|
زوجتي لاتريد اهلي
السلام عليكم ورحمه الله وبركاته اسعد الله مسائكم بكل خير وعافيه *انا رجل متزوج ومطلق وتزوجت الان بمطلقه ولنا مع بعض مايقارب الـ 8 شهور وهي حامل الان اسال الله ان ييسر لها ولكل مسلم بس اواجه مشكله معها خصوصا اذا اهلي اي امي واختى الصغيره جو عندنا البيت حيث كانت والدتي اطال الله في عمرها عند اختي الكبير لمده اربع اشهر وصار مشكله بسيطه واخذهم اخويا الكبير وجابهم عندي البيت على اساس دوبه عريس ومااثث البيت فكلمني قال انا بجيب اهلي عندك البيت قلت مو مشكله ذولا اهلي امي واختي المهم مالهم يومين عندي وزجتي اذا جيت اجلس معها قامت تتكلم في امي تقول امك كلامها كثير وانا صدع راسي من كلامها ومن هالكلام انا حقيقه قلت لها امي لاارضى ان تتكلمي فيها فهيا مريضه وكويس انها تتكلم وتهرج لان امي مسحوره والحمدلله الان لاباس كويسه بصحتها المهم امي اذا جلست عند التلفزيون تحط قناة القران الكريم وتنام عند التلفزيون علما بأنه في تلفزيون ثاني اختي تجلس عنده فزوجتي قدام امي واختي بعض الاوقات او في استقبالهم تضحك امامهم وكأن مافيه شي لكن اذا رحنا للغرفه قامت علي من هالكلام امك وامك وامك اي امك تفتح القران امك تروح المطبخ امك تهرج معايا كثير وانا مااحب الكلام الكثير او انها تجلس معايا في المطبخ علما بأن ابوها ماقصر معاي ساكن عنده ببلاش وهو في منطقه ثانيه بالعربي اهلها مو مقصرين معاي مره ناس فيهم خير لكن زوجتي اعاني منها في هالامر * انا رجل اجلس بجانب زوجتي واسولف معها واخذ بها بحنان واغرقها من الكلام الحلو والمعسول ونسولف وناخذ ونعطي وسبحان الله لما اتقرب منها تقول انت ماتقرب مني الا تبي المجامعه وهذا حق مشروع لكل زوج وهو على سنه الله ورسوله اعتقد ماسويت شي غلط ويشهد الله علي يوم نلقى الله ماقد قصرت معها بشي من حيث التماشي والطلعات والاسواق طبعا بقدر استطاعتي وامكانياتي وانا انقهر منها لما تقول انت ماتبي الا هالشي بصراحه ازعل منها لاني مو مقصر معها بشي حتى تتكلم بالكلام هذا . وصرت بعدها اجلس عند الكميبوتر اتصفح المنتديات والعب عادي وصرت اسولف معها من بعيد وتقولي زوجتي انت صرت تجلس عند الكميبوتر كثير ماعاد تجلس معاي مثل اول فقلت لها انتي السبب مو انا انا كنت بجانبك وبقربك بس اسلوبك معاي هو اللي خلاني ابتعد عنك عشان ماتقولي انت ماتبي الا المجامعه اتمنى منكم اخوتي الكرام بما انها اول مشاركه لي ان تشاركوني بردوكم التي تساعدني في اكمال حياتي على اكمل وجه واتمنى اني وضحت معناتي لكم .. ولكم جزيل الشكر |
اخي لاتسمح لها ابدددددددددددن تتكلم على امك
لانهاا اغلى منهاااا وخلها تبطل نفاااق تضحك بوجهها ومن وراها تتكلم عليهااا!!!!!!!!!!! قولهااا انا ماااحب كلام الحريم وانتي صدعتي من امي وانا صدعت منك من كثر ماتتكلمي عليهم كاافي ذول اهلي تحبيني تحبيهم تحترميني احترميهم وخلص الكلام يعني لاتعطيها مجااال وتسمع وش تقول ! لا الله يعينك وتقوم لك بسلامه ويحنن قلبها على اهلك !! |
حياك الله اخ سعود
اما بالنسبه انها ماتبي امك كله الا امك وانت حاول تحبب امك لها يعني مو دايم تقول امي وامي لانها بتقول يهتم فيها اكثر مني ومن ها الكلااام فيه رجال يكرهون الزوجه اهلهم يعني من كثر مايقول اهلي واهلي تكرهم اما بالنسبه للجماع فعلا اغلب الرجال مايقول كلام معسول الا اذا يبي شئ فيمكن هي حست بها الشي منك عااد انت لاتدقق عليها واذا اهلها كويسين وهي فيها الخييير لاتكبر الموضوع وفيها الخيير اللي تجلس مع امك وتسولف وتضحك بعض الحريم الله يهديهم ماتبي حتى تعطيهم وجه وبعضهن بعد اذا بيجون ماتستقبلهم انت شف الاشياء الحلووة فيها ولاتشوف بس الشي السلبي الله يوفقك وييسر امورك |
اقتباس:
|
مرحبا .....
