|
حالتي النفسية سيئة بسبب رفض أهلي للمتقدم لخطبتي
بسم الله الرحمن الرحيم
اشكر منتداكم الراااائع لاني من المتابعين له وبشدة ولقيت في ردود كثير من الاعضاء الراي السديد وحبيت اطرح مشكلتي لعلي اجد الحل عندكم بعد الله تعالى اولا انا فتاة عمري 25 تخرجت من الباكلوريوس والحين اكمل دراسات عليا المهم شاء ربي وحبيت انسان بسبب مساعدته لي في احد ابحاثي طبعا هذا مو سبب حبي له بعد ما ساعدني بتجميع بعض المعلومات قال انا لقيت فيك الانسانة الي ابحث عنها كزوجة وكان صريح معي وماحب يلعب علي وبعد كم شهر طلب من امه تخطبني كانت مترددة في البداية بعدين اتصلت على الوالدة وخطبتني ومن هنا تبدا المشكلة اهلي رفضو وانا كنت متمسكة به لابعد الحدود ورح اقلكم الاسباب امي ماقالت لامه انا رافضين بس الله يهديها طنشت وانهت السالفة وهي وابوي اليوم الثاني انا زعلت وبكيت بس ماباليد حيلة وبعدها باشهر طلب من امه ترجع تخطب وهي رفضت وبشدة وانا قلت له خلاص الله يعوضنا مع اني كنت اموت ساعتها هو متمسك فيني ويبيني واقنع امه تتصل وبعدم رضا منها اتصلت لكن المفاجاة انها هي الي انهت الموضوع بعد اتصالها بفترة بسيطة وانا ساعتها انهرت ليه اهالينا كذا؟؟؟؟؟؟؟؟؟؟؟؟طيب احنا ما طلبنا حرام حد الله بيني وبين الحرام انا تعبت نفسيا وجسديا وبعد فترة طلب من امه تكلمني وافقت وكلمتني وقالت خلاص رح ارجع اخطبك بس ابي وقت مناسب ساعتها ما وسعتني الفرحة وصرت اجهز نفسي لهاليوم لكن دايما افراحي تموت ساعة ولادتها طلعت بس تواسيني والا هي لا تبي تخطبني ولا شي انا كرهتها لانها كذبت علي وعلقتني في وهم والله اني منهارة من الي سوته فيني انا رفضت اي تواصل مع الولد طالما مافيه رابط شرعي بينا بس الغصة بقلبي لاني احبه بس امه الله لايسامحها على كذبها ونفاقها والحين هو يقول انتظري اجهز حالي وياااما سمعت هالكلمة وفي نفس الوقت يقول مااقدر اسوي شي من دون امي بدين يقول اصبري وانتظري انا خلاص صبرت اكثر من سنة والله احبه ورح احبه لين اموت الاسباب الي خلتني احبه واتمسك فيه محافظ على صلاته ومهتم بشغله ومو حق طلعات وسهرات هذي الي حببني فيه وصادق معي لا لف ولا دار اما عيوبه فهي شخصيته ضعيفة جدا قدام امه وهالشي خلى امه تلعب بمشاعري .والشي الي اعتبره نصيب لا ميزة ولا عيب راتبه قليل جدا بس والله عادي عندي اهم شي اخلاقه انا احبه وماابي اتزوج غيره اهلي واهله الله يهديهم هذا الي اقدر اقوله انا والله بعد الي صار مرة رفض من امي ومرة من امه بدون مبرر وانا الي رحت فيها فكرت انتحر ما امزح والا العب لا والله فكر ت واكثر من مرة لان ضغوطي النفسية من عائلتي وظروف عائلية سيئة مابين موت ومرض وكبت وقمع وتفضيل للولد عن البنت وبالاخير اهلي والله مايغصبوني على شخص ماابيه بس في نفس الوقت مارضيوا بالي يناسبني الي ردعني عن الافكار الشيطانية(الانتحار)ديني وصلاتي وعلاقتي مع ربي كيف اغضب ربي حبيبي عشان دنيا نهايتها قبر وليه احرق قلب ابوي وامي واضيع ديني لازمت الاستغفار فترة وصلاة الليل بس الحين انا تعبانة جداااااااااااااااااااااا ونفسيتي للاسوا وتزيد سوء كل يوم عن الثاني صرت انعزل الناس وبالذات اهلي اذا تذكرت رفض امي وتطنيشها ابكي وادعي ربي يهديها ويصبرني على حرقة قلبي هذي قصتي الولد يبيني بالحلاااااااااااال وانا ابيه بالحلااااااااااااااااااااااااال وغير كذا حد الله بينه وبينه عطوني حل الله يسدد رايكم ولي رجاء خاص الي بيرد لا يجرح يلتزم حدود الدين والادب ولا تنسوني من دعاءكم في ظهر الغيب اختكم المهمومة |
ماشاء الله تبارك الله
عقليه واعيه بسم الله لكن لفت انتباهي قولك اقتباس:
اخيتي لست اكتب هذا الكلام لألومك .. كلا وربي ولكن لكي لاتظلميه وتأخذي الاثم اما مشكلتك فالدعااااااء هو الوسيله وما سوى ذلك اتركه لمن لديه الخبره والفائده اسأل الله الذي رفع السموات بلا عمد ان يصلح شأنكِ كله .. وان يختار مافيه الخيرة لكِ ولست اقول سوى : عسى في الامر خيره حفظكِ المولى اينما كنتي |
طيب حبيبتي امك وابوك ليش رافضينه
دام انتي راضيه فيه ومافي اي عيب |
