|
ماهي الأشياء الأساسية للعروس؟
السلام عليكم ورحمةالله وبركاته
|
معقوله عشرين الف بس والا يتهيألي
احسها مررررره قليله الحين كل شي نااااااااار يمكن ماتكفي المهم انا بطرح رايي يمكن افيدك طبعا الشي الاساسي الملابس وبتتعب فيها شوي لازم تعطي كل شي حقه يعني ملابس طلعه عاديه وملابس سهره وملابس داخليه وملابس بيت يعني بجايم والذي منه وبعدها الشناط طبعا حقت اليد وتاخذلها كذا شنطه عشان تنوع والجزم الله يكرمك والقارئ يعني كعب فلات وبعدها الاكسسوارات والعطور وبرضو هاذي شي اساسي لازم تاخذلها كذا عطر عشان تنوع فيها والبعض يقولون البخور ودهن العود شي اساسي بس عن نفسي مااحب لا البخور ولا دهن العود مررررررره تقرفني ريحتها ولو تبين اسماء عطور حلوه علميني وابشري وكذا عبايه مع الطرحه وساعات اليد والمكياج يعني اساس يناسب لبشرتها وبودره وكحل العين بجميع الوانه عشان التنويع والبلاشر وبرضو القلوسات وايشدو للعين والماسكرا ووش بعد امممممم اتوقع بس هاذي واكيد بودرة اللمعه والمناكير عشان تتشيك تفقع عينه كل يوم بلون خخخخخخ واكيد طقم ارواب له ولها وبرضوا الة نزع الشعر براون وغيرها وختامها الصيدليه اذا ان اختك مثلي بتتوهق في الصيدليه اهم شي طبعا الديتول الصابون والبخاخ والمنظف حق اليدين يعني عشان بداية الزواج من اوتيل لاوتيل فما رح تضمن النظافه والشامبوهات والكريمات ومجموعه للبشره وطبعا تاخذ شنطه شيك عشان تحط فيها اغراض الصيدليه وباقي اغراضها لا تاخذ طقم شناط الي فيها حجم كبير ووسط وصغير لانها بتتوهق فيها مثل اختي لا خليها تاخذ شنطتين وسط لها وللزمن اطلت عليك حبيبتي بس حبيت افيدك المهم احتجتي اي شي من ناحية العطور او المكياج يعني اسماء عطور او ماركات المكياج علميني بس وابشري يعني يعني كئن عندي خبره من بعد زواج اختي وعقبالي يارب الله يوفقها وييسر امرها ويتمم لها بخير |
لا خبره ما شاء الله يا انسكابة عطر -- بس ماقلتي اي عطر -- استظرف مو :d
اختي حسب انتو وش تجهيزكم للعروس احنا مثلا حتى تجهيز غرفة النوم من شراشف ولحف وبطاطين واكسسوارات من المهر والذهب واللبس و العطور والمكياج كله من المهر غيرنا لا الذهب له فلوسه غير المهر والعريس هو اللي يجيب فستان الزواج و المكياج بعد يعني كل عيله وطقوسها |
معقولة 20000 فقط
|
يا جماعه عادي 20000 والله عادي فيها كل خير
تتجهز على قدها مافيه شي عادي جدا يعني عقبال ما توصل المهور لخمسه الاف وينسترون كل العزابيه قولوا آمين |
اقتباس:
ودي تساعديني وش تنصحيني من وين آخذالملابس الداخليه وعطيني اسماء لعطووورواااااااااو وياريت تحدديلي الكميه يعني كم عطر تشتري والمكياج كذلك والملابس الداخليه يعني كم قطعه حبيبتي من كل صنف سواء البيجامات اوفساتين السهره وحق الخروج سوووري حبيبيتي بس ابيكي انتي بالذااات تساعديني |
فيه مثل يقول (علاقدلحافك مدرجولك)
اهم شي الستر والعافيه |
العفو ياالحايره وماطلبتي شي
ولاتزعلين مني عشان استغربت المهر والله مااقصد شي وانتي صادقه اهم شي الستر والعافيه واذا ع العطور طبعا تاخذينها من محل وجوه اضمن لك وعندك بلاك اكس وشوبارد هذولي ريحتها جناااان تهوس وبرضو ايريزستبل واش بعد والله هذا اللي يحضرني واذا ذكرت برجع اكتب لك يعني مثلا تاخذ 6 الى 7 عطور واذا تقدر اكثر لانها بتستهلكها يعني عشان تجنننن الرجال خخخخخخخخ وتاخذ مجموعه من بودي شوب اوغيره واذا ع المكياج تاخذ مكياج كويتي روووعه فيه محل فاالرياض اجيب لك اسمه بعدين مايوجد المكياج الكويتي الا فيه بس مشكله لو انك منتي من الرياض والملابس الداخليه نعومي ولاسنزا وومن سيكرت بس اتوقع اسعارها غاليه ويقولون محل الهرم فاالرياض بضاعته نفس بضاعتهم وارخص واش بعد وفساتين السهره انا اقول 2 باالكثير 3 لانها اكيد رح يتغير جسمها واكيد رح تسمن بعد الزواج وتخسر الفساتين واكيد رح تفصل بعدين وملابس الطلعه انتي اعرف انتي واختك بانفسكم يعني طبيعة لبسكم وشهي واشتري قد ماتبين وملابس البيت والنوم تكثثثثثثثر منها عشان ماتندم مثل اختي لانها رح تستهلكها كثير بس اهم شي ماتكون كلها مشخلعه لا لازم يكون فيها شي مستر ولو قليل اتمنى اني اكون ساعدتك بقدر المستطاع واتمنى بدعوه لي فظهر الغيب وحده تمن بخدمتها خخخخخخخ |