اولا ماسبب طلاقك بزوجتك الاولى ؟؟؟ هل زوجتك الثانيه من اختيارك؟؟؟ كم عمرها وعمرك ؟؟ هل هي تحبك وانت تحبها ؟؟؟ زوجتك حاااااامل والحامل عليها نفسيه متوترهـ اذا فتحت موضوع امك طنش ماكأنك تسمع اتعجب من بعض الزوجات اذا صرت ام زوجها روعه في التعامل صارت هي من تبحث عن المشاكل ياناس هاذي امه جنته وناااارهـ عندي اقتراح ليه ماتخصص لأمك غرفه وتجهزها لها يكون فيها تلقزيون وراديو وسرير عشان امك ترتاح وماتصتدم مع زوجتك ..... مهما تضايقت زوجتك من امك لاتسمح لها واستخدم اسلوب الزعل والله ماراح تتجرأ بالعكس راح ترضي امك عشان ترضيك ...... اسألني في علاقة الزوجه مع ام زوجها وكيف فهم نفسية الزوجه مع ام الزوج والعكس؟؟؟ بالنسبه لاقترابك لزوجتك لاتربط قربك لها واحتوائها اي كان بأن تكون نهايته علاقه الزوجه تكرهـ هذا الشي اجعل للحنان وقته والعلاقه الخاصه وقتها ...... ليس لديك حل وسط اما قرب او بعد يعني اذا ماحصل علاقه جلسه قدام النت وتطنيش احط كل ذي حق حقه ..... لاتجادل ولاتناقش ولاتعارض استخدم اسلوب التطنيش عند بداية اي مشكله ودائما سمعها عشانك حامل ابراعي نفسيتك ......الحامل لها نفسيه فظيعه.....توتر .....قلق....افتعال مشاكل ....صدقني بعد الولادهـ راح تتغير .... لاتنسى الرد على اسألتي ....... ادام الله الحب بينكم ..... |
اقتباس:
ابشري اختي ويشهد الله انا اللي صدع راسي من كلامها هذا لانها امي هي اللي اختارت لي زوجتي فاقول في نفسي كيف امي تختارك لي شريكه حياه وتقولين فيها كذا !!!! علما بأني راح اقولها هالكلام اليوم .. واساسا ماراح تقدر تتكلم في امي مهما صار فانا لست بضعيف للدرجه هاذي تتكلم فأمي مهما يكون امي هي اللي ربتني طول هالعمر وتجي وحده تتكلم عليها بالسهوله هاذي اشكرك على حسن كلامك المفيد |
اقتباس:
*الله يحييك انت واشكرك على حسن كلامك الطيب ويشهد الله علي ماقد قلت لها شي من ناحيه امي ولاجبت لها سيره في هالموضوع هي دائماً تبدا في هالموضوع امك وامك الله المستعان . انا والله كنت بتصل على ابوها لكن مااحب اكبر المشكله فقلت استشير اخواني واخواتي هنا احسن عشان نستفيد منكم والغير يستفيد اما من ناحيه الجماع فاعتقد هذا حق من حقوقي الشرعيه فهناك ولاده وبعدها شهرين تقريبا او 40 يوم بنكون منقطعين عشان الولاده وغير هذا كانت متوحمه علي وصبرت شهرين او ثلاثه شهور تقريباً شاكر لك مره اخرى ع ردك الجميل |
الله يصلح زوجتك...
أخي في الله/ حاول أن تقنع زوجتك بأن بقاء أمك عندكم فترة ثم ستذهب إلى عند أخيك الثاني.. وقل لها تقديرك لأمي هو من تقديرك لي.. حاول أن تلعب بعواطفها فالمرأة ضعيفة رقيقة.. كلمها بعبارات هادئة وأحرص أن يكون حديثك معها في هذا الموضوع في ساعة صفا.. وحاول أن تقترب منها كثيراً أثناء الحديث.. وأظهر لها أنك متأثر من حديثها معك بخصوص أمك من خلال نظرات عيونك.. والله انا قلت لها كلها يومين اسبوع بالكثير وبتروح عند اخويا تحملي واصبري هاذي امي يعني بالله تبين اطرد امي واختي في الشارع عشان ارضيك مايصير هالكلام انا رحت عند اهلك واكرموني بكرمهم وانتي اذا جو اهلي عندي قلتي امك وامك حاولي تغيري اسلوبك وتعدلي من نفسك اللي تسويه غلط وهذا يدل انه مافي تقدير لي انا كزوج لك الله المستعان خيركم خيركم لأهله... والمرأة طبيعتها هكذا (تكفر العشير) كما جاء في الحديث الصحيح.. وهي مخلوقة من ضلع أعوج قاستمتع بها على عوج.. أما بخصوص أنها تقول أنت لا تقرب مني إلا للمجامعة.. ثم أنت صرت تجلس على الكمبيوتر كثيراً... إلخ في نظري لو أنك تجالسها وتلاعبها وتداعبها وتدنوا منها كثيراً مع الحرص على عدم جماعها بعد هذا اللعب ربما يصرفها عن قول هذا القول.. بمعنى لا تجعل بعد كل جلسة حب ولعب ودعابة وكلام حب جماع.. حتى تشعر أنك ترغب فيها وفي حبها لا لمجرد الجماع فحسب والله اني بعض الاحيان اجلس معها ابغى اسولف معها وادعبها واهزمها شوي عشان ماتقول زوجي بعيد عني وهي على طول تفكر اني بسوي شي معها وسبحان الله ماكني زوجها ولي احترامي ومكانتي في البيت اشكرك اخوي الغالي على حسن كلامك وطيبه قلبك معايا |
اقتباس:
تسلمين الله يسعدك على ردك الجميل وبارك الله فيك |
مع العلم يااخواني واخواتي امي ماتدري عن هالموضوع
واحاول اني اداري هالشي لان امي لو تدري عن هالموضوع راح تزعل منها ومع العلم ان امي تحبها وتحترمها وكذالك والدي بس سبحان الله زوجتي استغرب منها هالكلام وزوجتي ماتبغى اهلي عشان تاخذ راحتها في البيت تقوم وقت ماتبغى وتنام وقت ماتبغى عشان تكون مو مرتبطه بشغله والله اني مقهور ياجماعه من حركاتها |
| الساعة الآن 01:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©