|
مصدوم وغير قادر على نسيانها
انا اسمي محمد بقالي شهر واحد خارج من قصة حب 7 سنوات الحكاية مجملا اني قابلت فتاة بالصدفة
عمرها 16 عاما وعمري وقتها 19 عاماوشدتني لهاوحبينا بعض واتعلقنا ببعض لمدة 6 اشهر وبعدين سبنا بعض لظروف خارجة عن ارادتنا لمدة 9شهور ولكن مفيش حد نسي التاني ورجعنا لبعض وبعدهابسنة قرينا فاتحة وهي كانت في اولى كلية وانا في ثانية بعد قراءة الفاتحة بسنة صارحتني بان مشاعرها اتغيرت وانها مش حاسة بي زي الاول وان اللي هي حساه عشرة وتعود بعد ماكانت بتعشقني وفجأة اتغيرت في مشاعرها وحبها انا من غير تفكير قلتلها مش هبعد عنك وهاستحمل لغاية ماترجعي لطبيعتك تاني وتحبيني زي الاول عدت سنة مابين تقلبات كتير وانا بحاول اصدق انها بتحبني وان ظروف المذاكرة والكلية هي اللي بتخليها تهملني وبدات مشاعرها تبقى باردة ولما اعاتبها تتخانق معايا وتقوولي حرام عليك انت بتخنقني من كتر العتاب المهم انا عشان بحبها استحملت لغاية مااتخطبنا وعدت حوالي سنة بعد الخطوبة وهي برضه حقيقة مشاعرها مش واضحة لو خارجين مع بعض بتبقى فرحانة معايا وبحس انها بتحبني ولو بقينا بعيد تنساني ولما اوجهها لكده بتعمل الحاجة ارضاءا لي وبدات تشتكي من عيوبي رغم اني كنت حنين جدا وبحبها جدا وهي معترفة بكده وعارفة اني مش ممكن استغنى عنها بس كانت بتزعلني ومايهمهاش وانا كنت بتغاضى وامشي الامور عشان داخلين على جواز وانا الحمد لله شقتي ملكي موجودة وجبت كل الاجهزة الكهربائية ومش بشكر في نفسي انا الحمد لله من اسرة طيبة وملتزم دينيا ومتجدد ومحبوب الحمد لله من الناس وفي نفس الوقت بحب الضحك والفرفشة ماليش في النكد ورغم كده كنت بستحمل النكد منها وامكانيات الجواز متوفرة وبشتغل في مكان مرموق وبحبها اوي ومحتويها جدا بنات كتير كان نفسها ترتبط بي بس انا مابصتش لغيرها من ساعة ماعرفتها وفي الفترة دي هي فرحانة بتحضير الشقة وانا كمان وبنتفرج على السيراميك والاثاث ولو اختلفنا بتكبر الموضوع وتقولي ده بيتي وماينفعش انت كولد تتدخل وفي نفس الوقت دقيقة لدرجة تخنق لو الحاجة ماتعملتش زي ماهي عايزة يبقى ماتنفعش وتقلل من قيمتها وده كان بيحبطني جدا غير انها في اخر فترة كانت ملاحظة العيوب بس مابقتش شايفة اي حاجة وفي مرة بعاتبها في التليفون وخناقة عادية جدا راحت قفلت السكة وفوجئت بعدها انها قلعت الدبلة وضيعتها وانا رحت وغلط نفسي اني نرفزتها وزعلتها وجبتلها هدايا كتير وصالحتها ووعدتها اجبلها دبلة تانية غير الي ضاعت وبعدها جبتلها فستان كتب الكتاب وبعدها ب3 ايام اتخانقت معايا تاني وسابتني زعلان يومين وكلمتني وقلتلها بمنتهى الصراحة لاول مرة انا مش عارف اتجوزك ليه انا مش كسبان اي حاجة حتى المشاعر والاهتمام مش لاقيهم قالتلي هوعدك اتغير ومفيش يومين ورجعت تاني نفس المشاكل وسالتها فين وعدك لي قالتلي انا اتخنقت منك وحصل بينا اخر مقابلة خناقة كبيرة وفتحنا