|
مقهورة ومحتارة فخطيبي لا يعجبه العجب
السلام عليكم
ماني عارفه اش يبغا وماني عارفه اش يعجبه ويريحه :11: احس اني احبه بس طفشت من اسلوووبو :29: :29: :29: :29: :29: ماادري من جد ايش يبغا لمن اسمع الكلام ومااسبب مشاكل ومااعاند يقووول>>>>> نفسي في وحده شخصيتها اقوى من كده لمن اهتم فيه يقوووول >>>> لاتهتمي بيا انا ادبر نفسي انتي اهتمي بحالك بس ماعليكي مني لمن ابين زعلي او ابكي احسه يتعامل ببرود وعاااادي يسمعني ابكي يقلي خلاص اهدي وبس احسه شديد ممنوع اخرج مع صحباتي ممنوع اطلع بلاك بيري ماله داعي اكون متصلة بالنت على طووول انا ماني عارفه اتصرف معاه احسه صعب ساعدوني انا عمري 23 وهو29 |
أختي هذا الكلام طبيعي و مع الوقت راح تفهمون بعض بكل التفاصيل فلا تحملي هم و لا تتضايقي .... بس أبي أعرف هل أنتم ملكتوا على بعض و متى راح يكون الزواج ان شاء الله
|
عزيزتي لازم تقوليله يغير من إسلوبه وطبعه معاك وتحاولي تفهميه إن إسلوبه مايعجبك حتى بعدين ماتصير مشاكل أكثر بعد الزواج وتطلعي بتجربة فاشله
والله يوفقك ويكتب لك الخير:23: |
اياك ثم اياك ان تفكري بالانفصال عنه , فهذا شيء طبيعي فأنتما واضح انكما من بيئتين مختلفتين , فأصبري والعشره والحب الحقيقي يكون من بعد الزواج وليس الآن . بالتوفيق ان شاء الله لكما . |
أختي صاحبات برا البيت ماهي حلوة
مافي مانع لو تكون في بيت وحده منكم كل اسبوعين ثلاث في بيت وحده لكن بره ( حسب ما فهمت ) أحسها صعبة وغير لائقة .. البلاك بيري صدقيني تراه بس للفاضيين اللي ما وراهم شغلة ولا مشغلة زي حالات اللي عندي وراح يلهيكي عن بيتك وواجباتك ، أنا زوجتي عندها من أول ولما خرب عليها جبت لها واحد جديد ودفعت الثمن ، أزورها في البيت ، وبكل وقاحة قاعده ولاهية فيه ومطنشتني ... لا تقولي أنا أقدر أسيطر على الوضع ، لابد ما يصير شي غصب عنك وخارج عن الإرادة يقابله استياء من زوجك لأنه فيه شي لهاك عنه لحظه من اللحظات ... أنا أختي تملكت بعدي بأسبوعين ، وسمعت إن زجها جابلها شريحة وجوال من عنده ... وقلت الله يستر لا يكون جايب لها بلاك بيري زيه لأنه هو عنده واحد ، ولما جيت البيت وشفت جوالها حمدت الله وشكرته ألف مره إنه مو بلاك بيري . صدقيني البلاك بيري هذا لعنة وحلت علينا وخاصة البنات مننا ، ضرره أكثر من نفعه ... صدقيني زوجك عنده بعد نظر ، لأنه تجنب أسباب الزعل والمشاكل من البداية فالحياة الزوجية حياة عملية ، وليست مجرد اجتماع تحت سقف واحد ... باقي الأمور صدقيني مع الوقت بتتغير وبتتأقلمون على الوضع .. هذا رأي والقرار لك . |
تعرفوا اش الجديد
اتناقشت معاه وقالي نفس كلام اه يازمن بس المشكله صرت احسه يصرفني يعني مااعرف كيف حتى لمن احكي اختي مواقف عاديه تقول اشبه احسه يصرفك ماني عارفه اخته تقلي انتي من شرق وهو من غرب انا من بيئة محافظة نوعا ما بس هو من بيئة منغلقه رافض انه اخواته يشتغلوا يعني امور بسيطه حسستني انه مختلف تماما عني انا خايفه ادخل التجربه وافشل حاولت كتير اغير من افكارو او الين راسو على الاقل يقول طيب ولا حياة لمن تنادي يعني مع نفسي |
استخيري لييسر لك الله الصالح ويبارك لك فيه
|
جزيتم على مروركم وردودكم العطرة
لكــــــــــــن احنا انخطبنا عن قناعه ماااعرف سبحان معير الاحوال هو جالس يزبط اوضاعه بس برضو لدي الدرجة الهم اش د رفع ضغطي ليش الرجال مايحبو البنت الي مهتمه بيهم ليش ؟؟؟؟؟؟؟؟؟ |
انا احس ان فترة الخطوبة تكون فيها اشياء كثير متناقضة مرات بتحسة قريب ومرات بعيد بس هذي حاجة طبيعية بس انا مانصحك انك تتانزلي كثير علاقتكم في بعض الحين حاتححدد كيف شكل العلاقة حاتكون بعيدين فانتبهي وربي معاكي
|
زوجك يبغاك بس تفهميه ..
هو ييغى يحس بثقتك بنفسك .. تقولي ارائك باسلوب مو بفرض الرأي .. لأن مهماكان الرجل ابدا لايحب المرأة التي تفرض رائها عليه .. يرغب باهتمامك لكن ليس الاهتمام الزائد والدلال الذي يتعدى الحدود في نظره وأنتِ تفعلي هذا من حبك له .. بيني اهتمامك لكن في حدود المعقول وبلا مبالغة .. بالنسبة للدموع من الآن اقول لك ريحي رأسك فيبدو لي انه ليس من النوع الذي يتأثر بالدموع فهناك رجال لاتحرك فيهم دمعة المرأة شئ رغم محبته لهذه الانسانه .. لكن هكذا خلقه الله في حين لو مرضت لاقدر الله أو احتاجته في موقف من المواقف فستجده بجوارها .. رفضه للبلاك بيري والخروج مع صاحباتك هذا من غيرته عليك .. وليس تحجرا منه .. وإذا كنتِ غير محتاجه لهذا النوع من الاجهزة فلما الوقوع في مشكلة معه لأمر غير مهم وصدقيني هو موضه وبدأت تذهب .. صديقاتك اخبريه عنهن ولتتكون لديه صوره حسنه عنهن وشوي شوي راح تلاقيه اتغير .. وفقك الله |
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©