|
نقاط كثيره .. تعبت من التفكير فيها لوحدي
السلام عليكم
بحاول اختصر لكم قد ما اقدر مخطوبه من شهرين لشخص يمدحه الوالد والي حلوله ( محافظ - غير مدخن - جامعي - نسب مرموق - معرف بالاخلاق الحميده - ) طبعا امي ودها أني متزوجه من 18 سنه:23: وحاليا عمري 22 والعريس 26 الامور الي احس تعبتني وانا افكر فيها وتعبت معاها .. كارهه فكرة أعيش بقية عمري مع شخص وناس أغراب علي .. لاتقولون لي منتى اول وحده واخر وحده تتزوج احد ما تعرفه صحيح لكن انا منغلقه :24: .. اوضح لكم اكثر انا الكبير في العائله والله ما اكذب عليكم ما عرفت امي الا من بعد كم سنه تقريبا من بداية الجامعه وحتى الان ما وصلت لدرجة افهمها وتفهمني بوضوح في امور مشوشه كثيير بعلاقتنا لكن الي بقوله ما صدقت انسجم مع امي وابوي واخوني كبرو وتعدلت امي معاملتها لانهم كبرو ..اجي الان بكل سهوله وارجع اعيد معاناة التأقلم مع أوادم ثانين .. وانا كثير اجامل وامسك نفسي ومهما اشوف من امي لكن ما كأن شي صار ارجع بعد مده قصيره ولاكن شي صار يعني قد ما تقدرون متحمللللله كله لانها امي واهلى ومالي غيرهم وهم بعد مايأخذ ربي أمانته بيقومون بعزاي ويذكروني بالخير ويدعون لي وانا بنتهم مهما كان .. بعد ما قررو يزوجوني حسيت انهم يكرهوني شلون يطاوعهم قلبهم .. أعرف امي بتزوجني وترتاح على كلامها البنات هم ودئما تتضايق من تصرفات الوالد معي لانه يحن علي ولي مكانه بقلبه كثير .. بس عشان تكونون بالصوره قبل امس جالسه اسولف مع الوالد ونتكلم عن امي وان اخوانها هاليومين من بعد وفاة ابوهم وهم ضاغطين عليها وكذا .. وانا اقول ايه والله مسكينه الله يكون بعونها ويسخرهم لها والا وهو يقول سبحان الله شي غريب قلت وشو قال من فتره مسكت جوالك واشوف اسم الغاليه قلت منهى هالغاليه عند بنتى الا وهو رقم امك قلت ايه عادي .. قال لا انا كنت احسب انك تكرهينها من كثر ما .... لاشعور دمعت وهو بعد مع بس ماحب انتبه له .. قلت له الله لا يخلينا بس اذا دمعت لاني ابي ذكريات حلوه فيها حنيه ام على بنتها .. اكثر الأشياء الي تضغط على اني ما الغي الزواج انه (احلى شي بالولد مايدخن) + امي تنبسط وتتهنى بحياتها وانا بعيده عنها (قبل ما يجي هالخطيب جابت لي خرابيط وقالت تسبحي فيها على وقت المغرب حتى اذا احد فيه عين فيك تروح وش ذا كل ما جانا احد لازم يصير شي ويتفركش الموضوع ) + الوالد مبسوط من الولد مره حسيت بالثقه شوي . عند امي كل البنات احسن وازين واسنع مني :29: الله يهنيهم بس الي يقهرني مافي زين يعجبها فيني الا تطلع عذروب بكل شي .. احب يكون عند اطفال واربيهم وابدع في تربيتهم ويكون زوجي خلوق واعيش حياة حلوه .. بس احب اخواني الصغار تعلقت فيهم بقووة واحد مهم من صغره ملازم لي .. اعشقهم هم اكثرمن 5 .. الان الوالده كل همها في زواجي تسوي عرس يتكلمون عنه الناس ولو علي لاعرس ولايحزنون ماله داعي هالخساير .. و برنامج العروس جالسه تصممه وكل ماقت شي عارضت وسوت الي تشوفه ماقلنا شي بس تعطيني وجه على الاقل لكن انا السبب دائما ساكته وما اعارض ولا ابدئ وجة نظري يعني الي مثل عمري وبكر امها تكون صديقه لها لا انا احس علاقتنا اندمرت لان الوالد يعاملني بشكل مميز بس طبيعي بنته بكره مافيها شي عموما اشهر القابي " جارتي " . مدري حسيت بنفجر من الي فيني احس بسون جريمه بتزويجي .. وصعبه اسولف على خواتي او اخواني بعد هذي امهم وخصوصا انهم ممكن ما يصدقون لانها تعاملهم معامله مختلفه بتاتا عن معاملها لي لكن طبعا بدون حضورهم و احيانا بحضوره بس تكون مدسوسه مايفهمونها.. في لازم يبان امي تقدر الناس بشكل مهما قالت عكس وانهم اخر همها .. احس اني مليانه عقد و اخاف اذا خذ هالولد يتنكد بسببي وطبعا بكل تأكيد تربية الشخص لها دور في تكوين شخصيته و.. او اجيب اطفال واتعبهم في هالدنيا او اكون مجامله وممثله على زوجي واحافظ على نفسي كما الوضع في بيت اهلي .. ابغى ازعل واعصب واعبر وافرح واضحك متى ما اشتهت نفسي .. يعني انا اكبرممثله من لما اطلع من غرفتي مع كل من حولي من اهلى واعمامي وخوالي والبنات الي بسني .. انكشف اذا شفت وجهي بالمرايه وطالعت عيوني تخنقني العبره والله على حالي بهالدنيا .. كتبت لكم بدون ترتيب للأفكار او الجمل " تغرق عينوني في بعض الجمل فلا ارى الشاشه بوضوح لكن استعين بذاكرة حفظ اماكن الحروف " ولا عندي هدف اساسي من كتابتي لكم لكن ودي اقول يقالي ونقول حتى ما افضى من كل هالامور .. والي عندكم متقبله شكرا لكم |
اقتباس:
|
شكــــــــــــــــــــــــــــــــــــــــــــــــ ــــــــــــــــــــــــــرا لك والله يتمم على خير ..
|
وعليكم السلام أختي الكريمة ترى كل الافكار اللي تفكرين فيها ما كان لها وجود بحياتك أصلاً أو تفكيرك إلا لما تم قرب خطبتك وزواجك.... ولو ما كان فيه خطبة وزواج ما كان فكرتي فيها بهذا الكم .... يعني مثل المراحل الإنتقالية للإنسان لا بد تمر عليه افكار وهمية يعيد فيها تقييم ذاته وحياته وهل سوف ينجح أم يفشل ..... غالب هذه الافكار تكون مسبقة بإجابة سلبية ....!!!! وهذا بيت القصيد وعلى العموم هي عملية أشوفها طبيعية بنظري .... اقتباس:
يعني لا تشيلي هم .... كل بنت تشوف الشقى من أمها والتدقيق والحرص ،،،، طبعاً بحسن نية ومستقبلاً إذا تزوجت ورزقك الله ببنات وكبروا .. بتشوفين تعاملك معهم قريب من تعامل امك ؛ وكل حرص عليهم ..... وفقك الله وابعد عنك وساوس الشيطان وتمم لك على خير عزوبي:22: بس:d رجل:30: |
تزوجى وتوكلى على الله هذا نصيبك وادعى الله
|
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©