مشاكل كتير واتهامات كتير وفي الاخر قالتلي انا مابحبكش ومش عايزاك وبرغم كده قلتلها انا متمسك بيكي وبحبك وندي نفسنا فرصة او بمعنى اصح انا غلط نفسي عشان مش عايزها تضيع وقلتلها انا مش عايز منك اي مقابل وهاعملك اللى انتي عايزاه وانا فرحان ان الجواز قرب واتفقت مع مامتها اللي كانت في صفها بس في نفس الوقت عايزاني اكتر من البنت وقالتلي نتقابل الاسبوع الجاي وكل واحد ياخد قراره النهائي وبعدها كلمت مامتها في التليفون وقلتلها ماتزعليش وخليكي في صفي قالتلي انت مش هتتغير وهتفضل تضايقها كل ده عشان بطلب حقى انها تحسسني بحبها قالتلي انا مش هاضغط على بنتي كفاية كل مرة بتبقى هي عايزة تنهي الموضوع وانا اللي بضغط عليها تكمل وعدى اسبوع وفوجئت انهم مش بيردوا علي ومش عايزين يكلموني والبنت كلمت والدي وقالتله عايزين نقعد مع بعض ولكن حصل ماقدره الله عمي توفي الشقيق الاصغر لوالدي وكانت صدمة كبيرة يوم الثلاثاء15-12-2009 الحمد لله انا لله وانا اليه راجعون وبعدها باسبوع الثلاثاء 22-12-2009 قابلت البنت ومامتها والدي وقالتله انها مش قادرة تكمل وقعدوا اكتر من ساعتين يفتكروا كل خناقة وزعل وطلعوني في الاخر اني ماعملتش حاجة حلوة من الاصل والله العظيم كل طلبتها كانت اوامر وكنت ببديها على في كل حاجة حتى المشاعر كنت بدي بدون مقابل وفي الاخر الصدمة الكبرى مامتها مسجلة اخر مكالمة اللي بطلب فيها انها تسامحني عشان انا عايز اكمل لان فرحنا كان في شهر 4 /2010 بس بعد موت عمي قبل والدي مايقعد معاهم قاللي انه هيقول ان الفرح يتاجل كمان سنة فالحمد لله ده كان تمهيد من ربنا ان الواحد يهيأ نفسه لظروف جديدة وان مفيش فرح في الوقت ده وبعدها اتصدمت لان ابويا قاللي انها مش عايزة تكمل وقفلت كل ابواب الرجوع او حتى التفكير وده كله لاني اكتشفت متاخر اوي انها مش بتحبني بس انا اللي كنت مش عايز اصدق ده لاني حبتها اوي وكنت فاكر بمجرد الجواز هننسى كل المشاكل وبرضه لما نبقى قصاد بعض هنعرف نتعامل والحب يزيد وان كل المشاكل دي بتحصل قبل الزواج عادي انا لغاية اللحظة اللي بكتب فيها الكلام مصدوم ولكن راضي بقضاء الله ومرتاح نفسيا لاني مابعتش وماظلمتش وكل عيوبي اني مش لاقي حقي وهي ماعندهاش مشاعر حقيقية ولما بتحس اني زعلان اوي كانت بتعمل حاجات بسيطة انا اللي ببقى طالبها حتى كلمة بحبك مابتتقلش غير لما اقول انا وساعات كتير كانت بتطلع وانا كمان حتى مش قادرة تنطقها لانها مابقتش بتحبني ولا حاسة بحاجة ومش عارف ليه مكملة معايا كل ده هل عشان مستمتعة بحبي ليها وبرضه مش عارف هل لو ماكنتش اتخانقت معاها كان الموضوع هيكمل انا بادعي ربنا من كل قلبي انه يوفقها وماتتعبش في حياتها لاني خايف عليها من عقاب ربنا لانها ظلمتنى بس ربنا غفور رحيم وانا مسامح في حقى وبدعي ربنا انه يعوضني بواحدة تعوضني الحنان اللي انا مفتقده منها وبجد ياريت تعرف قيمتي وانا بدعي ربنا انه ينزعها من قلبي لاني مش قادر انسى ايامي معاها رغم كل اللي عملته ولسه حاسس اني بحبها ..ولكن الله قدير ومقلب القلوب ويارب نسيهالي نفسي بجد افوق من صدمة الحب الاعمى .بجد نفسي الاقي حل وهل هاقدر انساها واعيش الحب الحقيقي بجد وهل هي هتندم ولو رجعت هل هتبقى بتحب بجد؟؟؟ |