ع فكره ياليت تلحقين ع ردي اخاف الاداره تمسح اسماء المحلات او العطور يعني تكون ممنوعه تنكتب
|
لآلآلآ بتكفي أن شاءالله ليش الطمع
الآهم البركة في الزواج أنا اختك في الله <<قولي والله :d انا عندي خبره في الأسواق <<بلاة وكل يوم أتفائل واأفكر وش الي بشتريه اذا عرست <<نوع من التفائول :) المهم مآعلينآ أنتي أكيد متزوجه وعندك خبره في تجهيز العروس لكن أنا بقولك الي عندي وممكن تستفيد منه قبل كل شيء لأاااااااازم تتصدق من مهرهآ حتى ربي يطرحه البركة في فلوسها لو بشيء قليل تعطية العمال الي موجودين في السوق أو أي مكان المهم أنها تتصدق هذآ أول شي ثانيآ خليها تشتري بالقطارة لأأن لأيام هذي صاير كل شي غآلي فخليها تكتب في ورقة الأشياء الي تبغاهآ والضروريه خذي لهآ قميص اول ليله غالي من نعومي لان هذي ليلتها ادلع نفسهآ فيهآ وخذي من لاسنزا قميصين نوم مع بيجامه نعومه مر وانيقه حقت ثاني يوم يعني خصصي لهم مبلغ 700 ريال تكفي غير قميص او ليله و أغراض الحمام وأغراض النظافة وأغراضهآ الخاصة لا تكثرمنهآآ ولا تجيبيها غالية ولا ماركات وهالهبل هذا لأن كلها نفس الشي .. خلي نصيب ملابس البيت مثل البجامات والتريننغ والشورتات والبديات والكتات والجينز والتنانير القصيرة والبلايز عندك سيتي ماكس .. الملابس الداخليه خلي الها نصيب حلو لأنها جدا مهمة .. عدة أشكال شوزات للبيت وللبرا تأخذ ملابس الطلعآت من صحارى او اي سوق يعني لأأتاخذ ماركات ويكفي طقمين أو3 وحق الصباحية تأخذلها فستان أيجآر أفضلهآ الميك آب لا تكثري فقط إشتري على حاجتهآ لا تشتري هذه العلب الكبيرة الي تلث أرباعها مافيه فايدة سجلي مسكارتين كم روج حلوات على بشرتهآ قلم كحلة فاونديشن خفيف ولطيف وواحد ثقيل وعلب شدو لكن لا تكثري .. طقم للعناية بالبشره كريم غسول,,, يعني فقط الي تحتاجه .. العطور جيبي بس ثنين يكفي وخلي واحد فيهم دايما ً حطي منه خاصة طول الشهر الأول حتى يتعود على ريحتهآ ولما يشمها بعدين يحن للايام الاولى <<عيب يأبنت وكمآن دهن عود وبخور عشان تطيب غرفتهآ نجي عند الأجهزة آلة براون إشتري المجموعة الي فيها كل الروس والسيراميك والأأستشوار والفير أكيد عندهآ فمالة داعي تكلف على نفسهآ أهم شي التسجيل والعدد خلي دفتر خاص لكل هذه الأمور وسجلي الاسعار بنفس اللحظة الي تشتري فيها حتى تعرفي فلوسها تروح فين وبعدين تتورط.. ولا تخصصي مبلغ كبير للذهب لأنه غالي حتى لو إضطريتي تستأجر كم قطعة ذهب أو ألماس للعرس بس فعلا ً لاتشتري كثير ممكن تجيهآ هدايأ خليهآ تدعي يجيهآ هدايا طقم ذهب :d أما الأأشياء العادية مثل العباية و الشنط والشوزات هذي من المحلات العآدية مولأأزم ماركات ونجي عند الأأهم الكوافيرا وو حقت الحمام المغربي والمصوره نصيحة لاتقول انهآ عروس وبعدين يبلشونهآ همهم يأخذو فلوسهآ وبس والنتيجه الى على الزبونة العادية نفس العروس فلا تكلف على نفسهآ وتقول في فرق ولآتنسين الشموع والأضات والبلونآت والزينة ...الخ وأنتي أدرى اذا مااستفدتي من تخطيطي قولي عادي روحي ريآضية :d الله يوفق اختك ويسعدها ويتمم لها عليها بخير يآرب |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
