|
زوجتي الصغيرة المراهقة
السلام عليكم ورحمة الله وبركاته
كيف الحال اخواني . بصراحة انا عضو جديد وعندي مشكلة واحد الاخوة جزاه الله خير نصحني بهذا المنتدى لما فيه من فائدة .. مشكلتي بختصار .. خطبت بنت خالي والحمدلله عقدنا قرآن , وزواجنا بعد اقل من 15 .. لكني واجهت مشاكل كثيرة في أيام العقد , ولقلة فهمي وعدم ادراكي كنت دائما ما افشل في حل مشاكلي انا عمري 22 سنة زوجتي عمرها 17 تصرفاتها طفولية جداً جدا ً .. وانا عصبي واكره التصرفات الطفولية .. يعني مثلا ً عندما اخبرها بأمر واكون جاهز ومنتظر كلمة " حاظر " يخيب ظني .. فلا اجد إلا اجابة . ( ما اريد ) يعني كيف الطفل الصغير .. تكولة اترك الحاجة هذي يكولك مابي انا حر .. هكذا .. انا بصراحة في حالة مايعلم فيها إلا الله , رغم بعد 15 يوم الزواج لكن احمل همّ كبير .. بعض الاحيان الجئ الى التهديد , مثلا تزعلني من شغلة انا اكرهها جدا ً , واكول لها يابنت الحلال لاتفكريني ماسك فيكي بأيدي واسناني ,, الله ِاتركك واشوف الف غيرك .. تقولي ( طيب اتركني ) تتنرفز , عصبية , طفولية , وبعض الاحيان تكون مافي مثلها .. ممتازة جدا ً وامورة وتسمع كلام الفترة هذي آخر اسبوع .. حدثت مشكلة بيننا , وهي كانت متضايقة نوعا ً ما , وانا حاولت اكلمها طبعا ماترد على تليفوني وان ردت تقولي نعم ؟ ايش ؟ وتحاول تسكر التليفون بسرعه .. انا طبعا اعصابي تفور لمة احد يكلمني بهذي الطريقة.. احتاج منكم نصيحة , كيفية التعامل معها خلال الفترة هذي , وخلال الزواج حتى يكون ناجح بإذن الله انا عن نفسي ماعندي احد يكون مصدر الهام لي واستمع منه .. لكني معتمد على الله ثم عليكم , خلال 15 يوم هذي كيف اتصرف اول ليلة زواج كيف اتصرف اول اسبوع زواج كيف اتصرف اريدها تكون تسمع كلام وتثقل شوي , مو مشكلة حتى لو اتعب عليها لكن خلال السنوات القادمة اريدها كما اتمنى بإذن الله .. اليوم خالتي اخت امي , قالت اسلوب الثقل ينفع جدا ً , وقالت لي قصة عن شخص شكله غير وسيم , لكن اخلاق , وثقافة , والزوجة كانت جميلة جدا ً .. خطبها لم يكلمها ولم يجلس عندها , عقد قرآن لم يأتي اله للظرورة القسوى , اذا كانت محتاجة شي وليلة الزواج ماتقرب منها , قال لها انه تعبان ومن العرس ومدري ايش وخلاها ترتاح واستمر على هذا الموضوع كم يوم , لدرجة انها هي الي بدت تتحارش فيه ,.. لكن القصة هذي ماتنفع معاي , مثل مايقول المثل وقع الفاس بالراس , وانا عودتها على اسلوب الحنان الفائض ,. وكلمة حبيبي وحياتي وعمري .. ولو يرجع الزمن للوراء قليلا ً والله ِ مارحت عندهم مرتين في الاسبوع , ولا اتصلت فيها كثيرا ً .. ومشيت على هذا الموال .. نصايحكم ياخبراء .. بارك الله فيكم . |
الأفضل الفترة القصيرة هذي تقطع كل الاتصالات الصوتية واجعل وسيلة التواصل هي رسائل الجوال.
أغرقها برسائل الحب والحنان والشوق للقاء الحبيبة. طبعاً لازم تخبرها أنك ستتوقف عن الاتصالات حتى يزيد الاشتياق لبعض. هذا رأي أكتبه لك على عجالة من أمري.. أرجو أن أكون قد وفقت فيه. |
ماا درى احسها صغيرة جدا جدا
|
ليش رضيت من الاول بي واحده صغيره وقبل الفرح بي 15 يوم مو قادر تتحمل الله يعينك
|
الحق على نفسك في الايام المتبقية ..