اخي بارك الله فيك
الحكاية ومافيها زي ما بيقولو ان القصة ابتدت معاك اعجاب ولهفة مراهقة لا اكتر وانت بطبعك رومانسي وحساس زيادة ومتأثر بقصص الافلام والحكايات عشت وهم الحب وكملت فيه دون وقفة جادة لدرس الطرف اللي قدامك او لدرس علاقتكم مسالتش نفسك وانت بتقول انا ملتزم دينيآ ازاي تظلوا مرتبطين كل هالسنين ان هدا حرام ولا حلال؟؟؟؟؟؟؟ البنت شكله لسه صغيرة ومش حابة فكرة الارتباط اصلا وعايزة الخروجات والطلعات بدون مسؤلية عدا عن انها شايفاك ميت عليها بدت تتدلل وتتشرط وواضح انها مكنتش بتحبك اصلا رأيي تفوق من وهم هذه القصة وتستغفر الله على هذه السنين الطويلة اللي ضيعتها من عمرك في معصية الله لان العلاقة الحلال اللي ربنا بيبارك فيها بتكون بعد ما الطرفين يكون يبنهم كتب كتاب بتصير زوجها وهي زوجتك بالحلال عدا ذلك طول فترة الخطوبة انت اجنبي عنها ولا يجوز ان تسمع منها كلام حب ولا تعبير عن مشاعر والقعدة معاها تكون بوجود والدها تتناقشوا بلاشياء الهامة الاساسية عشان تعرفوا شخصيات بعض بعيد عن كلام الافلام وحب الراجل للبنت اللي الافلام زرعته فينا بدون رابط شرعي ارى ان تحمد الله لان العلاقة اصلا حرام وحتى لو تزوجتم مفيهاش بركة وابدا قوي صلتك بربنا واطلب منه انه يهديك ويغفرلك ويعوضك ببنت دات اخلاق ودين تبني معاها بيت سعيد بالحلال وفوق من عالم الوهم والاحلام اللي كنت عايش فيه |
وجهة نظري في قصتكـــ انها حب مراهقة من الطرفين وكانت قلوبكم فاضية من الحب {العلاقة العاطفية بين الجنسين} . ونصيحة أنسى اللي صار ولاتفكر فيه . وعليك بالتوبة والمحافظه على العلاقة بينك وبين ربك . يزينها ربك |
المهم انسها وتقرب اكثر من الله بالطاعات من صلوات ودعاء و اكثر من الاستغفار
ونزعاتكم كثيرة قبل الزواج فما بالكم بعد الزواج اشغل نفسك بعملك وأن الله سيعوضك الله بخير منها |
لو عايز تلوم حد في الموضوع دا كله لوم نفسك لأنك من البداية عارف إنها تغيرت ناحيتك .. وصرحت لك بعد فترة إنها ماتحبكش .... عايز أكتر من كدا إيـــــــه الحب بيجي من ربنا يا أخــي والحمدلله إنك ما تجوزتها كان الموضوع حيكبر أكتر من كدا وتخسر حاجات كتير .... والبنت بدلها مليون بنت ربنا يرزقك باللي تستاهلك وتسعدك وأنت سامحها عشان ربي يسامحك كمان ... بالوفيق |
اقتباس:
.... |
88
سعاد حررت الرد الأول تفادي لأي هجوم وفيما يبدو إنك لحقتي عليه :) ولكل بلد عادات يختلف عن البلد الأخر ... فالبعض يسموا ( عقد القران ) الملكة يعني .. الخطوبة هذا اللي جاء ببالي .. |
بالنسبة الي أنا قريت قصتك بالكامل ..
