ساعدوني بكوافيرة مكياجها خفيف في جدة !
 

حبايبي انا في جدة بعداسبوعين عندي ملكة اخويا ابغى اعرف اماكن تبيع فساتين حلوة وتكون مو مرة غالية لان الملكة بقاعة وابغى كوافيرة مكياجها خفيف وحلو ومجربة منكم ياريت تساعدوني ماني عارفة فين اروح

ياريت اقدر افيك بس دخلت اباركلكم

الف الف مبروك ربنا يبارك لهما ويبارك عليهما ويجمع بينهما في الخير يارب

تسلمي يارب ياسعاد الله يسعدك تراكي معزومة اتفضلي واكون متشرفة والله

مبروك لأخوك
بارك الله لهما وبارك عليهما وجمع بينهما في خير
بالنسبة للكوافيرة عندك بقاعة رهام بحي الصفا واسمها ايمان شغلها مثل ريما وجدا رخيصة
والفساتين عندك لمسات كله فساتين

أختي الورد الجوري تفضلي هذه الروابط لعلّها تفيدك..

http://www.66n.com/forums/showthread...D5%C7%E1%E6%E4

http://www.66n.com/forums/showthread...D5%C7%E1%E6%E4

وفقكِ الله.

الله لايحرمني منكم يارب تسلموا على ردودكم جات في بالي نوارة افتكرت كم وحدة مدحت فيها ايش رايكم؟؟

الفساتين(المساعديه-التحليه-جده مول -لمسات-الحفني-الاندلس الدور التاني-عزيز مول الدور التاني)
الكوافيرات
شوفي ياقلبي على حسب اي مكان تروحي وطلبك
العنايه الملكيه غااااالي لكن عفت اللي تصليحها حلو بس بس اما البقيه مو مره وغير كدا عفت تمسك العرايس لو عندها عرايس ماتوقع تمسك احد ولازم تحجزي قبلها بوقت

بنت عمي لزواجها راحت فيهه وسبحان الخالق طلعت قمر

مشغل لمسات على مااعتقد بالخالديه اموت وانااقول خيال كله شغل ناعم ولبناني وغااااااااالي

عندك كمان سيرنا وتطلبي انو يكون خفيف

وانا مجربه اروح الدلال واطللللللللللللللللللب خفيف هما مكياجهم تقيل لكن محد يصدق انو رحت عندهم وتساريحهم روعه

على فكره العناية الملكيه ماعجبتني تساريحهم ابدا