بتكثيف القراءة عن المرأة والزواج .. وعندك المفضلة في أول المتصفح ستجد فيها كل ما تحتاج وفقك الله و أعانك ؛ |
يبغالك تربيها على يدك وعلى نظامك الين تكبر وتصير زوجه
مرات خليك حازم معاها ومرات طيب بس مو دلع الين تقوي شخصيتك قدامها لانو دلالك لها خلاها تزيد من دلعها عليك واخاف ماعاد تسمع لك كلمه وان شاءالله بعد الزواج تكون انسانه قد المسؤليه وتهتم فيك مو انت اللي تهتم فيها الله يسعدكم ويجمع بينكم في خير ويرزقكم بالذريه الصالحه |
الزوجه بهالعمر تحتاج الحنان والعطف أكثر من القسوة أنت تبيها تسمع كلامك وبس لاتحسسها أنها داخله معسكر مش حياه زوجيه
باأمكانك تخلي زوجتك خاتم باأيدك بس بالكلمه الحلوه عمر القسوة ماتجيب نتيجه وحاول تخلئ أول ايام زواجكم ذكرى جميله وأحتسب الأجر فيها لوجه الله جوابي جاء عن تجربه لأني تزوجت زوجي وأنا بعمر زوجتك تقريبا الله يسعدكم ويهنيكم يارب |
هي عيبها انها طفولية ولا انت اللي عيبك انك عصبي؟؟؟ ترا هي صغيره وانت بعد صغير 22 سنه مب وايد وتنقصك اكيد الكثير من النقاط المتعلقة بالهدوؤ والتعقل والصبر روق اعصابك شوي اخوي الحياة حلوه مره شد ومره ارخي بالسياسة كل شي بيصير علمها الجدية وخليها تعلمك الروقان والفرفشة هذي كلها فترة الخطوبة ودلعها بعد ماتواجهوا الحياة والاولاد وغيره بتعقلوا انتوا الاثنين بس اهم شي التفهم والصبر وان شاء الله بتتعلموا من مواقف الحياة مع بعض واذا واجهتك مشكلة تعال شاور اخوانك وبيدلوك على الطريق السليم |
جزاكم الله خيرا ً ردودكم ممتازة ,
اختي ام داليا , ذهبت الى المفضلة والحمدلله وجدت مواد كثيرة جدا ً .. ستنفعني بإذن الباري عزوجل لكن بالنسبة للتواصل فيما بينا في هذه الفترة ,, كيف سيكون ؟ هل ارسل لها مسجات مثلا ً , او اقطع الاتصالات ليوم الزواج ؟ او اخذها ونخرج سوية نتمشى ونسولف شويّ ؟ افيدونا بارك الله فيكم .. احتاج أمر يعزز الثقة ويغير الحال الى الافضل . |
أهلا اخوي ابو غازي
مشكلتك سهلة جدا ويبغالها صبر اول شي حاول تتكلم معاها وانت جدي جدا وحاول لا تقلها ولا كلمة حلوه فهمها ان فترة الملكه من احلى الفترات حب ودلع وغزل ودلال وانكم اذا اتزوجتوا ان شاء الله حيقل الكلام الحلو والدلع وفهمها السبب في ذلك عشان لا تقول اتغير عليا واعطيها امثله عشان توافقك في الكلام حسسها بالامان وانت تكلمها وبين كل فترة قلها انك حتكون جنبها وما حتسيبها وتحاول قدر الامكان اسعادها وفهمها عن وضعك والاشياء الي تكرهها والي تحبها وطريقة تعاملك معاها والاشياء الي ما تحبها فيها لكن بطريقة حلوه ومقنعه وبالطريقة الي تفهمها هي وبعدها لا تكلمها الين فترة الزواج ولا ترسل لها ولا رساله بعد الفتره دي حتشتاقلك كثيييييييييييييير وتتمنى شوفتك ومشتهيه كلامك الحلو خليك ثقيل حتى في دلعك ولا تبين لها تمسك الشديد بها واول ما تاخذها من القصر وتروحوا بيتكم استغل الفتره دي لانها تبغى تكلمك واسردلها اسلوبك والاشياء الي تكرهها والاشياء الي تحبها وكل شي تبغاه وحتى هي خليها تتكلم عن الاشياء الي تحبها او تكرهها البنت في الوقت دى حتكون في اشد الانتباه لكل كلمه تقولها ولكل حركه تسويها لذلك استغل الفررصه دي وبعدها لو حسيت انها اتادبت واتعلمت ترجع لوضعك الطبيعي دلع وغزل لكن أخف من اول اتمنى افدتك لان زواجي بعد 20 يوم بالتوفيق لك في حياتك |
| الساعة الآن 09:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©