|
لا اجد فيه حماس العريس ,,ممكن استشاره
السلام عليكم ورحمة الله وبركاته
انا عمري 21 سنه اسكن في المنطقة الغربيه ,,تقدم لخطبتي شاب عمره 29 سنه وموظف في الرياض بس اهله ساكنين بنفس منطقتنا ولظروف عمله نقل هناك مشكلتي هي : تمت خطبتي من قبل اهله من شهر 5 ,, اخته الصغيره هي صديقتي ايام الثانوي ولكن معرفتي فيهاا محدوده جدا جدا وبعد ما صارت الشوفه الشرعيه وكل شي ,, جلس اسبوع بعدين راح سوا التحاليل وعذره انه مالقى فرصه مع الدوام وزحمته - يشتغل في الطب - المهم ثاني اسبوع من الشوفه راح سوا التحاليل وبعدها باسبوع انا سويت التحاليل في منطقتي كان دائم الاتصال بابي فترة دخولي للمستشفى لعمل التحاليل يرد الاطمأنان ,, وبعدها لم يحرك سااكنا بدا يماطل ويماطل في ارسال تحاليله الى المستشفى حتى تتم الموافقه حتى اتصل والدي فيه في يوم 29 -6 وبين له انه اتاخر ومايصير كذا - لانه بيتقدموا لي خطاب - بس والدي ما قاله انه بيجني خطاب حفاظا على مشاعره المهم الى هذا الوقت وهو لم ياتي مع ابوه واخوانه لخطبتي رسميا من والدي ,,اكتشفنا انه راح يجي هذا الاسبوع بس السبب انه عنده عرس -زواج - يود انه يحضره ماقال انه فيه بنت ناس انا معلقها لي 3 شهور ولا حس ابدا ,, ولمن امي دقت على امه وقالت لها متى راح تصير الملكه بما ناه موجود في المنطقه خليه يجي مع اهله ويتفقوا الرجال قالت لها مو الحين اهم شي نربط البنت ونمسكها .....>>>ليه انا بضاعه مثلا :( المهم انا خبرت اهلي اني خلااص ما اريده اخاف يكون مغصوب علي او مجبر تراه محد جابره واذا مايبني في غيره يبيني الحياة مو لعبه ولا ودي اقضي بقية عمري اندم على زواج مشي الحال حالتي مو تمااام ابدا وفكرت اني اكلم اخته وابين لها الوضع ,,وانه اذا ما يبغى تر ا فيه غيره مو مشكله ,,ونحنا على بر ملحوظه : انا استخرت وتمت الشوفه عادي بس هو مو ذاك الجمااال ابدا ,,وعائلته ايضا هو اخلاق ومايدخن :26: ويصلي الحمدلله بس ياجماعه ما احس فيه حماس اي عريس كنت خايفه عائلتي الكبيره ما يتقبلوه , الحين صرت خايفه انا ما اتقبله اسفه على الاطاله ,,بس ما في جعبتي ممزق |
الله يكتبلك كل خير ومدام مو مقتنعه بي شي لاتكملى وبعدين تندمى
|
مشكلة البنات اللي في مثل سنك ..
انه : يصلي و ما يدخن <<وكانه معجزة لازم تحطي اساسات لحياتك مع رجل .. تفهمي نفسك بالاول .. وبعدين تبحثي عن نقاط تراابط مع الخاطب .. وتحطي لك أولويات ما تتنازلي عنها ............. بحيث تظمني حياة مستقرة وأبدية ولان كثيرات مثلك .. رمين بذواتهن .. ولم يحسبن للزواج حساب متزن .. كان مصيرهن الطلاااااااق .... فاعي ذلك أولا يا صغيرتي ............... ثم اذا لم يعجبك هذا الرجل .. فاسهل شي على نفسك ان تقولين لاااااااااااااااااا أريد هذا الرجل ............ أفضل بالف مرررررة من زواج بدون قناعة تاامة ...... وفقك الله ؛ |
اقتباس:
|
اقتباس:
طيب ايش المشكله في انه يصلي او مايدخن ..؟؟؟؟ مشكوره على ردك ,, |
اقتباس:
من جدها قالتها لكم بصراحة ؟؟؟ شوفي كرامتك ايش تملي عليك |
وعليكم السلام
معلقكم من 3 أشهر !!! بدون أي سبب !!!! لذلك أخبري أهلك برفضك ليخبروه بغض النظر عن نتيجة التحليل وما له داعي تكلمي أخته أبداً ، خلي الكلام يصدر من أبوك وأمك والله يرزقك الزوج الصالح عزوبي بس رجل |
هلا بك يالغلا عندي سؤال صغنون هل بينك وبين الولد حب او كلام ؟.. لان دام يجوك خطاب ليش جالسين تجاملوه يغض النظر عن شخصيته وشينه وزينه لكن سالفة الثلاثة شهور هذي بحد ذاتها مب حلوه كلش اللي يقبل على زواج يفضي نفسه لمشروع الزواج تماما مايقول مب فاضي .. عيل فاضي يروح اعراس الناس!! مع ان مانعرف السالفة من طرفه ومانبي نظلمه بس انتي مب مجبوره تستحملي هالموقف |
اقتباس:
بس مابيني وبينه اي حب ولا كلام ,,ولا اعرف انه كان موجود في الدنيا اصلا :dالا لمن جا خطبني عرفت انه صديقتي عندها هذا الاخو مره شكرا على مساندتك ,,وجزاك الله خير |
اقتباس:
,, دعواتكم |
| الساعة الآن 02:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©