوجين و4 بالبيت معانا اصغر وحده في الثانوي. انا بصراحه مااقصر ابد مع ام زوجي وبناتها بس هم مقصرين كثير ادا مرضت ماتسال عني ابد . رغم اننا بيت واحد يطلعون برا زيارات لخواتهم المتزوجين ولا يقولون لي انا اقول بسلامتهم ... وانا والله مااطلع من البيت الا معطيه ام زوجي خبر.. حتى السوق اقولها.. وادا جيت اجلس معهم في الغرفه سكتو.. واخواته المتزوجات كل يوم عندنا بالبيت وادا جو يجلسون شوي ويتقهون ويلبسون عبايتهم ويطلعون برا البيت لسوق لمنتزه وانا جالسه معاهم مايقولون لي... وغير كدا تجديع الحكي الي اسمعه من ام زوجي آه بس. انا حامل ومعاي نزيف ارتحت بيت اهلي بعدين جيت عند حمولتي طبعا الدكتوره قالت لي لازم ترتاحين المهم انا صرت مااطبخ وبعدين عندهم بالبيت طباخه وزوجي رافض ادخل المطبخ عشان البيبي. وام زوجي مولعة نار وتقول (الوحده تبي تموت ادا سوت عشاء) ولو حده من بناتها كان اقلبت الدنيا والخدامه تطبخ وطبخها حلو وبناتها نفس الشي يقولون لي. تخيلو مر علي يوم كنت تعبانه مااقدر اوقف على فراشي والله محد سال عني وانا بنفس البيت وكان زوجي عندي بالغرفه وكنت اسمع صوت الاطفال يلعبون فقلت اكيد اخواته عندنا عيب مايصير خليني انزل ولمانزلت انا وزوجي كانو حاطين العشاء وجالسين يتعشون الام وبناتها واخوهم الكبير وزوجتة رغم انه نادر مايجي انا استحيت مره وتفشلت كثير وهم عارفين اني تعبانه اخوه الكبير تفجاء لما شافني وقام من العشاء وكان زوجي نازل معاي وجلست انا وزوجي بالغرفه الثانيه وينادونه خواته (فلان تبي عشاء) طبعا رد زوجي وقال ايه وجابت له عشاء تخيلو ولاكانهم شافوني انا قمت من نفسي وتعشيت ورجعت جلست تضايقت منهم كثير انقهرت وتكررت هالحركه كثير اخر مره انا جالسه مع الشغالات بالمطبخ وهي وبناتها وولدها الكبير يتعشون وزوجي طالع برا البيت والمشكله انه لما خلصو عشاء كبو العشاء ولا كأني موجوده. وفوق هدا ادا طبخت لي انا وزوجي لحالنا زعلت ام زوجي تقول ليش تطبخين واحنا طابخين..... وهم مالهم وقت محدد لوجباتتهم احيانا المغرب يتعشون وانا اكون مشغوله بغرفتي بعدين لاحظت انه ادا صرت موموجوده ياكلون وانا حامل واستحييييييي حتى من الخدامه وهدا غير خواته الي يقهروني وحده معاي بالجامعه يعني بسني تخيلو في الجامعة شفتها تقول لوحده من صديقاتها لا لاتسلمين عليها كانت تقصدني وصديقتها تسال ليش طيب؟ولما شافتني صديقتها اضحكت وقالت فلانه تقول لا تسلمين وجهها احمر وسلمت علي اما اخت زوجي صدت ومشت. غير ادا سالتها عن الجامعة تتندل وتكدب علي الاساتده ما يخدون حضور,,,,,,,,الخ والكبيره الي من جد جد تكرهني لما سافرنا يسالني زوجي ايش تبغين واقوله ابغا كدا وينطون امه وخواته في وجه زوجي حنا مانبي كدا واي شي اقوله يدخلون بيني وبينه. لدرجه كنت في الاسواق اجلس لحالي واخته الكبيره تقول ابغى اروح معاك محل ماابغى احد يجي معنا وتروح هي واخوها وانا ادا جو يمشون جاء زوجي وخداني طوال فترة السفر كنت اجلس لحالي..........