|
وربي ما عنده رحمه اللي ما يرد .. شي حساس
انا بقولكم اللي فيني
بصراحه انا اكثر من سنه .. حالتي تغيرت صار يجيني صداع ودايم متضايق .. ودايم ما اقدر اسوي شي يعني مثلا لو بغيت اروح لاي مكان تجيني ضيقه وصداع قبل لا اروح للمكان .. مع اني اروح لكل مكان وما اخلي شي ودايم اروح مع اهلي اذا راحوو .. بس مشكلتي اي بغيت اروح او اسوي اي شي .. احس بضيقه بصدري وصداع خفيف ودايم افكر كيف تكون حياتي بعدين ما دام حالتي كذا .. مع ان وضعي مع الناس تمام واجتماعي بس مشكلتي هالحاله اللي تجيني يعني قبل ما كنت كذا .. يعني اذا بغيت اروح لاي مكان او اسوي اي حاجه ما تجيني الضيقه والافكار واكون مبسوط وعالي العال .. ودايم تجيني افكار غريبه اني ما اقدر اسوي شي .. وما لها طعم الحياه ما ادري يمكن عين ولا وساوس ولا قلق ولا شي ثانـيـ يعني اللي مر بحالتي او سمعت عنها ما يبخل علي وما ابي حكي علمي ابي من واقــعـ تجربـه ـ |
عليك بقراءة سورة البقره ..والصلاه والدعاء ..وأذكار الصباح والمساء.وراح ترتاح بإذن الله
|
اذكر الله كثبرا استغفر واكثر من لاحول ولاقوة الا بالله وقراءة سورة البقرة و يس والمعوذات
واحرص على دعاء الخروج من المنزل والله يرفع عنك |
احرص على الصلاه جماعه فالمسجد .. والمحافظه على اذكار الصباح والمساء والاستماع للقران وقرأتهـ..
والصدقه داوم عليها والدعاء والاستغفار .. اسأل الله ان يشفيك ويكفيك ما اصابكـ |
قراءه القران والاستغفار واشرب من ماء زمزم وشفاك الله من كل داء |
الله يشفيك من كل داء اللي تحس فيه و الله أعلم هذا قولون ما يحس فيه الشخص الا اذا كان وحده و مع الناس ما يحس بشئ (من واقع تجربتي الخاصه) لان اللي فيك كان فيني و الحمد لله خفت بفضل الله أهم شئ: 1-المحافظه على الصلاه. 2-قراءة القران. 3-قراءة الاذكار وين ما كنت مو بس بالصلاه. 4-عدم الجلوس وحدك. 5-ياليت تتاكد من فحص دمك يمكن عندك فقر دم او نقص بالفيتامينات. و الله الشافي. |
ياخي انا مستغرب من بعض الشباب واللي انا منهم يخصصون اوقات كامله عشان يخططون للسفر ولا لمتابعة مبارايات ولا اي شي وعاجزين يقرؤن كم سورة من القرآن باليوم ولو اقل شي اذكار الصباح والمساء واذا ماقدرت عليهم ياخي عليك بالأستغفار وانت ماشي بالسيارة بدال ماتنشغل بالجوال ولا بمسجل السياره عليك بالتسبيح الين ماتوصل لمشوارك وشف النتيجه بعدها وراح تحكم بأذن الله في نفسك وتشوف نفسيتك انت مشكلتك تفكر ومفضي مخك ياخي اشغل نفسك بالذكر وانت ماشي بالسياره ولا علي رجولك ولا مع اي احد اهم شي االأذكار وانا اخوك وان شاء الله تضبط امورك |
اذكر الله ووسع صدرك وتفائل واتذكر ان ربك رحيم عزيز استغفر وتعوذ من الشيطان هذي وساوس شغل البقره بالبيت او اقراها كامله وسو حجامه تراها ممتازه وتصدق ولا تسمع اغاني ترى هي اللي تجيب الهم والنكد الله يساعدك يارب
|
اذكري الله و اقرأي كتابه العزيز و تفائلي بالخير تجديه
|
الله يشفيك اخوي ارقي نفسك واسمع قران
|
| الساعة الآن 12:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©