|
زوجي يريد أن يتزوج مسيار
مادري كيف اقولكم زوجي اليوم تعبني مره ومليت من انقاش معاه قالي انتي وش رايك اذا بغيت اتزوج اقولك او لا قلت اكيد تقولي ولا ادري من اناس قال خلاص انا بقولك انا بتزوج وحده مسيار ومابي الارضاك اهي مالها الا تلاث ايام بالاسبوع ومن الساعه 10 بليل الى اساعه1 بس والباقي لك ومالها اي حقوق لا سكن ولامصروف ولا اولاد انتي الكل في الكل . قلت لا ونا ليش مو معجبتك او مو ماليه عينك انا مقصرت معاك وكل الي تبيه مجاب قال الموضوع مالك دخل فيه لتغير بس كل الرجال يحبون يغيرون الي عنده بيضاء يبي سمراء والي عنده قصيره يبي طويله والموضوع الشرع حلل لرجال اربع ليش عشان يروح للحلال بدل الحرام . انا هو يتكلم ونا خلاص بقوم عليه اذبحه قلت اذا تزوجت سواء عادي او مسيار انا مابيك وعايفتك وقمت من عنده على الغرفه وابكي وصيح وافكر بعيالي كيف اتركهم هو جاء وراي وقال انا ماقلت شي يصيح زواجي مسيار افضل لي ولك ومراح احد يدري انا مت من الصياح ومارديت عليه وقال انا بس ابي اشوف رايك وهو مصار شي مغير سوالف شباب . انتي مايمزح معاك على طول تصدقين . يارب وش اسوي بالمزح اثقيل انا ناقصه شورو علي وش الحل وذا كان الموضوع صدق وش افضل زواج مسيار اوعادي . وكيف اخليه ينسى هذي الافكار من راسه |
والله ياقلبي ممكن يكون بيمزح ولو كان جاد فلن يغير رايه الا الله انتي ماعليكي الا انك تصلي وتدعي ةتلزمي الاستغفار والله يكتبلك اللي فيه خير
|
ياقلبي خليك بنفس ردة فعلك هذي خليه يتردد قوليله اذا فكرت تتزوج بهالطريقه مسيار وكلام فااضي
وربي ماني قاعده لحظه بهالبيت وتبي تتزوج براحتك بس اذا كل شي بيني وبينك انتهى.... حبيبتي بس كلااام عشان يشيل هالفكره من راسه اذا حس انه بيفقدك ... وبعدين وربي حسيت القولون العصبي عندي بينفجررر اش من 10 لغاية1...... ياويلللللللللللللي ارتفع ظغطي مين هالي بتتحمل هالوضع... الزواج اطهر من كذا وانا اشوف الي ترضا على نفسها هالزواج هذي بااايعه ......... استغفر الله العظيم واتوب اليه.......... |
اختي الفاضلة
لاتتاثرين بما يقول ويجد فيك الضعف ولاداعي للصراخ واظهار البكاء والتاثر ( اعرف ان الامر صعب في الحقيقة) لكن يجب ان تتعاملين معه بالركود والحكمة والتمعن والبرود الحي اختي وفقها الله الكثير من الازواج يريد ان يستثير زوجته نتيجه قصور معين ( قد تقولين لايوجد قصور مني كزوجه ) نقول لاتعلمين قمة الرضاء لديه وهنا ماايجب ان تبحثي عنه وتكمليه دون ان يشعر انك تحاولين اكمال فراغ او قصور معين بل اجعلي من ذلك كروتين يومي وطبيعيه وليست مصطنعة 0 اعلميه ان زواج المسيار وان توافقت له الادلة الشرعية الا انه زواج لاغراض معينه ولا يرضاه احد ( لقريباته ) لان التصور والغاية منه هو اشباع الرغبات الجنسية فقط وليس له مقاصد شريفه كبناء الاسرة والمستقل والمساهمة ف بناء المجتمعات والرقي بها وانه عندما يقتصر فهم الرجل على هذا الامر فهذا شي مخجل. ارجو ان تعرفين كيفية الخطاب واستخدام هذه لكلمات 0 لم توضحي اختي عدد الاطفال ومدة الزواج ومستوى الزوج وعمله وكذلك الزوجه 0 وفقكم الله لكل خير ولنا عودة إن شاء الله |
اختي انصحك نصيحه لوجه الله
ابحثي عن استشارات وقصص ناعمه الهاشمي ولها موقع .... ادخليه واستفيدي فيه ناس كثااااااااااار تغيروا من هالدكتور وهي معروفه انصحك لاتقولي ماعندي وقت واللهراح تفيدك اقري قصتها اللي كاتبتها وزوجك شكله يبي ينبهك على شي او يبي يجس نبضك والله يسخر لك زوجك واجعلك قرة عين له واجعلك تكفينه عن جميع النساء كثري من الدعاء اختي وتراك في البدايه اقري القصص والله راح تفيدك ادري كررتها كثير بس جد تفيد وبالتوفيق |
خليك على موقفك من الرفض طالما لا يوجد عذر سوى التغيير
بعدين تصير الحكاية كل شوي يبي يغير ومل من اللي موجود هذا ليس بعذر ابدآ للتعدد التعدد مباح ولكن له شروط وواجبات العدل والانفاق و.................غيرها من الحقوق التي شرعها الله للمرأة وليس تقليد للاصحاب ولا شئ يجب ان يفعله كل من يرتاد المجالس ولا شي يتبعه الرجال حتى ان لم يفعله نقص من قدره بالله عليك هذا اسلوب انسان عاقل ( غير مسؤل ) عن اولاده من زواجه المسيار؟؟؟؟؟؟؟؟؟؟؟؟؟؟؟؟؟؟ انتي ترضين. ياخذها وتجيبلا اولاد وهو بس مل وطالب الغيير ؟ |
مشكورين ماقصرتم
بس لو كان الموضوع صدق افضل زواج عادي او مسيار وبعدين هو يقول زواج المسيار عشان مافيه كلافه يقول بس 5الاف والسكن موجود ومابي منها عيال انتي بس ام عيالي وعمر زواجنا 10 سنوات والحاله الماديه متوسطه انا جامعيه وهو ثانوي ونا غير موظفه وياخت انفاس العطور انا دايم ادخل ..... وعضوه فيه . |
زوجك مايمزح بل هو جاد لاكن يبي يعرف ردة فعلك بالأول
خلي ردة فعلك كما هي وبالنسبة لزوجك اتوقع والله أعلم انه من الناس اللي يسمع كلام زملائة وأصدقائة ويتأثر فيهم هي موضة التغيير التي سببتها الفضائيات والمغريات على النساء والرجال على حد سواء والله المستعان. أنا اتوقع عمر زوجك في الـ36 - 40 سنة. أتمنى لكم التوفيق في حياتكم |
اي تغيير هذا !! داخل بقاله هو !!!
طيب جرب البيضه والسمره والطويله والقصيره هذول اربع وخلصوا !! شلون راح يجرب الباقي الضعيفه والمتينه والمربربه وصاحبة الوزن الزايد والعملاقه وصاحبة الشعر الطيل والخشن الى آآآآآآآخره !! شلووون بيلحق عليهم !!! عقول فاضيه بصراحه !! اما انتي فخليكي على موقفك !! مسيار وعادي كلهم نفس الشي يعني صار عندج ضره الله لايضرنا !!! |
كوني له أربع حتى لايتزوج عليك ..
|
| الساعة الآن 05:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©