كيف اقنعه بحقي في الانجاب ..
 

انا امرأة تجاوزت الاربعين .. قدر الله علي امكث سنوات عديدة بدون زواج بسبب طلاقي واحتضاني لابنتي الوجيدة .. تطلقت بسن 27 .. والسنه هذي تزوجت من رجل متزوج وعنده اولاد .. ما تقدم لي رجال كفؤ غيره طول هالسنوات.. الي يبي مسيار والي يبيني اتخلى عن بنتي والي كبير مررره بالعمر

المهم انا الحين عمري 41 وزوجي عمره 53 .. ولي رغبه قويه بالانجاب ..لكن زوجي رافض الموضوع بالمررره بحجة ان عمره كبير و مو مستعد يبدا من الصفر مع طفل جديد ..
حاولت اقنعه بحاجتي لطفل لان ما عندي غير بنت واحده .. يقول بركه واحمدي ربك وانت بسن صعب تحملين فيها .. والله من التحطيم.. طبعا هو كل همه ما يبي مسؤوليه جديدة . . يبني زوجه للحب والوناسه فقط.
المشكلة اني اعاني من مشكلة في المبايض و الطبيبه تقول تحتاجين تلقيح مجهري عشان تحملين ..لو اقوله مستحيل يوافق .. الحين هو رافض احمل بشكل طبيعي وشلون عاد لو اقوله تلقيح وما تلقيح ...يارب رحمتك ..سنين وانا اتمنى الزواج ..و يوم حصل طلعت مشكلة الانجاب .. وش رايكم هو على حق ولا انا

يااختي اخواتي ماقصروا كلامهم رائع وواقع من الحياه بس اذا كنتي نفسك بالحمل اكثري من الاستغفار والدعاء في الليل واكثري من الصدقه بنية ان ربي يرزقك والله على كل شي قدير

ليش الإحباط ؟ و ليه من حق زوجها يرتاح ؟

هي كمان من حقها يكون لها ابن

أختي ادعي و حاولي بالحيلةة تضحكي عليه

قوليله نفسي أتخيل كيف بيكون الطفل اللي بيجيني منك وو زي كذا

حسسيه إنك تبغي الطفل علشانه مو علشانك

خلي عنده ( دافع )

كلامك عين العقل

ليس من حقه ان يمنعها من حق الانجاب وهو من مقاصد الزواج خاصة انها مازالت قادرة على الانجاب وليست في سن كبيرة جدا وكذلك زوجها ليس بسن متقدمة جدا كرجل تجاوز السبعين مثلا .

ولماذا تزوج زوجة ثانية في الاساس وهو لايرغب في تحمل تبعات قرارته من زوجة ترغب في ممارسة حقها الشرعي في الانجاب .

اما من قالوا احتمالية التشوه وما شابه ، كل ذلك بأمر الله والمرأة ممكن ان تنجب طفلا مشوها وهي بسن صغيرة ، كذلك الطب في هذا العصر تقدم كثيرا وتستطيع بإذن الله من خلال متابعة طبية مستمرة والالتزام بتعاليم الاطباء اثناء فترة حملها ان تنجب طفلا طبيعيا .

اشكر الجميع على ردودكم وتفاعلكم

بالنسبه لاخواتي الي يقولون خطر على صحتي .. اولا انا الحمدلله ما عندي لا ضغط ولا سكر ولا غيره ولا كان ما فكرت بالموضوع ابد وكذلك زوجي صحته ممتازه و لا عنده اي امراض مزمنه ولا مؤقته

وبالنسبه لعمري تصدقون لي زميلتين تعدوا الــ 45 وثنتينهم انجبوا قبل كم شهر وجابوا اطفال اصحاء ماشاء الله .. فـ ليش التشاؤم..

الي يضحكني و يبكيني بنفس الوقت اذا فتحت الموضوع قام يصرف و يقول تو الناس تونا اصبري شوي

ارد عليه واقول صحيح توني خلني اخلص الجامعه وابلغ سن العشرين عشان اصير قادره على الانجاب و التفرغ للبيبي .. اصلا وش بقى من الوقت عشان تقول تونا .. عساني الحق على عمري ..

أختي صيتة

أعرف وحدة صحبة أمي حملت و جابت الولد الكبير و عنده اعاقة عقلية و عمرها يوم جابته 20

و يوم وصل عمرها فوق الـ 45 حملت و ما كانت متوقعة إنها تحمل و خافوا عليها تنجب طفل مريض أو كذا

ماشاء الله تبارك الله ، إنه جابت ولد ..
أعقل من بقية أخوانه و عمره ألحين ولدها 19 سنة و ماشاء الله أحسن واحد في أخوانه

ادعي ربنا و توكلي على الله

صيته الله يكتب لك اللي فيه الخير و يسخر لك زوجك :)
العمر ماله أي ضرر على الحمل و خديجة رضي الله عنها أنجبت بعد الأربعين
أعرف كثيرات ولدوا بعد هذا السن و عيالهم ماشاء الله تبارك الرحمن
أقنعي زوجك :30: و قولي أنا اللي بقوم فيه من إلى ما راح أكلفك بشيئ و بعد ما يجي أخاف يستلمه هو خخخخخخخخخ :15:
الله يوفقك ...........