هل أواصل معه أم أتركه
 

متزوجة صار لي خمس سنوات وعندي بنت و ولد

عانيت من مشاكل عديدة مع زوجي وصبرت وتحملت وواصلت حياتي تحملت الضرب والسب والإهانة والفقر والسرقة لأموالي والخيانة وغيرها وغيرها من المشاكل.

كنت دايما أفكر بعواطفي وأخاف من الانفصال بسبب أولادي وأنني لا زلت أحبه وأحس إنه يحبني بس مو قادر يسعدني لأنه عصبي وفقير وفيه عيوب وايد.

الحين هو يمر بأزمة ، حكم عليه بالسجن من يومين في قضية تخص شغله وسرح من العمل، بكيت وايد عليه وعلى أولادي .

اليوم اكتشفت انه ماخذ فلوس من حسابي من غير علمي تضايقت وايد، انا أساعده دايما ما عندي مانع أعطيه لكن ياخذ من دون علمي هذا الشي يزعجني.

قررت اني أتخلى عنه وأتلاكه على الرغم من أنني لا زلت أحبه ويكسر خاطري وطالب مني أكتب له رساله تساعده في اثبات براءته وكنت فعلا بوقف معاه وبساعده لكني الحين مقهورة ونفسيتي تعبانة منه وايد وايد.

اتصل فيني وهو يبكي ويقو ظلمتك وايد سامحيني وبتغير ان شاء الله لكني ما عدت أثق في كلامه.

شنو تنصحوني أواصل معاه وأوقف جنبه أو أتخله عنه بهذي الظروف واطلب الانفصال...

ريحوني اذا تقدرون تعبانة وايد والله أكتب لكم وادموعي على خذي من ألم وفراق ووحدة ومعاناة

أرجوكم ساعدوني

ضاقت فلما استحكمت حلقاتها فرجت وكنت أظنها لا تفرج
الله يجعلها آخر الآلام ويعجل بتوبته من هالموقف
صبرتي الكثير وبقي القليل بإذن الله


الله يفرج همك حبيبتي

أنصحك ماتتخلي عنه في ظروفه الحالية

وأنصحك لاتكتبيله رسالة اثبات براءة خليه يحس ويذوق الألم شوي عله يتوب

أوقفي معه معنوياً فقط

أعينيه على التوبة ولو تقسي عليه شوي دام بصالحه لاتترددي

معليش اختي عندي سؤال
هو مدمن؟
ليه يسرق ؟

انتظري للحديث بقيه

حبيبتي انتي انسانة عظيمة واهنيك على صبرك
اعطيه فرصة يالغالية ومثل ماقالو الاخوان مايرضيك ابو عيالك يدخل السجن هذي سمعة اولادك والثوب الوافي مايجافي احبابه وانتي بنت اصول صعب تتخلين عنه وهو محتاج لك
دائما يالغالية تخلي عن الشخص بوقت هو ماهو محتاج لك وهنا فعلا ممكن تاثرين فيه ودامك تحبينه اكيد الامور كلها راح تتصلح باذن واحد احد الله راح يهدي لك زوجك بس عليك بالدعاء والتضرع الي الله جل في علاه فهو مايخلي احد ذكريه بالله وادخلي بقلبه الخوف من الله عليك بالاتسغفار الدائم والحي على ربك فهو يحب العبد اللحوح
اسال الله ان يهدي لك زوجك ويجعل هذي اخر مشكلة بينكم بس انتي توكلي على الله ولاتتركيه بعز ماهو محتاج لك

ما أأيد الطلاق

لكن لو إنك أختي ، أنصحك تتركيه ،، لإنه اللي مثله ما راح يتعدل ، يا تعيشي كذا معاه و لا ما راح يتغير أبداااااااااااااااا

تبغي ترجعي له ، ارجعي له من غير ما تقدمي له شئ و لا إثبات براءة و لا يحزنون ، خليه ينال جزاته و يتعلم

دموعه لا تصدقيها ، الرجال دموعهم مو مثلنا نحن ،، دموعهم عشان أنانيتهم و مصالحهم الخاصة

الموضوع : تحتاجين إلى معرفة حقيقة زوجك بصراحة تصرفاته تدل على أنه مدمن . وبعدين لك القرار في المشاكل التي هو متورط فيها . مثلاً لو مدمن يصبح خطر عليكي وعلى أولادك صح . لكن عن نفسي لن أنصح بشي حتى نعرف بالضبط ايه نوع المشاكل؟ لذا لو حبيتي تكتبي بالتفصيل لنكتب لك الحلول من وجهة نظري

يريدك ان تكتبي ورقه كذب ليخرج هو من السجن يعني يورطك معو انتبهي


لا تنزلقي معه عندك اولاد تتربيهم مش تصيري بالسجن معو


المحكمه لا تحكم على احد من غير دليل

مشكورة حبيبتي

ما فهمت شنو تقصدين مدمن مخدرات مثلا

ما أدري وصار ما عندي ثقة فيه، بس هو صار له سنة موقوف عن العمل وحالته المادية جدا صعبة

بس سالفة السرقة حدثت من زمان كان مديون للبنك وأخذ مني فلوس بدون علمي وسامحته بعد اعتذار وندم، لكن عاد وكررها بعد فترة ولادتي الأولى كان محتاج لمصاريف البيت والمستشفى

هو من النوع اللي لا يحسسني إنه ما عنده فلوس وما يقدر يصر علي لأن ظروفه المادية صعبة منذ بداية زواجنا، وفي نفس الوقت ما يطلب مني يمكن خجل؟

لكن ما يخجل ياخذ من وراي

بس إنه مدمن لا أعتقد

يمكن مريض نفسيا

أختي

هل إنت بتتركيه لإنه فقير ؟ إذا علشان السبب هذا فما يصير
هل تتركيه لإنه بيخدع الناس و يورطك معاه ؟
هل تتركيه لإنه يمد يده عليك و يسبك ؟
هل تتركيه لإنه خاين و ما منه ثقة ؟؟؟؟؟؟

تغي تعيشي معاه ، كملي معاه لكن لا تورطي نفسك