|
محتار في هدية لخطيبتي في أول زيارة
السلام عليكم ورحمة الله وبركاته
الله يسعد ايامكم اخواني واخواتي الاعضاء خطبت من فترة وكانت الملكة "عقد القران" الأسبوع اللي راح والحمدالله كان كل شي تمام :22: وان شاء الله بعد اسبوعين بزورهم لانهم بمنطقة غير منطقتي وخطيبتي قبل ما اطلع اهدتني ورد لاننا عملنا الملكة وعلى طول اليوم الثاني سافرت فجت في بالي فكرة .. اني اجفف الورد داخل كتاب وحطيت عليه حاجة ثقيلة عشان يجف وبعدين احطه بدفتر ذكريات << مايدري وش اسمه :25: لكن بعده بيومين فتحت الكتاب لقيت نفس عود الورد والورق بدا يتغير لونها ويصير بني :( ... مدري طريقتي صح بتجفيف الورد ولا لا؟ ووش ممكن اقدم هدية معها لخطيبتي؟ محتاج افكاركم الحلوة والله يعطيكم العافية ويرزقكم ماتتمنون |
{خــــــــــــذلها جـــــــــــــــــوال}
|
الله يوفقك ويتمم عليك واعتقد ان طريقتك بالتجفيف خطأ >>>دراستي بالجامعه كلها تجفيف بالنباتات لازم يكون فوقها وزن
ثققققققيل بحيث ماتمر عليها نسمة هواء وتحط أورااااق مجموعه فوقها وتحتها مجموعه وكل فتره تغير الاوراق لان المويه اللي بالورق هي اللي تعطي النبات اللون البني أذكر كنت أحط فوقها بلكات....بالاضافة... لجوال زي ماقالت بنوته أو عططططر ثمين زي عطر الشيخ تلاقيه عند وجوه بس سعره غالي أعتقد700 وش بعد:25: اذا تذكرت شي أرجع أحطه هنا..... |
عليكم الســــلام ورحمة الله وبركاته
الله يتمم عليك أفراحك ياخوي ,, ويجمعكم زوجين في جناته اللهم آميـن أقترح عليك هالمجموعة .. أو إختر أحدها / 1- زوج عصافير الحب أو بلابل .. ولما تشتري القفص وده لمحل تنسيق أزهار وورد وخلهم يزينونه بالزينة والشرايط . 2-كتاب المرأة البحر والرجل المحيط (أزرق اللون).. ممتاز ممتاز ممتاز ممتاز ممتاز للمقبلين على الزواج .. للكاتب عبد الله الداوود رح تستفيد منه كثيـــــــــر عروستك ..وأنت أيضاً .. وستلاحظ التغيير . 3-كتيب أذكار وأدعية يومية صغير مثل المصفى المختار .. وفيه كتيب أسمه 1000 ألف سنة وسنة عن الرسول عليه الصلاة والسلام .. وأيضاً 1000 جواب للمرأة .. و1000 دعوة في اليوم والليلة .. و1000 حسنة وحسنة .. كلها للشيخ خالد الحسينان ... إختر اللي يعجبك كلها طيبة . 4-إشتر حاجة تقدرون تحطونها بعدين في شقتكم .. وأرفق معاها رسالة حب وود وأطلب من عروستك في نهاية الرسالة أنها تحتفظ فيه وانك تتمنى تشوفها حاطته في الشقة ... وعندك خيارات كثيرة .. وهالشي رح يحسسها بشعور جميل تجاهك وأنك تطمح بااللحظة اللي تجتمعون فيها سوا ببيت واحد . 5-تعرف محلات زهور الريف ونكتار وأمثالها .. يبيعون سلة جاهزة مزينة فيها عطر وكريم وصابون وجل استحمام وشموع وبخاخ .. إختر رائحة حلوة مثلاً كرز أو تفاح أخضر أو ياسمين أو ورد .. هالهدية حليوة وكل مااستخدمتها تتذكرك . أتمنى أخوي تستفيد وربي يوفقك .. دعواتك الطيبة الله يجزيك خير . |
اقتباس:
|
اقتباس:
مشكورة على ردك احس كثير اهدو جوالات.. حبيت اجيب شي مختلف الله يعطيك العافية |
اقتباس:
الورد فرقته عن بعض وحطيتها بكتاب وحطيت فوقه شي ثقيل لكن مو ثقييييييل مرة.. ان شاء الله تضبط بمر ع وجوه وبشوف عطر الشيخ.. ميزانيتي حدود 1500 ريال للهدية ولو عندك فكرة مانستغني مشكورة على مرورك والله يعطيك العافية اختي جمال ويرزقك ما تتمنين |
اقتباس:
الله عليك اختي والهدايا افكار جديدة الله يعطيك العافية على الرد.. كل هدية احلى من الثانية اشكرك جزييييييييييييييل الشكر والله يجزيك خير ويفتح لك من ابواب رزقه ويرزقك ماتتمنين .. اللهم آمين |
اقتباس:
|
خذلها عطر ثمين وعلبة شوكولاته من النوع الجيد ;)
|
| الساعة الآن 04:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©