الخ اشياء كثيره قهرتي حتى المتزوجات قهروني اعرف طولت بالحكي بس من القهر مليت منهم ابي اخد راحتي تعبت قولو لي ايش اسوي انا لمن اشكي على امي حالي امي تسكت اعرفها ماتبغى تحرضني عليهم... ارجوكم ساعدوني علما انه زوجي احتمال كبييييييير يرفض نطلع من البيت. اتمنى اتمنى اطلع بشقه بس قولو لي كيف؟؟؟ |
لازم يوافق على السكن لوحدكم
او هو مغمض عيونو ومغلق اذنيه عن ما يرى ويسمع لما يحصل اما يوقف وقفة اسد مع زوجته ام عيالو او يبحث عن حل يكلم اخواته ويعرفهم انه كرامتك واحترامك من احترامه ثم كيف ياكل من غير ما يعزمك لازم يرفض انو ياكل من غيرك ويرفض اي مشوار من غيرك الكل لازم يعرفك انك زوجته نصفه الثاني حامله حفيدهم المنتظر |
انت و زوجك كم عمركم
زوجك طالب ولا يشتغل ما اتكلمتو بهلموضوع قبل الزواج اتوقع كمان انت صرتي من اهل البيت يعني في بيتكم امك تعزمك علغدا و العشا ولا تاكلو كلكم من صحن واحد انت تستاذني من امك قبل ما تاكلي |
بصراحه كان الله في عونك من كيد النساء
اكيد قلبهم ملئ بالغيره والحسد منك علي حسب ما سردت من وقائع لعل زوجك يحسن معاملتك فأصابتهم غيره المهم الحل: اذا كان هذا هو حالهم معك فلن تخلصي من كيدهم حتي لو سكنت في مسكن اخر وان كان هذا سيخفف من حده المشكله معك حق أسوأ شعور تشعر به زوجة الابن هو هذا التجاهل وعدم السؤال والاهتمام فعوضي ذلك بحب اهلك واهتمامهم وسؤالهم عنك لا تبالغي في مجامله اهل زوجك مادام الجحود هو ردهم ولا تتركي لهم الفرصه للتتدخل في شئونك ابدا واجعلي لك عالمك الخاص من الاهل والاصدقاء وتجاهليهم اذا لم يتيسر السكن الاخر فاطلبي من زوجك ان كان في مقدوروره ان يجلب لك خادمه او طباخه لهذه الفتره المؤقته وانصحك بأن تكون زيارتك لهم في حدود الواجبات فقط حتي لا تتعبي اعصابك بتصرفاتهم وتجاهلهم لك واستضيفي امك عندك فستعوضك عن هذا الجفاء من اهل زوجك الله يهديهم ويرد كيدهم عنك |
الله يكون في عونك
طيب انتي مالك جناح خاص فيك يعني ساكنه معهم بس كم لك غرفة عندك مطبخ تحضيري ولا شوفي اذا متأكده ان زوجك راح يرفض لاتقوليله عن اي شي عشان مايتحسس من كلامك وبعدين يصير الكلام ضدك بس اذا في امل انو يقتنع بكلامك قوليلهم من ناحية انهم يخروج وهم مايقولوك كيفهم هم مو مجبورين يستئذنو منك او حتى يقولولك تعالي من الذوق يقولو بس اذا ماعندهم ذوق كيفهم لاتتضايقي وانتي مو مجبورة تستئذني من ام زوجك معلش على اي اساس تسئذني منها المفروض تستئذني من زوجك بس الباقي مو مجبورة فيهم خلي علاقت فيهم سطحية لاتتعمقي كثير معهم بس احترميهم حتى لو هم كانو ماعندهم ذوق عشان خاطر زوجك احترميهم بس لايتعدون على حدودك اتمنى لك كل التوفيق |
حبيبتي ما فيه حل غيــــــــــــر