(شوق والم) ربي يسلمك يارب جعل حياتك كلها سعادة وربي مايفتحلك باب للالم ان شاء الله ومشكورة عالرد.(قلبي طفل مغرور)الله يسعدك ويسعدك قلبك اهلي رافضين لانه مو من نفس القبيلة وراتبه قليل وانا احترم اهلي واحطهم على راسي من فوقي بس يا اختي العادات والتقاليد الي تتعارض مع الدين والمصلحة انا ضدها ولا اؤمن ياي عادات وتقاليد واعراف الا بعد وضعها في ميزان الدين.اشكر الادارة الي رتبت موضوعي بس عندي ملاحظة بسيطة انا سبب الحالة النفسية السيئة الي امر فيها ليس من اهلي فقط ولكن حتى من امه وتصرفها اللاواعي والغير ناضج معاي فيا ليت تتوضح هالنقطة للكل انا اعترف ان اهلي غلطانين وفي المقابل امه غلطانه وابوه لايحرك ساكنا وحبيت اوضح شي ثاني انا قصدي من جملة(شخصيته ضعيفة جدا عند امه)اقصد بالحق يعني بالرغم من غلطة امه معي يشوف انها ماغلطت ويدافع عنهاومستحيل يبين لها الحق من الباطل كل الي يقدر يسويه يسمع كلامها حتى لو فيه غلط اما من ناحية طاعتها فوالله وربي يشهد على كلامي اني اتضايق وازعل اذا جرحها بكلمة بس هذا مايعطيه ولا يعطيها الحق في انها تظلمني وهو يسكت ياريت تكون الصورة اتضحت للكل انتظر المزيد من الاراء السديدة النيرة
|
ياناس والله حالتي النفسية في تدهور احس نفسي في دوامة ودي ارتاااااااااااااااااااااااااااااااااااح والله فقدت شي اسمه استقرار وراحة ساعدوني لاتتركون الهم يذبحني يكفي ماصابني منه
|
اختي الحبيبه
وفقك الله لكل خير عجبا يااختي وفقك الله لم الزعل والتضجر ....! ولماذا احرق اعصابي واتعب نفسيا من اجل شي ليس بيدي او بيد آخر هل تعرفين لماذا اولا يااحبيبتي وفقك الله .. امتحنك الله ليختبرك .. هل فعلا انتي باره بااهلك دايما وخصوصا بالمواقف انا لااقوووول انت تعاقينهم كلا برغم نحن لسن معصومين والله يرزقنا برهم الله آميييييييييييييييييين ولكن الله يختبرنا بالمواقف سواء كانت سهله ام لا فإذا علم الله مصداقيتك وصبرك والللللللللخ ورضيت بما قدره الله لكي رفع عنك الدرجااااات وكفر عنك سيئاتك وثانيا ياحبيبتي وفقك الله .. ووالله لو هذا الشخص من نصيبك سياتيك حتى لو صار ماصار غضب عن كل من رفض فأارادة الله آت لا محاله ان ارااد الله النصيب .........!! وبالعكس يااختي في الله .. رحمك الله واحبك الله حتى لاتعيشين حياة زوجيه فيها مشاكل وربما اشياء لاتتوقعينها وتندميين ...!!؟ فكري بعقلانيه يااختي في الله .. لم اصر على نفسي واغصبها على انسانه لاتريديني لأبنها ....!! واجيب المشاكل لنفسي وانا في غنى عنها ........!؟ اختي الحبيبه وفقك الله لكل خير تعوذي بالله من الشيطان وبر اهلك وعامليهم بلطف واصبري عليهم الله يوفقك ورفض اهلك لشخص هذا باامر الله وكل شي بإرادة الله فأانصحك لاتكلميه بتاتا واعتبري ليس موجودا على الدنيا فثقي ثقة تامه الرزاق هو الله وهو القادر على كل شي ماعليك الا الإستغفاااااااااااااار والدعااااء يوميا وكوني دايما على طاعة الله ولاتقولي مانفع او عجزت او يأستي من رحمة الله وهو الرحيم الودود فصبر جميل وفرج قريب بإذن الله وفقك الله لكل خير وثبتك الله على طاعته ورزقك الله الزوج الصالح خير منه وافضل منه الذي يعينك على طاعة الله ولايعينيك على معصيته وهو راضي عنه وعنك ان شاء الله عاجلا غير آجل اللهم آميييييييييييييييييييييييييين |
(همس القلوب)الله يرفقك دنيا واخرة وينور دربك.مشكورة عالرد بس والله مستحيل انساه اما عن بر اهلي وطاعتهم اسال الله الا يحرمني ولا يحرمك ولايحرم كل مسلم هذا الامر العظيم .ربي خلق للانسان عقل وخلق ايضا عاطفة اسال الله ان يرشدني للصواب ويهدي قلبي امين يارب
|
نصيحتي لاتكلمينه خليه يتقدم لك رسمي وبعدين يصير خير دام انه يحبك ويبيك بالحلال قدر يلزم امه انه تتقدم لك وانتي لك حريت التصرف
|
mr3nad الله يوفقك عالنصيحة هذا الي نويت اسويه والله يكتب لي مافيه الخير ولجميع المسلمين بس والله حالتي النفسية جدا تعبانة وامي رحت المستشفى عشان اتطمن على نتايج تحاليل سويتها من فترة قالت الدكتورة كل شي سليم بس نفسيتك تعبانة وهذا ماثر على هرمون عندك مرتفع جدا لازم ترتاحي والله اني تحطمت زيادة بس الله ييسر لاتنسوني من دعاءكم
|
امي = امس عفوا غلطت اثناء الكتابة
|
| الساعة الآن 09:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©