|
هذا أول موضوع لي واتمنى تشورون علي
السلام عليكم ورحمة الله وبركاته
أخواني واخواتي أنا قريت كم موضوع في هذا القسم وتوكلت على الله وقلت اقولكم مشكلتي عشان تساعدوني وادري ان شاء الله ماحد مقصر كلكم فيكم الخير أنا مخطوبة من فتره ويعد خطوبتي طلب خطيبي يكلمني انا ما رديت وقلت له الرد عند اهلي وكلم اهلي والوالدة الله يحفظها رفضت :( مع انه عكس اتفاقي معها :d الموهم اني سكت وبعد كلمة امي مافي كلام وهو حاول مره ثانيه وثالثه وتحجج بمليون حجه عشان يكلمني وامي الله يحفظها عيت وعيت وعيت تحدد العقد على اساس انه بيكون اول ما اخلص اختباراتي يعني على الشهر الجاي وصارت مشاكل بين العيلتين كانت بين الكبار بس هي مو مشاكل قد ماهي سوء تفاهم الموهم ان الموضوع صار فيه لخبطه والموضوع وصل لعلاقتنا انا وخطيبي وهو قام يدور بين كلام اهلي يبي يعرف انا باقيه عليه ولا خلاص وانا كنت نفس الشي لان وقتها ما كنا نقدر نطلب من احد انه يصير واسطتنا وبعد ما هدت المواضيع شوي حاول في اخته تقولي انه يبي يكلمني و أنا رفضت وقتها كنت خايفه امي تزعل علي بس بعدها رجعت وكلمته وعرف رأي وعرفت رايه وتفاهمنا واتفقنا ان الي صار صار بين الكبار وحنا مالنا دخل بس بعدها سرنا نتكلم كل ثلاث اربع ايام كيفك وشلونك وكذا وبعدها صرنا كل يوم او يومين الموهم الحين اهو راح وقال لاهله انه كلمني وتفاهم معي وانه الحين يكلمني وكذا وانا الى الحين مو قادره اقول لامي خايفه انها تزعل علي انا متضايقه لاني مخبيه عن امي اني اكلمه وابي اقولها وماني عارفه كيف اقنعها ؟!! ابيكم تساعودني والله ما عمري سويت شي من وراها ولاني قادره ما عاد اكلمه كنت بكلمها بس صارت ظروف زادت الطين بله وبسبب هالظروف راح نضطر نأجل العقد كمان أربع شهور وشوي اول اتفقنا نقول لها انا نبي نتفاهم قبل العقد على الملكه والحفله وكذا بس الحين صار فيه وقت طويل ويمكن تقول بدري من احين تتفقون ومستحيل اقعد مخبيه عن امي اني اكلمه كل هذا الوقت بس ابي اعرف شلون اكلمها شلون اقنعها وشلون اقولها اني كلمته من يوم صارت ذيك السالفه المشكلة لو اني اقنعت امي خواتي هم بعد شديدات ولا كنت خليت وحدة منهم تساعدني وتوقف معاي ما ابي اقول لخطيبي ان اخواتي شديدات وما اقدر اتفاهم معهم انا مخليه صورت اهلي تلق تجنن قدامه ودايم امدح فيهم اذا سالني عنهم الله يخليكم بس ساعدوني اقول لامي لان والله يحز في خاطري اخبي عنها وخايفه اكلمها تزعل ولا تعصب ولا تقولي لا عاد تكلميه كل ما قربت جنبها وبفتح الموضوع اتخيل انها زعلت وعصبت وكمان امي من النوع الي اذا زعل ما تنسى وانا ما اقدر على زعلها هو قالي انه مستعد يكلمها مره ثانيه عشان خاطري وعشان ما تزعل مني بس شلون يقنعها هذا الي مو عارفينه اسفه طولت عليكم بس ابي احطكم بالصورة عشان تساعدوني |
وين المساعده :rolleyes:
|
السلام عليكم ...
يا حبيبتي ما يجوز تكلمينه قبل العقد .... وأمك عندها سالفة يوم انها رفضت .. فالمفروض الحين انك تنهين المكالمات ... وتروحين لأمك وتقولين لها وتعتذرين منها وتحبين على راسها أدري صعبة ... بس الحين أحسن من بعدين وكل ما تأخرتي كل ما صار زعل امك عليك إذا عرفت اكبر .. الله يوفقكم ويسعدكم ويخليلك الوالدة |
خير إن شاء الله
|
طيب .. شلون انهي المكالمات
يعني شلون افهمه وش اقوله ؟ ساعدوني شوي بيلز |
شوفي قلبـو بقولك على شغله
اول شي هو لين الحين ماصـار حلالك يعني خطيب بس ومايجوز لك تكلمينه وتاخذين وتعطين معه لنه يعتبر رجل غريب وش تقولين له ببساطه وحزم وخلك بنت قويه قولي اذ صرت زوجي ابشر اكلمك كل يوم بس الحين مايجوز شرعا اني اكلمك ومن يتق الله يجعل له مخرجا ومن ناحية امك انا اشوف لاتعلمينها اذ كانت مو متفهمه لني انا اهلي مايتفهمون يعني لو يصير اي شي يقولون انتي السبب فلاتقولين لها افضل واذ سمعت منهم قولي لها كلمني مره وحده بس وقلت لاعاد تكلمني بس نصحيه لايغرك كلام االرجال انا كنت اكلم زوجي باايام الملكه وكان حلالي يعني بس ندمت كثر شعر راسي لسببين / اولهم : مكالمات له صارت يومياً وبالساعات فلما جاء شهر العسل كان بااااارد جدا معي لدرجه انه من 3 يوم طلع مع اخوياه وخلاني والسبب لنه تعود على ومافي شي جديد بالنسبه له وثانيهم / قال لي بعد الزواج انا مدري حسيت انك تكلمين شباب وجرئيه معي مره طبعا تهاوشنا وقفته عند حده بس برضوه الرجال تفكيرهم مو مثلنا وش دراك يمكن يبي يختبرك وبكره يقولك انتي كلمتيني وانا ماني حلالك وقبل كل شي ياعزيزتي راقبي الله عزوجل والله سبحانه وتعالى راح يسر لك كل شي انا حاسه انك خايفه ترديه علشان لايزعل ويطفش ويروح ويخليك نفس احساس لما كنت متملكه اعطيه كل شي لني اخاف يخليني بس اكتشفت بعد الزواج لو كنت اقوى كان الامور مشت افضل وفقك الله لما يحب ويرضاه ياحبيبتي |
حبل الجذب قصير ..
انتي فهميه قولي له .... آآنه ما ابي انبدي حياتنا بغلطه تغضب الله خلنا نبديها بداية خير عشان تعود علينا بالخير .. فَ خلنا ما نكلم بعض هالفترة .. [ ومن يترك شيء لله يعوضه الله بأحسن منه ] خلج قوية وقوليله هالحجي ، بعد الزواج وعقد القرآآن ترى كل هالاشياء بتكون احلى ولا تخافين اذا اهو رزقج ما بيخليج بس لا تبينين له انج تخافين يخليج ترى الريال جذي يستقوي |
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©