السكن المستقل كل ماكنتي بعيدة كنتي حبيبة ولو ظلوا يعاملونك بهاذي المعاملة لا يهمونك وعامليهم برسمية وريحي دماغك.. |
حبيبتي بعض التصرفات اشوفها عادية
مثلا لما يطلعون خواته برا من حقهم يعني اطلعي وين ماتبين ولاتقولين لأحد ولما تطلب اخته تروح معاه لوحدهم لمحل بالسوق يمكن شيء خاص ماتحب احد يطلع عليه وهو اخحوها مثل ماانتي زوجته ولما يقولوا رايهم مو شرط يقصدون يعاكسونك بس يمكن صادفت رايهم غير عن رايك والكل يبدي رايه دامكم مع بعض انتي لاتتحسسين من كل شيء وعيشي نفس نظامهم عيشي حياتك بالطول والعرض عطيهم الواجبات بس يعني هم كافين شرهم وخيرهم عامليهم بالمثل ولو حبيتي تعطينهم من خيرك احتسبيه عند ربك والا هم هذي حدود معاملتهم يعني مثلا لما كنتي تعبانة ليه طلعتي لهم، هي درس بس انا بعطيك مثال بسيط سوي اللي عليك ناحية ربك وبس وبالنسبة للعشاء إذا قدموه اجلسي معهم لاتنتظرين احد يعزمك لأنه على قولة المثل(الدايم شديد) انتي طول الوقت عايشة معهم فمو معقولة يعاملونك كضيفة صح والا لا؟ ولو كنتي مو متعشية معاهم لأي سبب قولي للشغالة والا انتي خذي لك شوي وحطيه بحافظة ومسألة انهم ماسألوا عنك يوم مرضك يمكن ياخذون اخبارك من اخوهم هي صح من الذوق يكلمونك بس لايكبرها الشيطان براسك هي حساسية الحامل تخلي الوحدة تكبر الأخطاء وتشوف أشياء تافهة انها كبيرة بس لو تتذكرين ان هدف الشيطان ان التحريش بين المسلمين وتتعوذين بالله منه ماراح تكبر براسك وتنكدين على نفسك والنونو وزوجك وممكن إذا مو مرتاحة تسوي لك جناح متكامل بما فيه مطبخ صغير وترتاحين وتكون لك خصوصية اكبر وبنفس الوقت زوجك يكون عند امه وخواته اللي اكيد محتاجين وجوده على فكره انا ماابرأهم بس مو للدرجة اللي انتي متخيلتها:11: الله يسعدك ياقمر |
وعليكم السلام ورحمة الله وبركاته
اختي دلع اعتقد ان زوجج ماراح يرضى يطلع من البيت ويخلي امه وخواته بروحهم والله صعبة..! انتبي حاولي تكسبينهم...( المثل يقول اطعم الفم تستحي العين ) وابدي بأمه..حاولي قد ماتقدرين انج تكسبينها بصفج..اشتريلها هدية حلوة...سويلها حلو خاص..اذكري محاسنها وسولفي معاها واجهي مشكلتج بشجاعة ولاتهربين بحلول غير معقولة..واطلبي من الله ان يجنن قلب امه عليج وتحبج مثل بناتها وأكثر والله في اشياء كثيرة حلوة تقدرين تستغلينها..فكري ولاتستسلمين اذا فشلتي وتذكري ان لكل جواد كبوة اتفقي انتي وزوجج انكم تطلعون طلعة جماعية لمنتزة او اي مكان حلو علشان القلوب تتقارب مع بعض الله يسر لج كل عسير ولا يجعل الشيطان له باب بينكم ويارب ما احد يجهز خوات زوجج الا انتِ لكِ خالص ودي وتقديري |
الله يعينك حبيبتي
. |
اقتباس:
زوجي مايبغى المشاكل مع امه وخواته ودايم يحاول يتجاهل تصرفاتهم وكلامهم ماني عارفه كيف اتصرف معاه.؟ |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©