|
تكاليف الزواج أرجو المشوره
السلام عليكم
كيفكم جميع مدري من فين ابتدي لي كم يوم شايل هالموضوع في بالي " احسه مثل الهم " سبحان الله ما ادري شلون دخلت هنا بالمنتدى .. قلت اطرح هالموضوع .. لا احد يبخل علي اول شيء انا سعودي من سكان الغربية موظف .. راتبي 3500 >>> لو تسمعون مسمى وظيفتي و مكان وظيفتي تقولو 9000 راتبه بس الحمدلله على كل حال المهم .. بعد وبعد وبعد ... خطبت و وافقو الجماعة اهلي يبون العرس في العطلة ان شاءالله يعني على بداية 8 انا شريت مكيفات و دولاب مطبخ ومجمع 10000 الاف ريال وبجمع عليها للمهر " المهر 30000 " الحين كم يكلفني العرس حسبتها مع ولد خالتي طلع كله حول 40000 من غير المهر بسوي الملكة واقدم على الحمعية الخيرية >> تعطيني 15 ارجع لها 10 اقساط في سنة الظمان الإجتماعي يعطيني 7 .. هذه الحين 22 الباقي شلون ادبره :25: .. مافي جمعية مني مناك ... او او او افكار او او والله اني ماني قادر افكر ... تفكيري وقف لا تقولون لي بنك التسليف .. متى بيعطوني بعد 3 سنين وعشان تكونو في الصورة .. انا بأسكن في بيت ايجار .. لو احد بعد يحسب لي اغراض البيت من جديد وكم تكلف ... اخوكم حايس .. ومش عارف راسي من رجلية :d |
ربي ييسر أمرك
أحسك ورطت عمرك بالعرس مع هالراتب كم عمرك ؟ وليش استعجلت ؟ المفروض تأهل نفسك قبل تتزوج ... في مجال ترقية ؟ أو تحسن وضعك المادي بدارسة او دورات او عمل اضافي ؟ لان بتدبر اوضاعك الان لكن بعدين كيف بتسوي في الاجار والمصاريف والخلفة اذا ربي كتب .... وانت عارف كيف الغلا عندنا يعني حتى اللي راتبه اعلى منك يدوب يمشي اموره مع الديون وانا ذكرت هالامور لاجل أحطك بالصـــــــــــــورة وماراح أجامل وأقول انك راح تمشي أمورك بالبركة حاليا عندك الاجهزة الكهربائية يوجد نظام اقساط ميسر وعندك الاشتراك في الزواج الجماعي في الامارة يعطونك قيمة او قسائم لاثاث شقة وكمان اعانة مالية ومشروع بن باز في الرياض اذا تقدر تقدم عليهم يعطونك عشرة الاف بعد مرور سنة على الزواج <<تفيدك في الاجار ربي يعيــــــــــــــــــــــنك ؛ |
اقتباس:
امين يارب .. لا والله ... ان شاءالله اني ما ورطت عمري ... عمري .. 26 ... ليه تزوجت ... اخاف على نفسي من الحرام ... فيه مجال للترقية ... او اكون رسمي ... انا مبرمج كمبيوتر الترقية والترسيم كله بالواسطة ... وانا واسطتي ربي فاهم عليك .. انا اقدمت وغامرت لأن فيه حديث : وعن أبي هريرة - رضي الله تعالى عنه - قال: قال رسول الله -صلى الله عليه وسلم-: ثلاثة حق على الله عز وجل عونهم: المكاتب يريد الأداء، والمتزوج يريد العفاف، والمجاهد في سبيل الله رواه أهل السنن إلا النسائي الأقساط حق الأجهزة الكهربائية قد ايه يستمر >> لا تنسي ان وراه ايجار بيت مشروع ابن باز اقدر اخذه ؟ او فقط لسكان الرياض ؟ |
بالعكس ياخوي انا معاك انك تتزوج واكيد ربي بيعنك لاورطت نفسك ولاشي فيه الى رواتبه اقل منك وربي عانهم وفتحو بيوت والحين مرتاحين
ماشاء الله مبلغ ميه الف ممتاز واهم شي انك تحاول ترتب امورك وبالنسبه للشقه الى بتستاجرها الاثاث موشرط البيت كله مثلا غرفه النوم والمطبخ والباقي بعد الزواج على مهلكم انت وياها وممكن تستفيد بعد الزواج اذا كان يجيك (الرفد) هذا الى عندي ان شاء الله ربي يسهل امرك ويتمم لك على خير |
اقتباس:
تسلمين والله واسعدني تواجدك بعدين لحظة لحظة .. المبلغ مو مية الف ... من فين مية الف ... كل الملبغ االلي عندي عشرة اللاف ريال ... تصدقين عاد .. فكرة حلوة >> اقتباس:
دعواتك اختي ... الله يحقق لك كل اللي تتمنينه |
اقتباس:
ماعليك الا تجتهد وتاخذ بالاسباب والعون من الله وتذكر قول الحبيب قال رسول الله صلى الله عليه وسلم ( ثلاثة كان حق على الله ان يعينهم وذكر منهم الناكح يريد العفاف ) |
ايه بس في حديث يقول اعقلها وتوكل
بعدين ما سالتك ليش تزوجت قلت ليش استعجلت؟ قدم على الزواج الجماعي في الامارة افضل والاقساط تقعد عام واحد ومشروع بن باز يعطون حتى اللي خارج الرياض عاااااادي وما نسيت ان عندك اجار بيت بس انا انصحك تشتري شقة اقساط مثل اللي تقدم له 20000 ريال وتقسط لهم شهريا تقريبا 1500 الى 2000 ريال يعني انت جامع جامع فحطهم في تمليك افضل واكثر استقرار وامان من التنقل بالشقق موفق؛؛؛؛ |
اقتباس:
اول شي اخوي مبروك على الزواج ثاني شي اخوي"الله كريم" وبالمال الي عندك لو ربي يبارك فيه صدقني راح اتكفيك وزياده انت عليك بالدعاء بيسر الحال اقترح عليك شي اخي من طرحك للموضوع حاس الفتره بين الملكه والعرس بسيطه فلو تخلي فتره بين الملكه والعرس اتجمع فيها مصاريف العرس والقاعه بدل ما اتكون دفعه وحده ملكه وعرس سوى |
يااخى توكل على الله ربك كريم ربنا بعين فى الزواج ان شاء الله ربنا يفتحها فى وجهك ويرزقك
توكل على الله اخى هذى اول فرحة لك والف مبروك لك |
ليش تكاليف الفرح 40000
مرة كثير لو يكون فرح باستراحه وبسيط وتوفر الباقي لاشياء اهم وان شاء الله ربي يباركلك بمالك وييسرلك امرك |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©