|
محتاره بالشاب المتقدم لي
السلام عليكم ورحمة الله وبركآته ،
تقدم لي شآب وعمره 30 سنه وأنا عمري 21 .. وطبعاً هو من برى قبيلتي .. أمه شآفتني والحمدلله عجبتهآ .. ومن كلامها عنه تقوول أنه ملتزم .. وعضو في لجنه دعويه .. الولد كلم أبوي وجاء هو وأبوه وتكلمو عآدي وكل وأحد يعرف بنفسسه ولا طوولو وطلعو .. أبوي يقوول ماعليه كلام ومبين عليه الصلاح بس ليييييييه ؟؟ ماخطبوو .. بعد يوم رسلت لي رساله أخته وقآلت أذا عندك رد عآدي لاتستحين .. أنا قلت توكلت على الله وهي قالت الحمد لله .. الله يوفقك .. بعد أيام كلمت أختي قالت وش صآر مع أبوكم هو موافق اولا .. مارديتو علينآ .. قالت أختي أخوك يوم جاء هو وابوك ماخطب !! لازم يجي يخطب رسمي .. وسألت قالت ما عندكم نظرره شرعيه قال اختي لا أبوي هذي نظرته وأحس هم راضين بس أنا متضايقه ودي أشوفه ويشوفني أبي أرتآح من هالشي وأعرف أني من أختيآره .. أختي قالت عآدي تشووف صورته قالت طيب اذا جينآ نخطب رسمي راح أجيب الصور وتشوفهآ .. :( كيف راح أشوفه زين وقدامهآ !! المهم بنفس اليوم دق الولد على أبوي وقال ياعمي أبي بنتك .. قال ابوي مايصير تطلبهآ من جوال تعال وتقدم لهآ في بيتي .. والحين بقى أيآم ويجوون .. وأنا وربي محتآآآآآآآآآآآآآآآآآره أولإ في عمررره أحس كبيرررر علي وآخآف ما نتفق بعدين وأفكآرنآ تكون مختلفه وحيرتي الثآنيه أنه برى القبيله آخآف ما أرتآح بعييد عن أهلي .. أنا والله ما وافقت عليه ..الا أني شآريه حسن خلقه .. وأنه ملتزم .. وهذي أمنيتي .. والاستخآره للحين ما اقدمت عليهآ .. أنتظرهم يطلبوني رسمي .. بس مدري ليييه كل مافكر بالموضوع يضيق صدررري واذا حآولت أنسي نفسي فكره الزواج أرتآح ... :( على فكره أنا داخله بمعررف أختي هديل الجرح .. لاتحرموني نصآيحكم .. :( |
وعليكم السلام ورحمة الله اقتباس:
لكن مبدئياً مخاوفك لا أراها مبررات لرفضك له ولا يوجد فارق عمر كبير كما تظنين وما تمرين به من قلق ومخاوف ومشاعرك السلبية التي طرأت عليك تجاه الزواج فهذا شعور طبيعي خاصة كبنت يوضع أمامها قرار مهم في حياتها ..... الله يرزقك الزوج الصالح الكريم والذرية الصالحة عزوبي بس رجل |
استخيري وليه التردد والخوف لانه من خارج القبيله
وسعووووووووو الله يقدم اللي فيك الخير لك المهم حسن الخلق |
يبدو من طرحك للمشكلة أنك تخشي من ثلاثة أمور:
1- أنه من خارج القبيلة: قال تعالى {وجعلناكم شعوباً وقبائل لتعارفوا} ولم يزل المسلمون بل البشر كلهم يتزوجون من القبيلة ومن خارجها. بل إن كثيراً من الناس يفضلون الزواج من خارج القبيلة.. إذن يا أختي كون الزوج من خارج القبيلة فلا يضر بل ربما يكون الرجل البعيد أفضل بكثير من ابن العم القريب, والقصص في هذا الباب كثيرة. 2- أن الفارق بينكما 9 سنوات: هذا الفارق ليس بكبير جداً, وكثير من الزوجات الفارق بينهن وبين أزواجهن أكبر من كذا وأمورهم الحياتية من أحسن ما يكون. 3- رفض والدك للرؤية الشرعية: الرؤية لاشك سنة شرعية لها أثر عميق في العلاقة الزوجية.. لكن إن رفض والدك الرؤية فبإمكانك سؤال إخوانك أو والدك عن شكل الزوج من ناحية الطول واللون والحسن إلخ.. سواء تكوني أنت السائلة أو أمك أو إحدى أخواتك. هذه طريقة. ويمكن معرفة شكله بالطريقة التي ذكرتيها أنت عن طريق الصورة الشخصية. |
اقتباس:
اللهم أمييييييييييين ولك بالمثل .. جزاك الله خير أخوي عزوبي وسأعمل بما قلت |
اقتباس:
جزاك الله خيررر .. وفعلاً أهم شي حسن الخلق وهذا الي أبيه .. الله يكتب مافيه الخيره لي .. |
اقتباس:
فعلا ً هذا الذي يقلقني .. ورائيك سأخذ به .. جزاك الله خير .. |
عليكم السلآم ورحمة الله ..
بالبداية احب أبارك لك مقدما بس اهم شي الإستخارهـ والرسل عليه افضل الصلاه والتسليم وصى بها . بالنسبه للخوف وضيق النفس هذا شيئ طبيعي جدا جدا عنده المرأه والعكس عند الرجل .. خصوصا وقت التفويته يعني قبل مابنكتب الكتاب بس بعدها راح تكلمينه وتتفاهمين معاه وصدقيني راح تحسين بالسعاده .. والنظرة الشرعية مالها قيمة لأنه ماتقدم إلا وهو شفقان عليكي وبالنسبه لك اهم شي آخلآقه , والحمدلله اخلاقه حلوه ومن احسن مايكون زي ماتقولين وهذا المطلب الرئيسي للرجل مبروك للمره الثانيه ويارب ان الله يوفقك ويكتبلك اللي فيه خيره لك ولدينك تحيتي |
موضوع النظرة الشرعية مهم جدا ..
ألا تستطيعين التحدث مع والدتك حتى تقنع والدك بهذا الشأن ؟ |
| الساعة الآن 10:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©