الله يعينك موقفك صعب و ما بقلك من السهل تنسى ، صعب كتيييير و يمكن تطول سنين لحتى تنسى .. بس لازم تنسى هيه يمكن فعلا حبتك او تعودت عليك و تعودت انو في حدا بحبها و استمتعت بهالشي و عاشت ايام حلوة معك و بعدها فاقت و حست انو هادا كلو كان مجرد اعتياد و ادمان عليك و ما هو حب حقيقي منيح انو هيه اكتشفت هالشي هلأ قبل ما تتزوجوا لأنو في ناس ما بكتشفوا الا لبعد الزواج و بعد سنين من الحب بيتطلقوا الحب لازم يكون من الطرفين ، و لما بكون من طرف واحد بيفشل ، الشي الي صار خير بحقك و ربنا عطانا نعمة النسيان ، انت ما رح تنسى بسرعة ، و اشغل حالك طول الوقت لا تترك وقت فراغ حتى ما يشتغل عقلك و ذاكرتك و تسترجع القصة و تفاصيلها .. في طريقة انك تنسى أسرع و هي : طالما انت مقتدر ماديا عالزواج، ابدا دور على بنت الحلال ، خلي أمك أو خواتك أو أي حدا يلاقيلك بنت مناسبة و و اطلب ايدها و لما توافق (رح تكون معجبة فيك و لذلك وافقت ) و رح تجبك أضعاف الحب الماضي و بإذن الله رح تعوضك مافي طريقة تانية، و استعين بالدعاء ، خاصة قبل أدان الفجر .. نصيحة دايما توجه لرب العالمين مستحيل يخيبك ، و ضل ادعي لحتى ربنا ينسيك و يوفقك بالزوجة المناسبة يلي تحبك و تقدرك و تعوضك و طبعاص لا تنسى صلاة الاستخارة ، صلي من أجلها و من أجل غيرها لا ترتبط بأي فتاة حتى تستخير ! و إياك انك ترجع تحاول تتصل فيها بأي طريقة كانت ! آخر شي بقلك ياه ، لا تنقهر على شي (ما عدا الذنوب) ما بتعرف شو الحكمة ، و يمكن انت أخدت دروس و تعلمت من تجربتك بدعيلك بالتوفيق |
اللي فهمته انكم انفصلتو خلاص
اخي غلط انك تتمسك فيها كل هذا التمسك وانت عارف انك جالس تكابر نفسك عز نفسك تلاقيها انت ذليت نفسك بشكل مش طبيعي .. وهي صرحت لك ولمحت ونفذت كلمتها ( انا ما احبك) وانت مصمم الا تتمسك فيها ياخي حرام المجهود اللي انت ضيعته عليها لو انك حطيته في بنت فعلا تقدرك كان افضل هي انساها تماما هل هي حتقدرك؟ على حسب اللي تتزوجه انت حتنساها ؟ اكيد ان شاء الله .. اقله مش حتوقف حياتك عند رفضها لك ... وأهي الساعه ماشيه الحمد لله ما تعطلت ... صح والا لا؟ شف لك بنت فعلا تكون مقدرتك ومحترمتك هذي لا احترام لا تقدير لا حشمه لك لالالا وبعدين ما يصير تقول للحرمه انا رح اعمل لك كل شي ومابدي منك شي!!!!!!!!! ليه يعني ؟ وين المشاركه ؟ كذا الحياه ابدا مو حلوه يا اخي الزواج مو عشق وهيام فقط الزواج مشاركه وكدح وتعب وعمل واهتمام واحترام اهم شي لا ترتبط مع بنت ثانيه الا بعد فتره من انفصالك هذا ... حتى تكون على استعداد فعلا لخوض غمار تجربه جديده متكامله ان شاء الله بالتوفيق |
اقتباس:
لايوجد اي داعي على الاطلاق للهجوم هذا نقاش عاااااادي جدآ عزيزتي لكن الملكة = عقد قران =تصير زوجته لكن الخطوبة # انه اصبحت زوجته بل وعد بالزواج هما بس مجرد مخطوبين والنقاش لا يفسد للود قضية ابدآ:) |
| الساعة الآن 03:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©