|
متضايقة من معاملة أهل خطيبي
السلام عليكم ورحمه الله وبركاته انا سعيده كتير لاني لاول مره بشترك بمنتدى بهيك مستوى عالي بس بنفس الوقت حزينه اني اول ما راح اكتب مشكلتلي ... حسيت بالمنتدى انوا صاحب المشكله بترتاح ... فعشان هيك حبيت اكتب وبعتذر منكم اسلوبي بالكتابه مش جيد خطبت قبل 4 اشهر خطبه تقليديه وتم عقد القران المشكله انا انسانه كتير منطويه على الناس طول عمري بحالي ما بقدر اندمج بسرعه وحتى انا عائله خطبيي ما بعرفهم وبالبيئة خير عني وهما كتير بعلقوا علي بهادا الخصوص "ما بتحكي ، ما بتعرف تجامل" تيب انا ناس اول مره بشوفهم وانا شخصيتي مش اجتماعيه انا من مره مش قادره اندمج معهم وكمان بدخلوا كتير في بطريقه ما بعرف هي مش حلوه او انا متعوده انوا ولا حدا يدخل في.... امرات بحس انهم بدهم يلغوا شخصيتي او بفكروني ما بفهم وتاني اشي خطيبي ما برتاح معه كتير وهو كتير بعلق علي وبلقي كل اشي بسير عنا بالبيت بوصل لاهله هادا انوعيه من الرجال ما بحيها عنا لما الوحده تخطب بتروح محلات كتير الا انا ولما اذهب على بيت اهله بروحه نفسيتي تعبانه ما برتاح هلاء انا مش عارفه شو اعمل ابعد عنه شوي احكي معه .... احكي لاهلي الغي الخطبه .... لانوا الكل بخطب وبنبسط الا انا حاسيت اني جبت الحزن لعندي... بقول ازا وانا خاطبه هيك كيف لما اتزوج متاسفه اني طولت عليكم وعلى اسلوبي بالكلام بتمنى القي الي بريحني بجوبتكم تحياتي لكم |
عزيزتي
اعتقد انك وافقت على خطيبك لانه هو اللي حبك واحضر اهله الكم ........ يعني حبيتي تصرفه هذا رغم انك مو مرتاحة له ولا لتصرفاته ومعاملته لكي لازم تكلميه عن طبيعة شخصيتك حتى يكون فاهمها مزبوط . وما يفهم انه خجل وهيروح مع الوقت لانه واضح كما قلتي انها طبيعتك وشخصيتك يعني شي دايم ومستمر وهو لازم يعرف هالشي بعدين لا يوجد شي بالدنيا يجبرك انك تقضي فترة خطوبتك بتتمني وبتحلمي ومو لاقية صلي استخارة واسألو عن خطيبك جيدآ وتحروا السؤال عنه بدقة وشوفي شخصيته واعرفي عيوبه قبل حسناته واخبري اهله ان هذه شخصيتك وهذه طبيعتك وخبريه عن اللي بسعدك وبتتمنيه وعن الاشياء اللي بتزعلك وبتكرهيها وبتتمني عدم وجودها ولو وجدتي نفسك مو قادرة تغير ي من نفسك لتسايري اهل زوجك بالمستقبل ولا لتسايريه وترضيه على هواه انصحك بالتفكير مرة و2 استخيري وشوفي سلبياته وقرري بنفسك بدون ضغوط من احد |
اتناقشي معاه وفهمى طبيعتك لازم كل شخص تكون لو حريتوا الشخصيه وماحد يدخل خصوصا اهلو لو من الان يدخلو ماراح تستمرى بعد كده معاه وراح تتعبي كتير استخيري الله دايما
الله يكتبلك كل خير |
زي ماقالوا لك الاخوات حاولي تتناقشي معه وتفهمينه ان تصرفاته تزعجك وماتحبيها وادعي ربك اذا هو فيه خير لك يستمر زواجك واذا مافيه خير ربي يعوضك ويعوضه وأهم حاجه راحتك النفسيه الله يكتب لك الخير حبيبتي:)
|
اقتباس:
|
حياك الله أخيتنا الغالية ...عسى الله يوفقك ...في رأي و الله أعلم إنك تستخيري بالأول واكثري من الاستخارة الان ..ما زلت في فسحة من أمرك ...و بعدين اجلسوا جلسة خاصة و هادية و وضحي له الامور اللي تضايقك لأنه تحديد الاهداف من البداية أمر مهم ....و هذا أفضل ما دام إنكم في البداية و لله الحمد و يظهر من كلامك إنك ما تعلقت فيه بعد ....و بعد هذي الخطوتين تقدري بإذن الله تحددي موقفك تمام ..... و بالتوفيق إنشاء الله .
|
شكرا على ردودكم
ان شاءالله راح اصلي استخاره وراح اتناقش معه والله يجيب الي فيه الخير مضبوط انا مش متعلقه فيه ... وبحكي معه بطريقه مش حلوه وكل ما يسالني مالك بقوله اني مريضه ... |
اقتباس:
تعودي تواجهي المشكلة { بحكمة وعقل } وتنهيها بوقت قصير دائمآ طول عمرك والا راح تتراكم الخلافات { مع ايآ كان } وهيجي يوم وتنفجري وتكري احداث حصلت من سنين وهتتطلعي انتي الغلطانة اللي قلبها اسود وبتشيل بنفسها حكاية انك سمعتيه عادي واجهيه بيها وخبريه انها طبيعتك وانك دائمآ هكذا وخبريه { بهدوء } انه لا يجوز ان يتكلم عن من ستصبح زوجته وام اولاده وعرضه في المستقبل بكلام جارح ولا يليق في سواء في غيابها او حضورها امام اهله او اهلها اهم شي في العلاقة الزوجية الاحترام المتبادل والصراحة الله يوفقك |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©